Buska den Beibel

Lukas 4; Lukas 5 BSNP Edita

Lukas 4

4:1 I Jesus, yen di Spiritu Santu, a bolbe for di Jordan i a wòrdu hibá dor di e Spiritu den desierto

4:2 pa kuarenta dia, i El a wòrdu tentá dor di diabel. I E no a kome nada durante di e dianan ei; i ora ku e dianan a pasa, El a haña hamber.

4:3 I diabel a bis'E: "Si Bo ta e Yu di Dios, bisa e piedra aki pa e bira pan."

4:4 I Jesus a kontest'é: "Ta pará skirbí: 'Hende lo no biba di pan so.'"

4:5 I el a hib'E na un lugá haltu i a mustr'E tur e reinonan di mundu den ún momento di tempu.

4:6 I diabel a bis'E: "Lo mi dunaBo henter e dominio aki i su gloria; pasobra esei a wòrdu entregá na mi, i mi ta dun'é na esun ku mi kier.

4:7 Pesei, si Bo adorámi, tur esaki lo ta di Bo."

4:8 I Jesus a kontestá i a bis'é: "Ta pará skirbí: 'Adorá SEÑOR bo Dios i sirbi E so.'"

4:9 I el a hib'E Jerusalèm i a pon'E para riba e pinákulo di e tèmpel i a bis'E: "Si Bo ta e Yu di Dios, tira Bo kurpa abou for di aki;

4:10 pasobra ta pará skirbí: 'E lo duna Su angelnan enkargo tokante di Bo pa nan wardabo,'

4:11 i, 'Den nan mannan nan lo kargaBo, pa Bo no dal Bo pia na piedra.'"

4:12 I Jesus a kontestá i a bis'é: "Ta bisá: 'No tenta SEÑOR bo Dios.'"

4:13 I ora diabel a kaba ku tur tentashon, el a lagu'E pa un tempu.

4:14 I Jesus a bolbe na Galilea den e poder di e Spiritu; i Su fama a plama den henter e distrikto eibanda.

4:15 I El a kuminsá siña e hendenan den nan snoanan i tur hende tabata elogi'E.

4:16 I El a bin Nazarèt, kaminda El a lanta komo mucha. I manera tabata Su kustumber El a bai den snoa riba dia di Sabat, i a lanta para pa lesa.

4:17 I nan a dun'é e buki di profeta Isaias. I El a habri e buki i a haña e lugá kaminda tabata pará skirbí:

4:18 "E Spiritu di SEÑOR ta riba Mi, pasobra El a ungiMi pa prediká evangelio na e pobernan; El a mandaMi pa proklamá libertat na e prezonan, i restorashon di bista na e siegunan, pa duna libertat na esnan ku ta wòrdu oprimí,

4:19 pa proklamá e aña agradabel di SEÑOR."

4:20 I El a sera e buki i a duna esaki bèk na e sirbidó i a sinta; i bista di tur hende den snoa tabata fihá riba djE.

4:21 I El a kuminsá bisa nan: "Awe e Skritura aki a keda kumplí boso dilanti."

4:22 I tur tabata duna bon testimonio di djE, i tabata keda strañá di e palabranan agradabel ku tabata sali for di Su boka; i nan tabata puntra: "No ta yu di Jose esaki ta?"

4:23 I El a bisa nan: "Sin duda boso lo sita e proverbio aki pa Mi: 'Dòkter, kura bo mes! Tur kos ku nos a tende ku a wòrdu hasí na Kapernaum, hasi nan aki den Bo mes stat tambe.'"

4:24 I El a bisa: "Di bèrdat Mi ta bisa boso: Ningun profeta no ta wòrdu aseptá den su mes stat.

4:25 Ma di bèrdat Mi ta bisa boso, tabatin hopi biuda na Israel den e dianan di Elias, tempu ku shelu tabata será pa tres aña i seis luna, tempu ku a bin un hamber pisá den henter e tera;

4:26 i tòg Elias no a wòrdu mandá serka ningun di nan, sino solamente na Sarepta, na tera di Sidon, serka un muhé biuda.

4:27 I tabatin hopi leproso na Israel den e tempu di profeta Elisa; i ningun di nan no a wòrdu hasí limpi, sino solamente Naaman di Siria."

4:28 I tur ku tabata den snoa a yena ku furia ora nan a tende e kosnan aki,

4:29 i nan a lanta i a sak'E for di e stat, i a hib'E na rant di e seru, riba kual nan stat tabata trahá, pa tir'E abou for di e baranka steil.

4:30 Ma El a pasa meimei di nan sigui Su kaminda.

4:31 I El a yega Kapernaum, un stat di Galilea, i E tabata siña nan riba dia di Sabat;

4:32 i nan a keda strañá di Su siñansa, pasobra Su palabra tabata ku outoridat.

4:33 I tabatin un hende den snoa ku tabata poseí pa e spiritu di un demoño impuru, i el a grita na bos haltu:

4:34 "Laga nos! Kiko nos tin di hasi ku Bo, Jesus di Nazarèt? Bo a bin pa destruí nos? Mi sa ken Bo ta: Esun Santu di Dios!"

4:35 I Jesus a reprend'é, bisando: "Keda ketu, i sali for di djé!" I ora ku e demoño a bent'é abou na suela meimei di nan, el a sali bai for di djé sin hasié ningun daño.

4:36 I nan tur a keda asombrá, i nan tabata diskutí nan ku nan, bisando: "Ta ki palabra esaki ta? Pasobra ku outoridat i poder E ta ordená e spiritunan impuru, i nan ta sali."

4:37 I e notisia tokante di djE tabata plama den tur bario di e distrikto eibanda.

4:38 I El a lanta, a sali for di snoa i a bai kas di Simon. Awor Simon su suegra tabata malu ku keintura haltu, i nan a hasi un petishon na Jesus p'é.

4:39 I El a bai para na kabes di su kama i a reprendé e keintura, i e keintura a lagu'é; i mesora el a lanta i a sirbi nan.

4:40 I ora solo tabata baha, tur ku tabatin hende malu ku tur sorto di malesa a trese nan serka djE; i poniendo Su mannan riba kada un di nan E tabata kura nan.

4:41 I tambe demoñonan tabata sali for di hopi hende, i nan tabata grita i bisa: "Abo ta e Yu di Dios!" I E tabata reprendé nan i no tabata pèrmití nan papia, pasobra nan tabata sa ku E ta e Cristo.

4:42 I ora dia a habri, El a sali bai na un lugá solitario; i e multitutnan tabata busk'E, i tabata bin serka djE, i tabata purba ten'E pa E no bai for di nan.

4:43 Ma El a bisa nan: "Mi mester prediká e reino di Dios na e otro statnan tambe, pasobra ta pa e propósito aki Mi a wòrdu mandá."

4:44 I El a sigui prediká den e snoanan di Galilea.

Lukas 5

5:1 Awor a sosodé ku mientras e multitut tabata pusha bin para tur rònt di djE i tabata skucha e palabra di Dios, E mes tabata pará kantu di e lago di Genesaret;

5:2 i El a mira dos boto kantu di e lago; i e piskadónan a sali for di nan i tabata laba nan redanan.

5:3 I El a bai den un di e botonan, esun di Simon, i a pidié pa hala un poko for di kantu. I El a sinta i a kuminsá siña e multitutnan for di den e boto.

5:4 I ora ku El a kaba di papia, El a bisa Simon: "Bai kaminda tin awa hundu i tira boso redanan pa boso kohe piská."

5:5 I Simon a kontestá i a bisa: "Maestro, nos a traha duru henter anochi i no a kohe nada, ma riba Bo palabra lo mi tira e redanan."

5:6 I ora nan a hasi esaki, nan a kohe un kantidat grandi di piská; i nan redanan a kuminsá kibra;

5:7 i nan a hasi seña na nan kompañeronan den e otro boto, pa nan bin yuda nan. I nan a bin i a yena tur dos boto, asina ku nan a kuminsá senk.

5:8 Ma ora Simon Pedro a mira esei, el a tira su kurpa abou na pia di Jesus, bisando: "Bai for di mi, pasobra mi ta un hende pekaminoso, O Señor!"

5:9 Pasobra tantu é komo tur esnan ku tabata huntu kuné a keda mashá strañá di e kantidat di piská ku nan a kohe;

5:10 i meskos tambe Santiago i Juan, yu hòmbernan di Zebedeo, kendenan tabata kompañero di Simon. I Jesus a bisa Simon: "No tene miedu, for di awor padilanti lo bo ta piskadó di hende."

5:11 I ora nan a trese nan botonan na tera, nan a laga tur kos i a siguiE.

5:12 I a sosodé ku mientras E tabata na un di e statnan, ata, tabatin un hòmber yen di lepra ku a mira Jesus, i el a tira su kurpa abou ku su kara te na suela i a rogu'E, bisando: "Señor, si Bo kier, Bo por hasimi bira limpi."

G1722 -- I a sosodé ku mientras -> While
G1520 -- E tabata na un -> He was in one
G4172 -- di e statnan -> of the cities
G2400 -- , ata -> behold
G435 -- tabatin un hòmber -> ] a man
G4134 -- yen -> covered
G3014 -- di lepra -> with leprosy
G3708 -- ku a mira -> and when he saw
G2424 -- Jesus -> Jesus
G4098 -- , i el a tira -> he fell
G4383 -- su kurpa abou ku su kara te na suela -> on his face
G1189a -- i a rogu'E -> and implored
G3004 -- , bisando -> Him, saying
G2962 -- : "Señor -> Lord
G1437 -- , si -> if
G2309 -- Bo kier -> You are willing
G1410 -- , Bo por -> You can
G2511 -- hasimi -> make
G2511 -- bira limpi -> me clean

5:13 I El a saka Su man i a mishi kuné, bisando: "Mi kier, sea limpi." I mesora e lepra a kita for di djé.

5:14 I El a orden'é pa no konta ningun hende: "Ma bai i mustra bo mes na e saserdote, i hasi un ofrenda pa bo purifikashon, meskos ku Moisés a ordená, komo un testimonio pa nan."

5:15 Ma e notisia tokante di djE tabata plama mas i mas, i multitutnan grandi tabata bin huntu pa tend'E i pa wòrdu kurá di nan malesanan.

5:16 Sinembargo, hopi biaha E tabata retirá Su mes den desierto pa hasi orashon.

5:17 I a sosodé ku riba un dia E tabata siña e hendenan; i tabatin algun fariseo i siñadó di lei sintá einan, kendenan a bin for di tur pueblo di Galilea i Judea i for di Jerusalèm; i e poder di Señor tabata presente kunE pa kura hende.

G1520 -- I a sosodé ku riba un -> One
G2250 -- dia -> day
G1321 -- E tabata siña -> He was teaching
G5330 -- algun fariseo -> ] Pharisees
G3547 -- i siñadó -> and teachers
G3547 -- di lei -> of the law
G2521 -- sintá -> sitting
G3739 -- einan, kendenan -> ], who
G2064 -- a bin -> had come
G3956 -- for di tur -> from every
G2968 -- pueblo -> village
G1056 -- di Galilea -> of Galilee
G2453 -- i Judea -> and Judea
G2419 -- i for di Jerusalèm -> ] Jerusalem
G1411 -- ; i e poder -> and the power
G2962 -- di Señor -> of the Lord
G2390 -- tabata presente kunE pa kura -> ] for Him to perform
G2390 -- hende -> healing

5:18 I mira, algun hòmber tabata karga riba un kama un hòmber ku tabata paralisá; i nan tabata buska manera pa tres'é paden, i pa pon'é Su dilanti.

5:19 I ora nan no a haña un manera pa tres'é paden, pa motibu di e multitut, nan a subi riba dak i a bah'é ku su kama dor di e panchinan, nèt meimei, dilanti di Jesus.

5:20 I mirando nan fe, El a bisa: "Amigu, bo pikánan ta pordoná."

5:21 I e eskribanan i fariseonan a kuminsá rasoná, bisando: "Ta ken e hòmber aki ta ku ta papia blasfemia? Ken por pordoná pikánan, si no ta Dios so?"

5:22 Ma Jesus, Kende tabata sa di nan pensamentunan, a kontestá i a bisa nan: "Pakiko boso ta rasoná den boso kurason?

5:23 Kiko ta mas fasil pa bisa: 'Bo pikánan a wòrdu pordoná,' òf pa bisa: 'Lanta i kana'?

5:24 Ma pa boso sa ku e Yu di Hende tin outoridat riba tera pa pordoná pikánan," El a bisa e paralítiko: "Mi ta bisabo, lanta, kohe bo kama i bai kas."

5:25 I mesora el a lanta nan dilanti, a kohe loke e tabata drumí ariba i a bai kas, glorifikando Dios.

5:26 I nan tur a keda masha asombrá mes i a glorifiká Dios; i yen di temor nan a bisa: "Nos a mira kosnan remarkabel awe."

5:27 I despues di esei El a sali bai pafó i a mira un publikano ku yama Leví sintá den ofisina di belasting, i El a bis'é: "SiguiMi."

5:28 I el a laga tur kos atras, i a lanta i a siguiE.

5:29 I Leví a tene un bankete grandi p'E na su kas; i tabatin un multitut grandi di publikano i otro hende ku tabata sintá na mesa huntu ku nan.

5:30 I e fariseonan i nan eskribanan a kuminsá murmurá kontra Su disipelnan, bisando: "Pakiko boso ta kome i bebe huntu ku e publikanonan i pekadónan?"

5:31 I Jesus a kontestá i a bisa nan: "No ta esnan ku ta salú tin mester di dòkter, sino esnan ku ta malu.

5:32 Mi no a bin pa yama e hustunan, sino pekadónan, na repentimentu."

5:33 I nan a bis'E: "E disipelnan di Juan ta yuna i hasi orashon ku frekuensia; e disipelnan di e fariseonan tambe ta hasi meskos; ma esnan di Bo ta kome i bebe."

5:34 I Jesus a bisa nan: "Boso por laga esnan ku ta atendé e brùidehòm yuna, mientras ku e brùidehòm ta huntu ku nan?

5:35 Ma e dianan lo bin ku e brùidehòm lo wòrdu kitá for di nan; den e dianan ei nan lo yuna."

5:36 I tambe E tabata konta nan un parábola: "Ningun hende no ta sker un pida for di un bistí nobo i pegu'é na un bistí bieu; pasobra no solamente e lo sker e nobo, ma e pida for di e nobo lo no pas ku e bieu tampoko.

5:37 I ningun hende no ta pone biña nobo den saku-di-kueru bieu; sino e biña nobo ta hasi e sakunan rementá i e biña ta bash'afó, i e sakunan ta bai pèrdí.

5:38 Ma biña nobo mester wòrdu poní den saku-di-kueru nobo.

5:39 I ningun hende, despues di a bebe biña bieu, ta deseá biña nobo, pasobra e ta bisa: 'E bieu ta mihó.'"