Buska den Beibel

Romanonan 1; Romanonan 2; Romanonan 3 BSNP Edita

Romanonan 1

1:1 Pablo, un sirbidó di Cristo Jesus, yamá pa ta apòstel, apartá pa e evangelio di Dios,

1:2 lokual El a primintí di antemano pa medio di Su profetanan den e Skrituranan santu,

1:3 tokante di Su Yu, Kende a nase di un desendiente di David segun karni,

1:4 Kende a wòrdu deklará di ta e Yu di Dios ku poder pa medio di resurekshon for di e mortonan, segun e Spiritu di santidat: Jesu-Cristo, nos Señor.

1:5 Dor di djE nos a risibí grasia i apostolado pa trese obedensia di fe meimei di tur e paganonan pa kousa di Su nòmber,

1:6 den kendenan boso tambe ta e yamánan di Jesu-Cristo.

1:7 Na tur Dios Su stimánan na Roma, yamá pa ta santunan: Grasia na boso i pas for di Dios nos Tata i di Señor Jesu-Cristo.

1:8 Na promé lugá mi ta gradisí mi Dios pa medio di Jesu-Cristo pa boso tur, pasobra boso fe ta wòrdu proklamá den henter mundu.

1:9 Pasobra Dios, Kende mi ta sirbi den mi spiritu den predikamentu di e evangelio di Su Yu, ta mi testigu kon konstantemente mi ta kòrda riba boso,

1:10 semper hasiendo petishon den mi orashon, ku podisé awor porfin, segun e boluntat di Dios, mi por haña okashon pa bin serka boso.

1:11 Pasobra mi ta anhelá di mira boso, pa mi por kompartí algun don spiritual ku boso, pa boso por keda stablesí--

1:12 esta, pa mi por wòrdu enkurashá huntu ku boso, mientras ku mi ta serka boso, kada un di nos dor di fe di e otro, tantu e fe di boso komo e fe di mi.

1:13 I mi no kier pa boso keda sin sa, rumannan, ku hopi biaha mi tabatin plan di bin serka boso (ma mi a wòrdu strobá te awor) pa mi por tin algun fruta meimei di boso tambe, meskos ku meimei di e otro paganonan.

G2309 -- I mi no kier -> I do not want
G50 -- pa boso keda sin sa, -> you to be unaware
G80 -- rumannan, -> brethren
G4178 -- ku hopi biaha -> that often
G4388 -- mi tabatin plan -> I have planned
G2064 -- di bin -> to come
G2967 -- serka boso (ma mi a wòrdu strobá -> to you (and have been prevented
G2443 -- te -> so
G891 -- awor) -> far
G2443 -- pa -> ) so
G2192 -- mi por tin -> that I may obtain
G5100 -- algun -> some
G2590 -- fruta -> fruit
G1722 -- meimei -> among
G2532 -- di boso tambe, -> you also
G2531a -- meskos -> even
G1722 -- ku meimei -> as among
G3062 -- di e otro -> the rest
G1484 -- paganonan. -> of the Gentiles

1:14 Mi ta debedó tantu di griego komo di bárbaro, tantu di e sabínan komo di esnan ku no ta sabí.

1:15 Pesei, di mi parti, mi ta ansioso pa prediká e evangelio na boso tambe ku ta na Roma.

1:16 Pasobra mi no tin bèrguensa di e evangelio, pasobra esaki ta e poder di Dios pa salbashon pa tur ku ta kere, pa e hudiu promé i tambe pa e griego.

1:17 Pasobra den esaki e hustisia di Dios ta keda revelá di fe pa fe; manera ta pará skirbí: "Ma e hende hustu lo biba pa medio di fe."

1:18 Pasobra e furia di Dios ta keda revelá for di shelu kontra tur impiedat i inhustisia di hende ku ta oprimí e bèrdat pa medio di inhustisia;

1:19 pasobra loke ta konosí tokante di Dios ta manifestá den nan; pasobra Dios a hasi esaki konosí na nan.

1:20 Pasobra desde kreashon di mundu Su atributonan invisibel, Su poder etèrno i naturalesa divino, a wòrdu mirá klaramente, siendo komprendí dor di loke a wòrdu trahá, asina ku nan no tin èksküs.

G575 -- Pasobra desde -> For since
G2937 -- kreashon -> the creation
G2889 -- di mundu -> of the world
G517 -- Su atributonan invisibel, -> His invisible
G126 -- Su poder etèrno -> attributes, His eternal
G1411 -- poder -> power
G2305 -- i naturalesa divino, -> and divine
G2305 -- divino, -> nature
G2529 -- a wòrdu mirá klaramente, -> have been clearly
G2529 -- klaramente, -> seen
G3539 -- siendo komprendí -> being understood
G4161 -- dor di loke -> through what
G4161 -- a -> has
G4161 -- wòrdu -> been
G4161 -- trahá, -> made
G1519 -- asina -> so
G379 -- ku nan no tin -> that they are without
G379 -- èksküs. -> excuse

1:21 Pasobra maske nan tabata konosé Dios, nan no a onr'E komo Dios, ni a duna gradisimentu, ma a bira inútil den nan spekulashonnan, i nan kurason bobo a bira skur.

1:22 Profesando di ta sabí, nan a bira bobo,

1:23 i a kambia e gloria di e Dios inkoruptibel pa un imagen den forma di hende koruptibel--i di parha i animal di kuater pia i bestia ku ta lastra.

1:24 Pesei tambe Dios a entregá nan na impuresa, den e pashonnan di nan kurason, pa nan ku nan desonrá nan mes kurpa.

1:25 Pasobra nan a kambia e bèrdat di Dios pa un mentira i a adorá i sirbi e kriatura enbes di e Kreador, Kende ta bendishoná pa semper. Amèn.

1:26 Pa e motibu aki Dios a entregá nan na pashonnan bèrgonsoso, pasobra nan muhénan a kambia nan funshon natural pa loke ta kontra naturalesa,

1:27 i di e mesun manera tambe e hòmbernan a bandoná e funshon natural di muhé i a kima den nan pashon un pa otro; hòmber ku hòmber ta kometé aktonan indesente i ta risibí den nan mes persona e kastigu meresí pa nan eror.

G3668 -- i di e mesun -> and in the same
G3668 -- manera -> way
G2532 -- tambe -> also
G733b -- e hòmbernan -> the men
G863 -- a bandoná -> abandoned
G5446 -- e funshon natural -> the natural
G5540 -- funshon -> function
G2338 -- di muhé -> of the woman
G1572 -- i a kima -> and burned
G3715 -- den nan pashon -> in their desire
G1519 -- un -> toward
G240 -- un -> one
G240 -- pa otro -> another
G733b -- ; hòmber -> men
G733b -- ku hòmber -> with men
G2716 -- ta kometé -> committing
G808 -- aktonan indesente -> indecent
G808 -- aktonan -> acts
G618 -- i ta risibí -> and receiving
G1438 -- den nan mes -> in their own
G1438 -- persona -> persons
G1163 -- e kastigu meresí -> the due
G489 -- kastigu -> penalty
G4106 -- pa nan eror -> of their error

1:28 I meskos ku nan no a haña nesesario mas pa rekonosé Dios, Dios a entregá nan na un mente pèrvèrso, pa hasi kosnan ku no ta kumbiní;

1:29 nan ta yen di tur inhustisia, maldat, golosidat, pèrvèrsidat; yen di envidia, matamentu, pleitu, engaño, malisia; nan ta hasidó di redu,

1:30 kalumniadó, odiadó di Dios, grosero, arogante, gabadó, inventadó di maldat, desobedesido na mayornan,

1:31 sin komprendementu, inkonfiabel, sin amor, sin miserikòrdia;

1:32 i maske nan konosé e ordenansa di Dios, ku esnan ku ta praktiká kosnan asina meresé morto, nan no solamente ta hasi meskos, ma ku gustu nan ta duna aprobashon tambe na esnan ku ta praktiká e kosnan aki.

G1921 -- i maske nan konosé -> and although they know
G1345 -- e ordenansa -> the ordinance
G2316 -- di Dios -> of God
G3588 -- , ku esnan -> that those
G4238 -- ku ta praktiká -> who practice
G5108 -- kosnan -> such
G5108 -- asina -> things
G514 -- meresé -> are worthy
G2288 -- morto -> of death
G3440 -- , nan no solamente -> they not only
G4160 -- ta hasi -> do
G846 -- meskos -> the same
G2532 -- , ma ku gustu -> but also
G4909 -- nan ta duna -> give
G4909 -- aprobashon -> hearty
G4909 -- tambe -> approval
G3588 -- na esnan -> to those
G4238 -- ku ta praktiká -> who practice

Romanonan 2

2:1 Pesei bo no tin èksküs, kada un di boso ku ta huzga otro, pasobra den loke bo ta huzga un otro, bo ta kondená bo mes; pasobra abo ku ta huzga ta praktiká e mesun kosnan.

2:2 I nos sa ku e huisio di Dios, segun e bèrdat, ta kontra esnan ku ta praktiká kosnan asina.

2:3 I bo ta kere esaki, O hende, ku ora bo ta huzga esnan ku ta praktiká kosnan asina, i abo mes ta hasi meskos, ku lo bo skapa e huisio di Dios?

2:4 Of bo ta menospresiá e rikesa di Su kariño, toleransia i pasenshi, sin sa ku e kariño di Dios ta hibabo na repentimentu?

2:5 Ma pa motibu di bo kapricho i bo kurason ku no ta repentí bo ta montoná furia pa bo mes den e dia di furia i revelashon di e huisio hustu di Dios,

2:6 Kende lo paga kada hende segun su obranan:

2:7 na esnan ku, pèrseverando den hasimentu di bon, ta buska gloria i onor i inmortalidat--bida etèrno;

2:8 ma na esnan ku ta buska nan propio interes so i no ta obedesé e bèrdat, ma ta obedesé inhustisia--furia i indignashon.

2:9 Lo tin tribulashon i angustia pa kada alma di hende ku ta hasi maldat, di hudiu promé i tambe di griego,

2:10 ma gloria i onor i pas pa kada hende ku ta hasi bon, pa hudiu promé i tambe pa griego.

2:11 Pasobra no tin distinshon di persona serka Dios.

2:12 Pasobra tur ku a peka sin Lei lo peresé tambe sin Lei; i tur ku a peka bou di Lei lo wòrdu huzgá dor di Lei;

2:13 pasobra no ta e tendedónan di Lei ta hustu dilanti di Dios, sino e kumplidónan di Lei lo wòrdu hustifiká.

2:14 Pasobra ora paganonan, kendenan no tin Lei, di naturalesa ta hasi e kosnan di Lei, esakinan, ounke nan no tin Lei, ta un lei pa nan mes,

2:15 dor ku nan ta mustra e obra di Lei ku ta skirbí den nan kurason, nan konsenshi dunando testimonio, i nan pensamentunan akusando òf defendiendo nan,

2:16 riba e dia ku Dios lo huzga e sekretonan di hende pa medio di Cristo Jesus, segun mi evangelio.

2:17 Ma si bo ta karga e nòmber "hudiu," i ta dependé riba e Lei, i ta gaba di bo relashon ku Dios,

2:18 i ta konosé Su boluntat, i ta aprobá e kosnan ku ta esensial, siendo instruí for di Lei,

2:19 i ta sigur ku bo mes ta un guiadó di siegu, un lus pa esnan ku ta den skuridat,

2:20 un instruktor di hende bobo, un siñadó di mucha chikitu, abo ku tin den e Lei e forma di konosementu i bèrdat,

2:21 anto abo, ku ta siña un otro, bo no ta siña bo mes? Abo ku ta prediká ku hende no mester hòrta, bo mes ta hòrta?

2:22 Abo ku ta bisa ku hende no mester kometé adulterio, bo mes ta kometé adulterio? Abo ku ta aboresé ídolo, bo mes ta roba tèmpel?

2:23 Abo ku ta gaba ku bo konosé Lei, bo ta desonrá Dios dor di kibra Lei?

2:24 Pasobra "E nòmber di Dios ta wòrdu blasfemá meimei di e paganonan pa boso motibu," manera ta pará skirbí.

2:25 Pasobra di bèrdat sirkumsishon ta di balor, si bo ta praktiká Lei; ma si bo ta un transgresor di Lei, bo sirkumsishon a bira insirkumsishon.

2:26 Pesei, si e hòmber insirkumsidá kumpli ku e eksigensianan di Lei, su insirkumsishon lo no wòrdu konsiderá komo sirkumsishon?

2:27 I esun ku ta insirkumsidá físikamente, si e warda Lei, lo e no huzga abo ku, maske bo tin e lèter di Lei i sirkumsishon, ta un transgresor di Lei?

2:28 Pasobra no ta esun ku ta hudiu di pafó, ta hudiu; ni sirkumsishon no ta loke ta wòrdu hasí di pafó na e karni.

2:29 Ma hudiu ta esun ku ta hudiu di paden; i sirkumsishon ta esun di kurason, segun e Spiritu, no segun e lèter. Un hende asina su elogio no ta bin di hende sino di Dios.

Romanonan 3

3:1 Ki bentaha e hudiu tin anto? Of di ki benefisio sirkumsishon ta?

3:2 Hopi den tur sentido. Pa kuminsá, ku palabra di Dios a wòrdu konfiá na nan.

3:3 Kiko anto? Si algun no a kere, akaso nan inkredulidat lo anulá e fieldat di Dios?

3:4 Di ningun manera! Mas bien, laga Dios ta bèrdadero i tur hende gañadó, manera ta pará skirbí: "Pa Bo por wòrdu hustifiká den Bo palabranan, i por prevalesé ora Bo wòrdu huzgá."

3:5 Ma si nos inhustisia ta demostrá e hustisia di Dios, kiko nos lo bisa? Akaso e Dios ku ta imponé furia ta inhustu? (Mi ta papia komo hende.)

3:6 Di ningun manera! Sino, kon Dios lo huzga mundu anto?

3:7 Ma si dor di mi mentira e bèrdat di Dios a abundá pa Su gloria, pakiko anto mi ta wòrdu huzgá ainda komo pekadó?

3:8 I pakiko no bisa (manera nos ta wòrdu kalumniá i manera algun ta afirmá ku nos ta bisa): "Laga nos hasi maldat pa bondat por resultá"? Nan kondenashon ta hustu.

3:9 Kiko anto? Nos ta mihó ku nan? Di ningun manera; pasobra ya nos a kulpa tantu hudiu komo griego ku nan tur ta bou di piká;

3:10 manera ta pará skirbí: "No tin ni un hende hustu, ni sikiera ún;

3:11 no tin ni un hende ku ta komprendé, no tin ni un hende ku ta buska Dios.

3:12 Tur a desviá; huntu nan a bira inútil; no tin ni un hende ku ta hasi bon, no tin ni sikiera ún."

3:13 "Nan garganta ta un graf habrí; ku nan lenga nan ta sigui gaña." "Veneno di víbora ta bou di nan lepnan.";

3:14 "Nan boka ta yen di maldishon i amargura."

3:15 "Nan pia ta lihé pa drama sanger;

3:16 destrukshon i miseria ta den nan kamindanan,

3:17 i e kaminda di pas nan no konosé."

3:18 "No tin temor pa Dios dilanti di nan wowo."

3:19 Awor nos sa ku tur loke Lei ta bisa, e ta bisa na esnan ku ta bou di Lei, pa tur boka wòrdu será i henter mundu bira kulpabel dilanti di Dios;

3:20 pasobra pa medio di e obranan di Lei ningun hende lo no ta hustifiká den Su bista; pasobra dor di Lei ta bin konosementu di piká.

3:21 Ma awor fuera di Lei e hustisia di Dios a wòrdu manifestá, di kual e Lei i e Profetanan ta testifiká,

3:22 esta, e hustisia di Dios pa medio di fe den Jesu-Cristo pa tur esnan ku ta kere; pasobra no tin distinshon;

3:23 pasobra tur a peka i ta falta e gloria di Dios,

3:24 siendo hustifiká gratuitamente dor di Su grasia pa medio di e redenshon ku ta den Cristo Jesus,

3:25 Kende Dios a presentá públikamente komo un propisiashon den Su sanger pa medio di fe. Esaki tabata pa mustra Su hustisia, pasobra den Dios Su toleransia El a pasa por alto e pikánan ku a wòrdu kometí den pasado,

G3739 -- Kende -> whom
G2316 -- Dios -> God
G4388 -- a presentá -> displayed
G4388 -- públikamente -> publicly
G2435 -- komo un propisiashon -> as a propitiation
G129 -- den Su sanger -> in His blood
G1223 -- pa medio di -> through
G4102 -- fe -> faith
G1731 -- tabata pa mustra -> ] to demonstrate
G1343 -- Su hustisia -> His righteousness
G1223 -- , pasobra -> because
G463 -- den Dios Su toleransia -> in the forbearance
G2316 -- Dios Su toleransia -> of God
G3929 -- El a pasa -> He passed
G3929 -- por alto -> over
G265 -- e pikánan -> the sins
G4266 -- ku a wòrdu kometí -> previously
G4266 -- den pasado -> committed

3:26 pa demostrá Su hustisia den e tempu presente, pa E por ta hustu i Esun ku ta hustifiká e hende ku tin fe den Jesus.

3:27 Unda gabamentu a keda anto? El a keda ekskluí. Pa medio di ki sorto di lei? Di obranan? Nò, ma pa medio di un lei di fe.

3:28 Pesei nos ta yega na e konklushon ku un hende ta hustifiká pa medio di fe, sin obra di Lei.

3:29 Of Dios ta e Dios di hudiu so? E no ta e Dios di pagano tambe? Sí, di pagano tambe,

3:30 komo ku tin ún Dios, Kende lo hustifiká esnan sirkumsidá pa medio di fe i esnan insirkumsidá dor di fe.

3:31 Ta anulá nos ta anulá Lei anto dor di fe? Di ningun manera! Alkontrario, nos ta stablesé Lei.