Buska den Beibel

Echonan 1; Echonan 2; Echonan 3 BSNP Edita

Echonan 1

1:1 E promé relato mi a skirbi, O Teófilo, tokante di tur loke Jesus a kuminsá hasi i siña,

1:2 te na e dia ku El a wòrdu tumá den shelu, despues ku pa medio di Spiritu Santu El a duna òrdu na e apòstelnan ku El a skohe.

1:3 Na esakinan El a presentá Su mes tambe bibu, despues di Su sufrimentu, pa medio di hopi prueba konvinsente, i a paresé na nan durante kuarenta dia, papiando tokante di e kosnan di e reino di Dios.

G3739 -- Na esakinan -> To these
G2532 -- El a presentá Su mes tambe -> He also
G3936 -- presentá -> presented
G1438 -- Su mes -> Himself
G2198 -- bibu -> alive
G3326 -- despues di -> after
G3958 -- Su sufrimentu -> His suffering
G4183 -- pa medio di hopi -> by many
G5039 -- prueba konvinsente -> convincing
G5039 -- prueba -> proofs
G3700 -- i a paresé -> appearing
G1223 -- na nan durante -> to them over
G5065b -- kuarenta -> ] forty
G2250 -- dia -> days
G3004 -- papiando -> and speaking
G4012 -- tokante di e kosnan -> of the things concerning
G932 -- e reino -> the kingdom
G2316 -- di Dios -> of God

1:4 I ora ku E tabata huntu ku nan, El a duna nan e òrdu aki: "No bai for di Jerusalèm, ma spera riba e promesa di e Tata, ku boso a tendeMi papia di djé;

1:5 pasobra Juan tabata batisá ku awa, ma boso lo wòrdu batisá ku Spiritu Santu no muchu dia despues di e dia aki."

1:6 Pesei, ora nan a bin huntu, nan tabata hasiE pregunta, bisando: "Señor, ta na e tempu aki Bo ta bai restorá e reino pa Israel?"

1:7 El a bisa nan: "No ta toka boso pa sa e tempu ni e époka ku e Tata a fiha pa medio di Su mes outoridat,

1:8 ma boso lo risibí poder ora Spiritu Santu bin riba boso, i boso lo ta Mi testigunan na Jerusalèm i na henter Judea i Samaria, i te na e parti mas alehá di mundu."

1:9 I ora ku El a kaba di bisa e kosnan aki, El a wòrdu tumá na shelu, mientras ku nan tabata para mira, i un nubia a kit'E for di nan bista.

1:10 I mientras ku nan tabata fiha nan bista na shelu segun ku E tabata subi bai, ata dos hòmber bistí na blanku a bin para banda di nan,

1:11 kendenan tambe a bisa: "Hòmbernan di Galilea, pakiko boso ta para wak na shelu? E Jesus aki, Kende a wòrdu tumá for di boso na shelu, lo bolbe di e mesun manera ku boso a mir'E ta bai shelu."

G2532 -- kendenan tambe -> They also
G3004 -- a bisa -> said
G435 -- Hòmbernan -> Men
G1057 -- di Galilea -> of Galilee
G5101 -- pakiko -> why
G2476 -- boso ta para -> do you stand
G991 -- wak -> looking
G3772 -- na shelu -> into the sky
G3778 -- E -> ? This
G2424 -- Jesus -> Jesus
G353 -- Kende a wòrdu tumá -> who has been taken
G3772 -- for di boso na shelu -> up from you into heaven
G2064 -- lo bolbe -> will come
G3779 -- di e mesun -> in just
G5158 -- mesun -> the same
G5158 -- manera -> way
G2300 -- ku boso a mir'E -> as you have watched
G4198 -- ta bai -> Him go
G3772 -- shelu -> into heaven

1:12 E ora ei nan a bolbe bai Jerusalèm for di e seru ku ta wòrdu yamá Seru di Oleifi, ku ta keda pegá ku Jerusalèm, na un distansia ku ta pèrmití pa kana riba dia di Sabat.

1:13 I ora nan a drenta stat, nan a subi bai na e sala ariba, kaminda nan tabata keda; esta, Pedro i Juan, Santiago i Andres, Felipe i Tomas, Bartolomeo i Mateo, Santiago, yu hòmber di Alfeo, i Simon e Zelote i Judas, yu hòmber di Santiago.

G3753 -- I -> When
G1525 -- nan a drenta -> they had entered
G305 -- nan a subi -> ], they went
G5253 -- bai na e sala ariba -> up to the upper
G5253 -- kaminda -> room
G3757 -- nan tabata keda -> where
G4074 -- esta, Pedro -> that is, Peter
G2491 -- i Juan -> and John
G2385 -- Santiago -> and James
G406 -- i Andres -> and Andrew
G5376 -- Felipe -> Philip
G2381 -- i Tomas -> and Thomas
G918 -- Bartolomeo -> Bartholomew
G3102b -- i Mateo -> and Matthew
G2385 -- Santiago -> James
G256b -- yu hòmber di Alfeo -> ] of Alphaeus
G4613 -- i Simon -> and Simon
G2208 -- e Zelote -> the Zealot
G2455 -- i Judas -> and Judas
G2385 -- yu hòmber di Santiago -> ] of James

1:14 Esakinan tur, di ún akuèrdo, a keda pèrseverá den orashon, huntu ku e muhénan i Maria, mama di Jesus, i huntu ku Su ruman hòmbernan.

1:15 I den e dianan ei Pedro a lanta para meimei di e rumannan (tabatin un grupo di mas o menos shent'i binti persona huntu einan), i a bisa:

1:16 "Rumannan, e Skritura mester a wòrdu kumplí, kual Spiritu Santu a papia di antemano pa medio di boka di David tokante di Judas, kende a bira un guiadó di esnan ku a arestá Jesus.

1:17 Pasobra el a wòrdu kontá huntu ku nos i a risibí su parti den e ministerio aki."

1:18 (Awor e hòmber aki a atkirí pida tereno ku e pago di su maldat; i el a kai di kabes i a rementá habri na dos, i tur su shirishirinan a bash'afó.

1:19 I tur esnan ku tabata biba na Jerusalèm a haña sa esaki, asina ku e pida tereno ei, den nan mes idioma, a wòrdu yamá Akeldama, esta, Tereno di Sanger.)

1:20 "Pasobra ta pará skirbí den e buki di Salmonan: 'Laga su lugá di biba bira desolá, i no laga ningun hende biba den djé'; i: 'Laga un otro hende tuma su puesto.'

1:21 Pesei ta nesesario ku di e hòmbernan aki ku tabata huntu ku nos tur e tempu ku Señor Jesus tabata drenta i sali serka nos--

1:22 kuminsando for di e boutismo di Juan te na e dia ku El a wòrdu tumá for di nos--un di nan bira testigu huntu ku nos di Su resurekshon."

1:23 I nan a proponé dos hòmber: Jose, kende tabata wòrdu yamá Barsabas, kende tambe tabata wòrdu yamá Justu, i Matias.

1:24 I nan a hasi orashon i a bisa: "Abo, Señor, Kende konosé kurason di tur hende, mustra kual di e dosnan aki Abo a skohe

1:25 pa okupá e ministerio i apostolado aki ku Judas a laga pa bai na su mes lugá."

1:26 Nan a tira lòt pa nan, i lòt a kai pa Matias; i el a wòrdu kontá huntu ku e diesun apòstelnan.

Echonan 2

2:1 I ora ku e dia di Pentekòste a yega, nan tur tabata huntu na ún lugá.

2:2 I direpiente a bin un zonidu for di shelu, manera un bientu violento i fuerte, i esaki a yena henter e kas kaminda nan tabata sintá.

2:3 I nan a mira loke tabata parse lenganan di kandela, kualnan a separá for di otro, i a bai para riba kada un di nan.

2:4 I nan tur a wòrdu yená ku Spiritu Santu i a kuminsá papia den otro lenganan, manera e Spiritu tabata duna nan pa papia.

2:5 Awor tabatin hudiu ta biba na Jerusalèm, hòmbernan deboto, for di tur nashon bou di shelu.

2:6 I ora nan a tende e zonidu aki, e multitut a kore bin huntu i a keda tur turdí, pasobra kada un tabata tende nan papia den su mes lenga.

2:7 I nan a keda asombrá i strañá, bisando: "Mira, tur esakinan ku ta papia, no ta galileo nan ta?

2:8 I kon anto nos kada un ta tende nan papia den nos mes lenga den kual nos a nase?

2:9 Partonan i medonan i elamitanan i habitantenan di Mesopotamia, Judea i Kapadosia, Ponto i Asia,

2:10 Frigia i Pamfilia, Egipto i e distriktonan di Libia, pegá ku Sirene, i bishitantenan for di Roma, tantu hudiu komo prosélito,

2:11 kretense i arabir--nos ta tende nan den nos mes lenga ta papia di e echonan poderoso di Dios."

2:12 I nan tur a keda strañá i babuká i tabata bisa otro: "Ta kiko esaki kier men?"

2:13 Ma otronan tabata hasi bofon i tabata bisa: "Nan a bebe muchu biña dushi."

2:14 Ma Pedro a lanta para huntu ku e diesunnan, i na bos haltu el a deklará na nan: "Hòmbernan di Judea i boso tur ku ta biba na Jerusalèm, sabi esaki i pone atenshon na mi palabranan.

2:15 Pasobra e hòmbernan aki no ta burachi manera boso ta suponé, pasobra ta awor ta nueb'or di mainta;

2:16 ma esaki ta loke a wòrdu papiá pa medio di profeta Joel:

2:17 'I lo sosodé den e último dianan,' Dios ta bisa, 'ku lo Mi basha di Mi Spiritu riba henter humanidat; i boso yu hòmbernan i boso yu muhénan lo profetisá, i boso hobennan lo mira vishonnan, i boso ansianonan lo soña soñonan;

2:18 tambe riba Mi sirbidónan, tantu hòmber komo muhé, lo Mi basha di Mi Spiritu den e dianan ei, i nan lo profetisá.

2:19 I lo Mi mustra maraviyanan ariba den e shelunan i señalnan abou riba tera, sanger i kandela i nubia di huma.

2:20 Solo lo wòrdu kambiá den skuridat, i luna den sanger, promé ku e dia grandi i glorioso di SEÑOR bin.

2:21 I lo t'asina ku ken ku invoká e nòmber di SEÑOR lo ta salbá.'

2:22 "Hòmbernan di Israel, skucha e palabranan aki: Jesus di Nazarèt, un Hòmber aprobá pa Dios boso dilanti ku milagernan, maraviyanan i señalnan ku Dios a hasi pa medio di djE meimei di boso, manera boso mes sa,

G435 -- Hòmbernan -> Men
G2475a -- di Israel -> of Israel
G191 -- skucha -> listen
G3778 -- e palabranan aki -> to these
G3056 -- palabranan -> words
G2424 -- Jesus -> Jesus
G3480 -- di Nazarèt -> the Nazarene
G435 -- un Hòmber -> a man
G584 -- aprobá -> attested
G2316 -- pa Dios -> to you by God
G1411 -- ku milagernan -> with miracles
G5059 -- maraviyanan -> and wonders
G4592 -- i señalnan -> and signs
G3739 -- ku -> which
G2316 -- Dios -> God
G4160 -- a hasi -> performed
G1223 -- pa medio di -> through
G3319 -- djE meimei di boso -> Him in your midst
G2531a -- manera -> just
G846 -- boso mes -> as you yourselves
G3609a -- sa -> know

2:23 e Hòmber aki, entregá pa medio di e plan predeterminá i e konosementu previo di Dios, boso a klaba na krus pa medio di mannan di hòmbernan malbado i a mat'E.

2:24 I Dios a lant'E, poniendo un fin na e agonia di morto, komo ku tabata imposibel pa E keda tení den su poder.

2:25 Pasobra David ta bisa di djE: 'Semper mi tabata mira SEÑOR mi dilanti, pasobra E ta na mi man drechi, pa mi no wòrdu moví.

2:26 Pesei mi kurason tabata kontentu i mi lenga a regosihá; ademas, mi karni tambe lo biba den speransa;

2:27 pasobra lo Bo no entregá mi alma na Hades, ni pèrmití Bo Santu mira korupshon.

2:28 Bo a mustrami e kamindanan di bida; lo Bo yenami di alegria ku Bo presensia.'

2:29 "Rumannan, ku tur konfiansa mi por bisa boso tokante di e patriarka David, ku el a muri i a wòrdu derá, i su tumba ta serka nos te dia djawe.

2:30 I asina, pasobra e tabata un profeta i tabata sa ku Dios a primintié bou di huramentu di pone un di su desendientenan riba su trono,

2:31 el a mira padilanti i a papia di e resurekshon di e Cristo, ku E no a wòrdu lagá den Hades, ni Su karni no a mira korupshon.

2:32 E Jesus aki Dios a lanta, di lokual nos tur ta testigu.

2:33 Pesei, siendo halsá na man drechi di Dios i despues di a risibí for di e Tata e promesa di Spiritu Santu, El a drama esaki, lokual boso ta mira i tende.

2:34 Pasobra no ta David a subi na shelu, ma e mes ta bisa: 'SEÑOR a bisa mi SEÑOR: "Sinta na Mi man drechi,

2:35 te ora Mi hasi Bo enemigunan un banki pa Bo pianan."'

2:36 "Asina, laga henter kas di Israel sa sigur ku Dios a hasiE tantu Señor komo Cristo--e Jesus aki, Kende boso a krusifiká."

2:37 Awor ora nan a tende esaki, nan a wòrdu konmoví te den profundidat di nan kurason, i a puntra Pedro i e otro apòstelnan: "Rumannan, kiko nos mester hasi?"

2:38 I Pedro a kontestá nan: "Repentí, i laga kada un di boso wòrdu batisá den e nòmber di Jesu-Cristo pa pordon di boso pikánan; i boso lo risibí e don di Spiritu Santu.

2:39 Pasobra e promesa ta pa boso i pa boso yunan i pa tur ku ta leu, pa tur esnan ku Señor nos Dios lo yama serka djE."

2:40 I ku hopi otro palabra mas el a duna testimonio i a sigui spièrta nan, bisando: "Skapa for di e generashon pèrvèrso aki!"

2:41 Asina anto esnan ku a risibí su palabra a wòrdu batisá; i e dia ei a wòrdu añadí na nan mas o menos tres mil alma.

2:42 I nan tabata dediká nan mes kontinuamente na e siñansa di e apòstelnan i na e komunion ku otro, na e kibramentu di pan i na orashon.

2:43 I a bin temor riba tur alma; i hopi maraviya i señal tabata tuma lugá pa medio di e apòstelnan.

2:44 I tur esnan ku a kere tabata huntu i tabata kompartí ku otro tur loke nan tabatin;

2:45 i nan tabata bende nan propiedat i poseshonnan i tabata kompartí nan ku tur, segun nesesidat di kada un.

2:46 I tur dia nan tabata konstantemente di ún akuèrdo den tèmpel. Nan tabata bai di kas pa kas i tabata kibra pan, i kome huntu ku alegria i sinseridat di kurason,

2:47 alabando Dios. I nan tabata bon mirá serka henter e pueblo. I tur dia Señor tabata agregá na e iglesia esnan ku tabata wòrdu salbá.

Echonan 3

3:1 Awor Pedro i Juan tabata bai tèmpel tres or di atardi, e ora di orashon.

3:2 I un hòmber ku tabata lam for di den barika di su mama, asina ku e mester a wòrdu kargá, nan tabata pone tur dia na e porta di tèmpel ku ta wòrdu yamá Bunita, pa pidi limosna na esnan ku tabata drenta tèmpel.

G435 -- I un hòmber -> And a man
G5225 -- ku tabata -> who had been
G5560 -- lam -> lame
G3384 -- for di den barika di su mama -> from his mother’s
G2836 -- barika -> womb
G941 -- meser a wòrdu kargá -> was being carried
G3739 -- asina ku -> along, whom
G5087 -- nan tabata pone -> they used to set
G5087 -- pone -> down
G2596 -- tur -> every
G2250 -- dia -> day
G2374 -- na e porta -> at the gate
G2413 -- di tèmpel -> of the temple
G3004 -- ku ta wòrdu yamá -> which is called
G5611 -- Bunita -> Beautiful
G154 -- pa pidi -> in order to beg
G1654 -- limosna -> alms
G3588 -- na esnan -> of those
G1531 -- ku tabata drenta -> who were entering
G2413 -- tèmpel -> the temple

3:3 I ora ku el a mira Pedro i Juan ta bai drenta tèmpel, el a pidi un limosna.

3:4 I Pedro, huntu ku Juan, a fiha su bista riba djé i a bisa: "Wak nos!"

3:5 I el a fiha su atenshon riba nan, sperando di risibí algu for di nan.

3:6 Ma Pedro a bisa: "Plata i oro mi no tin, ma loke mi tin mi ta dunabo: Den e nòmber di Jesu-Cristo di Nazarèt--kana!"

3:7 I el a koh'é na su man drechi i a lant'é, i mesora su pianan i su ènkelnan a haña forsa.

3:8 I el a bula lanta para i a kuminsá kana; i el a drenta den tèmpel huntu ku nan, i tabata kana i bula i alabá Dios.

3:9 I henter e pueblo a mir'é ta kana i alabá Dios,

3:10 i nan a rekonos'é komo esun ku tabatin kustumber di sinta na e Porta Bunita di tèmpel pa pidi limosna, i nan a keda asombrá i strañá di loke a sosodé kuné.

3:11 I mientras ku e tabata tene na Pedro i Juan, henter e pueblo a kore bin serka nan na e asina yamá veranda-di-pilar di Salomon, tur strañá.

3:12 Ma ora Pedro a mira esaki, el a kontestá e pueblo: "Hòmbernan di Israel, pakiko esaki ta straña boso, òf pakiko boso ta keda wak nos asina, komo si fuera ta ku nos mes poder òf piedat nos a hasié kana?

3:13 E Dios di Abraham, Isaak i Jakòb, e Dios di nos tatanan, a glorifiká Su Yu Jesus, Kende boso a entregá i a nenga dilanti di Pilato, ora ku el a disidí di pon'E den libertat.

3:14 Ma boso a nenga Esun Santu i Hustu, i a pidi pa un matadó wòrdu duná na boso,

3:15 i boso a mata e Prens di bida, Esun ku Dios a lanta for di e mortonan, di lokual nos ta testigu.

3:16 I pa medio di fe den Su nòmber, ta e nòmber di Jesus a duna forsa na e hòmber aki ku boso ta mira i ta konosé; i e fe ku ta bin pa medio di djE a dun'é e salú perfekto aki den presensia di boso tur.

3:17 "Ma awor, rumannan, mi sa ku boso a hasi esaki den ignoransia, meskos ku boso gobernantenan tambe a hasi.

3:18 Ma loke Dios a anunsiá di padilanti pa medio di boka di tur e profetanan, ku Su Cristo mester a sufri, El a kumpli kuné di e manera aki.

3:19 Repentí anto i kombèrtí, pa boso pikánan wòrdu kitá, pa tempunan di refreskamentu por bin for di e presensia di Señor,

3:20 i pa E por manda Jesus, e Cristo, destiná pa boso,

3:21 Kende shelu mester risibí te na e tempunan di restorashon di tur kos, di kual Dios a papia pa medio di boka di Su profetanan santu for di antiguedat.

3:22 Moisés a bisa: 'SEÑOR Dios lo lanta un profeta pa boso, manera ami, for di boso rumannan; na djE boso mester skucha den tur kos ku E ta bisa boso.

3:23 I lo sosodé ku tur alma ku no skucha na e profeta ei lo wòrdu destruí kompletamente for di meimei di e pueblo.'

3:24 "I di e mesun manera tur e profetanan ku a papia, desde Samuel i esnan ku a sigui, tambe a anunsiá e dianan aki.

3:25 Ta boso ta e yunan di e profetanan i di e aliansa ku Dios a sera ku boso tatanan, bisando Abraham: 'I den bo simia tur e famianan di mundu lo wòrdu bendishoná.'

3:26 Pa boso, na promé lugá, Dios a lanta Su Yu i a mand'E pa bendishoná boso dor di hasi kada un di boso bira for di su inikidatnan."