Buska den Beibel

Echonan 9; Echonan 10 BSNP Edita

Echonan 9

9:1 Awor Saulo, ainda yen di amenasa i gustu pa mata e disipelnan di Señor, a bai serka e sumosaserdote,

9:2 i a pidié kartanan pa e snoanan na Damasko, pa si e haña kualkier hende ku ta pertenesé na e Kaminda, tantu hòmber komo muhé, e por trese nan mará na Jerusalèm.

9:3 I a sosodé ku, siguiendo su kaminda, el a yega serka di Damasko, i direpiente un lus for di shelu a resplandesé tur rònt di djé;

9:4 i el a kai abou na suela i a tende un bos ta bis'é: "Saulo, Saulo, pakiko bo ta pèrsiguíMi?"

9:5 I el a bisa: "Ken Bo ta, Señor?" I El a bisa: "Ami ta Jesus, Kende bo ta pèrsiguí. Ta duru pa bo skòp kontra e puntanan di heru."

9:6 I é, temblando i tur spantá, a puntra: "Señor, kiko Bo kier pa mi hasi?" I Señor a bis'é: "Lanta i bai den stat, i lo wòrdu bisá na bo kiko bo mester hasi."

9:7 I e hòmbernan ku tabata biaha huntu kuné a keda sin por bisa nada, ora nan a tende e bos sin mira ningun hende.

9:8 I Saulo a lanta for di suela i ounke su wowonan tabata habrí, e no por a mira nada; i nan a gui'é na su man hib'é Damasko.

9:9 I el a keda tres dia sin por a mira, i tampoko e no a kome ni bebe.

9:10 Awor na Damasko tabatin un disipel ku yama Ananias; i Señor a bis'é den un vishon: "Ananias." I el a kontestá: "At'ami aki, Señor."

9:11 I Señor a bis'é: "Lanta bai den e kaya ku yama Stret, i puntra na kas di Judas pa un hòmber for di Tarso, ku yama Saulo, pasobra mira, e ta hasiendo orashon,

9:12 i den un vishon el a mira un hòmber ku yama Ananias ta drenta i ta pone su mannan riba djé pa e por haña su bista bèk."

9:13 Ma Ananias a kontestá: "Señor, mi a tende di hopi hende tokante di e hòmber aki, kuantu daño el a hasi na Bo santunan na Jerusalèm;

9:14 i aki e tin outoridat di e saserdotenan prinsipal pa mara tur esnan ku ta invoká Bo nòmber."

9:15 Ma Señor a bis'é: "Bai, pasobra esaki ta un instrumènt skohí di Mi pa hiba Mi nòmber na e paganonan i reinan i e yunan di Israel;

9:16 pasobra Ami lo mustr'é kuantu e tin di sufri pa kousa di Mi nòmber."

9:17 I Ananias a bai i a drenta e kas, i despues di a pone su mannan riba djé, el a bisa: "Ruman Saulo, Señor Jesus, Kende a paresé na bo riba e kaminda ku bo a bin, a mandami pa bo haña bo bista bèk i wòrdu yená ku Spiritu Santu."

G3704 -- I -> So
G367 -- Ananias -> Ananias
G565 -- a bai -> departed
G1525 -- i a drenta -> and entered
G3614 -- e kas -> the house
G2007 -- , i despues di a pone -> and after laying
G5495 -- su mannan -> his hands
G3004 -- riba djé, el a bisa -> on him said
G80 -- : "Ruman -> Brother
G4549 -- Saulo -> Saul
G2962 -- , Señor -> the Lord
G2424 -- Jesus -> Jesus
G3708 -- , Kende a paresé -> who appeared
G3598 -- na bo riba e kaminda -> to you on the road
G3739 -- ku -> by which
G2064 -- bo a bin -> you were coming
G649 -- , a mandami -> has sent
G3704 -- pa -> me so
G308 -- bo haña -> that you may regain
G308 -- bo bista bèk -> your sight
G4092a -- i wòrdu yená -> and be filled
G40 -- ku Spiritu -> with the Holy
G4151 -- Spiritu -> Spirit

9:18 I mesora algu manera skama a kai for di su wowonan i el a haña su bista bèk, i el a lanta i a wòrdu batisá;

9:19 i el a kome algu i a rekobrá forsa. Awor Saulo tabata pa algun dia serka e disipelnan ku tabata na Damasko,

9:20 i mesora el a kuminsá proklamá Jesus den e snoanan, bisando: "E ta e Yu di Dios."

9:21 I tur esnan ku a tend'é a keda strañá i tabata bisa: "No ta esaki ta esun ku na Jerusalèm a destruí esnan ku tabata invoká e nòmber aki, i ku a bin aki ku e propósito di hiba nan mará dilanti di e saserdotenan prinsipal?"

G3956 -- I tur -> All
G3588 -- tur -> those
G191 -- esnan ku a tend'é -> hearing
G1839 -- a keda strañá -> him continued to be amazed
G3004 -- i tabata bisa -> and were saying
G3778 -- : "No ta esaki -> Is this
G2419 -- ta esun ku na Jerusalèm -> not he who in Jerusalem
G4199 -- a destruí -> destroyed
G3588 -- esnan -> those
G1941 -- ku tabata invoká -> who called
G3778 -- e -> on this
G3686 -- nòmber -> name
G2064 -- i ku a bin -> ] had come
G5602 -- aki -> here
G71 -- ku e propósito di hiba -> for the purpose of bringing
G1210 -- nan mará -> them bound
G1909 -- dilanti -> before
G749 -- di e saserdotenan -> the chief
G749 -- saserdotenan -> priests

9:22 Ma Saulo a sigui haña mas i mas poder, i tabata konfundí e hudiunan ku tabata biba na Damasko dor di proba ku e Jesus aki ta e Cristo.

9:23 I despues ku hopi dia a pasa, e hudiunan a traha kòmplòt pa mat'é,

9:24 ma Saulo a haña sa di nan kòmplòt. I tambe nan tabata tene warda na e portanan di stat di dia i anochi pa nan mat'é;

9:25 ma su disipelnan a koh'é den anochi i a bah'é den un makutu dor di un habrí den muraya.

9:26 I ora ku el a yega Jerusalèm, e tabata kier ta huntu ku e disipelnan; ma nan tur tabatin miedu di djé i no tabata kere ku e tabata un disipel.

9:27 Ma Barnabas a tum'é na su enkargo i a hib'é serka e apòstelnan. I el a konta nan kon na kaminda el a mira Señor, i ku El a papia kuné, i kon na Damasko el a papia ku tur frankesa den e nòmber di Jesus.

9:28 I e tabata drenta i sali libremente na Jerusalèm huntu ku nan, i tabata papia ku tur frankesa den e nòmber di Señor.

9:29 I e tabata papia i argumentá ku e hudiunan griego; ma esakinan tabata trata di mat'é.

9:30 Ma e rumannan, ora nan a haña sa di esaki, a hib'é Cesarea i a mand'é bai Tarso.

9:31 Asina e iglesia den henter Judea i Galilea i Samaria tabatin pas, i tabata wòrdu edifiká; i kanando den e temor di Señor i den e konsuelo di Spiritu Santu e iglesia a sigui oumentá.

9:32 Awor a sosodé ku ora Pedro tabata biaha dor di tur e partinan ei, el a bai tambe serka e santunan ku tabata biba na Lida.

9:33 I ayanan el a haña un hòmber ku yama Eneas, kende tabata ocho aña largu na kama, pasobra e tabata paralisá.

9:34 I Pedro a bis'é: "Eneas, Jesu-Cristo ta kurabo; lanta i drecha bo kama." I mesora el a lanta.

9:35 I tur esnan ku tabata biba na Lida i Saron a mir'é i a kombèrtí na Señor.

9:36 Awor na Jope tabatin un disipel ku yama Tabita, loke tradusí na griego ta nifiká Dorkas; e muhé aki tabata abundá den echonan di karidat i bon obra, ku e tabata hasi kontinuamente.

9:37 I a sosodé na e tempu ei ku el a bira malu i a muri; i despues ku nan a kaba di laba e morto, nan a pon'é den un sala ariba.

9:38 I komo ku Lida tabata keda pegá ku Jope, e disipelnan, ora nan a tende ku Pedro tabata einan, a manda dos hòmber serka djé, kendenan a rogu'é: "No tarda pa bin serka nos."

9:39 I Pedro a lanta i a bai ku nan. I ora ku el a yega, nan a hib'é den e sala ariba; i tur e biudanan a bin para banda di djé ta yora, i tabata mustra tur e túnikanan i bistínan ku Dorkas a traha tempu ku e tabata serka nan.

G1161 -- I -> So
G4074 -- Pedro -> Peter
G450 -- a lanta -> arose
G4905 -- i a bai -> and went
G3854 -- ku nan. I ora -> with them. When
G3854 -- ku el a yega -> he arrived
G321 -- , nan a hib'é -> they brought
G5253 -- den e sala ariba -> him into the upper
G5253 -- den e sala ariba -> room
G3956 -- ; i tur -> and all
G5503 -- e biudanan -> the widows
G3936 -- a bin para -> stood
G3936 -- banda -> beside
G2799 -- di djé ta yora -> him, weeping
G1925 -- , i tabata mustra -> and showing
G3745 -- tur -> all
G5509 -- e túnikanan -> the tunics
G2440 -- i bistínan -> and garments
G1393 -- ku Dorkas -> that Dorcas
G4160 -- a traha -> used to make
G3745 -- tempu -> while

9:40 Ma Pedro a manda nan tur sali pafó, anto el a hinka rudia i a hasi orashon, i el a bira su kara pa e morto i a bisa: "Tabita, lanta." I Tabita a habri su wowo, i ora ku el a mira Pedro el a lanta sinta.

9:41 I Pedro a dun'é un man i a pon'é para riba su pia; i despues di a yama e santunan i e biudanan, el a present'é bibu na nan.

9:42 I henter Jope a haña sa esaki i hopi a kere den Señor.

9:43 I a sosodé ku el a keda hopi dia na Jope serka un tal Simon, kurtidó-di-kueru.

Echonan 10

10:1 Awor tabatin un hòmber na Cesarea ku yama Cornelio, un senturión di loke tabata wòrdu yamá e batayon italiano,

10:2 un hòmber deboto ku tabata teme Dios huntu ku tur e hendenan di su kas, ku tabata duna hopi limosna na e pueblo hudiu i ku tabata hasi orashon na Dios kontinuamente.

10:3 Pa tres or di atardi el a mira kla-kla den un vishon un angel di Dios bin serka djé i bis'é: "Cornelio!"

10:4 I fihando su bista riba e angel i mashá spantá, el a bisa: "Kiko a pasa, Señor?" I el a bis'é: "Bo orashonnan i limosnanan a subi bai dilanti di Dios i E ta rekòrdá nan.

10:5 I awor, manda algun hòmber bai Jope i laga buska un hòmber ku yama Simon, kende tambe ta wòrdu yamá Pedro;

10:6 e ta keda serka un kurtidó-di-kueru ku yama Simon, kende su kas ta keda pegá ku laman."

10:7 I ora ku e angel ku tabata papia ku Cornelio a bai, el a manda yama dos di su sirbidónan i un sòldá deboto for di esnan ku tabata sirbié konstantemente,

10:8 i despues ku el a splika nan tur kos, el a manda nan Jope.

10:9 I e dia siguiente, ora nan tabata na kaminda i aserkando e stat, Pedro a subi bai riba dak pa hasi orashon pa banda di diesdos or di mèrdia.

10:10 I el a haña hamber i tabatin gana di kome; ma mientras ku nan tabata prepará algu, el a bai den trans;

10:11 i el a mira shelu habrí, i un opheto manera un laken grandi ta wòrdu bahá riba tera na su kuater puntanan,

10:12 i den djé tabatin tur sorto di bestia di kuater pia i bestia ku ta lastra riba tera i parha di shelu.

10:13 I un bos a bis'é: "Pedro, lanta, mata i kome!"

10:14 Ma Pedro a kontestá: "Di ningun manera, Señor, pasobra nunka mi no a kome nada profano ni impuru."

10:15 I un bos a bolbe bis'é pa di dos biaha: "Loke Dios a hasi limpi, no konsiderá esei profano."

10:16 I esaki a sosodé tres biaha; i mesora e opheto a wòrdu tumá na shelu.

10:17 I mientras ku Pedro tabata mashá konfundí tokante di kiko e vishon ku el a mira por ta nifiká, at'e hòmbernan ku Cornelio a manda, despues di a puntra pa kas di Simon, a yega na e porta di kurá;

G1161 -- I -> Now
G5613 -- I mientras ku -> while
G4074 -- Pedro -> Peter
G1280 -- tabata mashá -> was greatly
G1280 -- konfundí -> perplexed
G1438 -- tokante di -> in mind
G5101 -- di kiko -> as to what
G3705 -- e vishon -> the vision
G3739 -- ku -> which
G3708 -- el a mira -> he had seen
G2400 -- por ta nifiká, at'e -> might be, behold
G435 -- hòmbernan -> the men
G649 -- ku Cornelio a manda -> who had been sent
G2883 -- ku Cornelio a manda -> by Cornelius
G1331 -- despues di a puntra -> having asked
G1331 -- despues di a puntra -> directions
G4613 -- pa kas di Simon -> for Simon’s
G3614 -- pa kas di Simon -> house
G2186 -- a yega -> appeared
G4440 -- na e porta di kurá -> at the gate

10:18 i nan a yama i a puntra si Simon, kende tambe ta wòrdu yamá Pedro, tabata keda einan.

10:19 I mientras ku Pedro tabata pensa riba e vishon, e Spiritu a bis'é: "Ata tres hòmber ta buskabo.

10:20 Lanta, bah'abou i bai huntu ku nan sin duda ni un momento, pasobra ta Ami mes a manda nan."

10:21 I Pedro a baha bai serka e hòmbernan i a bisa: "Mira, ami ta esun ku boso ta buska. Pa ki motibu boso a bin?"

10:22 I nan a kontestá: "Cornelio, un senturión, un hòmber hustu ku ta teme Dios, i ku tin bon testimonio serka henter e pueblo di e hudiunan, a risibí instrukshon di un angel santu pa manda buskabo pa bin su kas pa e tende un mensahe for di bo."

10:23 I asina el a invitá nan drenta i a hospedá nan. I e dia siguiente el a lanta i a bai huntu ku nan, i algun di e rumannan for di Jope a kompañ'é.

10:24 I su manisé nan a yega Cesarea. Awor Cornelio tabata spera nan, i a yama su famia i su amigunan mas yegá pa nan bin huntu.

10:25 I ora Pedro a drenta, Cornelio a bai kontr'é, i a tira su kurpa abou na su pia i a ador'é.

10:26 Ma Pedro a lant'é pon'é para, bisando: "Lanta para; mi mes tambe ta un hende."

10:27 I papiando kuné el a bai paden i a haña hopi hende reuní huntu.

10:28 I el a bisa nan: "Boso sa ku Lei no ta pèrmití pa un hudiu asosiá ku un stranhero ni bishit'é. Ma Dios a mustrami ku mi no mester yama ningun hende profano ni impuru.

10:29 Ta pesei mi a bin sin kontradisí ora mi a wòrdu yamá. Mi ta puntra anto pa ki motibu boso a manda buskami."

10:30 I Cornelio a bisa: "Kuater dia pasá, na e ora aki, mi tabata hasi orashon den mi kas pa tres or di atardi; i mira, un hòmber bistí na paña lombrante a presentá mi dilanti,

10:31 i el a bisa: 'Cornelio, bo orashon a wòrdu tendí i bo limosnanan a wòrdu rekòrdá dilanti di Dios.

10:32 Manda un hende anto na Jope i laga yama Simon, kende tambe ta wòrdu yamá Pedro, pa bin serka bo; e ta keda na kas di Simon, kurtidó-di-kueru, pegá ku laman.'

10:33 I asina mi a manda buskabo mesora i bo tabata asina bon di bin. Nos tur anto ta aki presente dilanti di Dios pa tende tur loke Señor a ordenábo."

10:34 I Pedro a habri su boka i a bisa: "Di bèrdat mi ta komprendé awor ku Dios no ta hasi distinshon di persona,

10:35 ma den tur nashon e hende ku ta tem'E i ku ta hasi hustisia ta aseptabel p'E.

10:36 El a manda e palabra aki pa e yunan di Israel, predikando pas pa medio di Jesu-Cristo--E ta Señor di tur.

10:37 Boso mes sa kiko a tuma lugá den henter Judea, kuminsando na Galilea, despues di e boutismo ku Juan a proklamá.

10:38 Boso sa di Jesus di Nazarèt, kon Dios a ungiE ku Spiritu Santu i ku poder, i kon El a bai rònt, hasiendo bon i kurando tur ku tabata bou di poder di diabel; pasobra Dios tabata kunE.

10:39 "I nos ta testigu di tur kos ku El a hasi tantu na tera di e hudiunan komo na Jerusalèm. I tambe nan a mat'E dor di kologu'E na un krus.

10:40 Dios a lant'E riba e di tres dia i a hasi ku El a bira visibel,

10:41 no na tur hende, ma na testigunan ku Dios a skohe di antemano, esta, na nos ku a kome i bebe huntu kunE despues ku El a lanta for di e mortonan.

10:42 I El a manda nos prediká pa e pueblo i pa duna testimonio ku Esaki ta Esun ku Dios a nombra komo Hues di e bibunan i di e mortonan.

10:43 Di djE tur e profetanan ta duna testimonio ku, pa medio di Su nòmber, tur ku ta kere den djE ta risibí pordon di piká."

10:44 Mientras ku Pedro tabata papia e palabranan aki ainda, Spiritu Santu a baha riba tur esnan ku tabata skucha e mensahe.

10:45 I tur e keredónan sirkumsidá, ku a bin huntu ku Pedro, a keda strañá, pasobra e don di Spiritu Santu a wòrdu dramá riba e paganonan tambe.

10:46 Pasobra nan tabata tende nan ta papia den lenganan i deklará e grandesa di Dios. E ora ei Pedro a kontestá:

10:47 "Tin un hende ku por nenga e awa pa esakinan wòrdu batisá? Nan no a risibí Spiritu Santu meskos ku nos?"

10:48 I el a ordená nan pa wòrdu batisá den e nòmber di Jesu-Cristo. E ora ei nan a pidié pa keda algun dia serka nan.