Buska den Beibel

Echonan 4; Echonan 5; Echonan 6 BSNP Edita

Echonan 4

4:1 I mientras ku nan tabata papia ku e pueblo, e saserdotenan i e kapitan di e guardia di tèmpel i e saduseonan a bin riba nan,

4:2 masha rabiá pa motibu ku nan tabata siña e pueblo i tabata proklamá den Jesus e resurekshon for di e mortonan.

4:3 I nan a tira man riba nan i a sera nan den prizon te su manisé, pasobra tabata nochi kaba.

4:4 Ma hopi di esnan ku a tende e mensahe a kere; i e kantidat di e hòmbernan a bira komo sinku mil.

4:5 I e dia siguiente a sosodé ku nan gobernantenan i e ansianonan i e eskribanan tabata reuní na Jerusalèm;

4:6 i e sumosaserdote Anas tabata einan, i Kaifas i Juan i Alehandro, i tur ku tabata desendiente di e sumosaserdote.

4:7 I ora nan a pone nan para meimei, nan a kuminsá puntra: "Ku ki poder òf den kual nòmber boso a hasi esaki?"

4:8 E ora ei Pedro, yená ku Spiritu Santu, a bisa nan: "Gobernantenan i ansianonan di pueblo,

4:9 si nos ta wòrdu huzgá awe pa un bondat hasí na un hòmber malu, esta, kon e hòmber aki a bira bon,

4:10 boso tur i henter e pueblo di Israel mester sa ku ta den e nòmber di Jesu-Cristo di Nazarèt, Kende boso a krusifiká, Kende Dios a lanta for di e mortonan, ta den e nòmber aki e hòmber aki ta para bon di salú boso dilanti.

G1110 -- boso tur i henter mester sa -> let it be known
G3956 -- e pueblo -> to all
G3956 -- di Israel -> of you and to all
G2274 -- ku ta -> of Israel
G3686 -- den e nòmber -> that by the name
G2424 -- di Jesu-Cristo -> of Jesus
G3480 -- di Nazarèt -> the Nazarene
G3739 -- , Kende -> whom
G4717 -- boso a krusifiká -> you crucified
G3739 -- , Kende -> whom
G2316 -- Dios -> God
G1453 -- a lanta -> raised
G3498 -- for di e mortonan -> from the dead
G3778 -- , ta den e nòmber -> by this
G3778 -- aki e hòmber -> man
G3936 -- ta para -> stands
G3936 -- bon -> here
G1799 -- di salú -> before
G5199 -- boso dilanti -> you in good

4:11 E ta 'Esun ku boso, e trahadónan, a rechasá, ma ku a bira e piedra-di-skina prinsipal.'

4:12 I no tin salbashon den ningun otro; pasobra no tin bou di shelu ningun otro nòmber ku a wòrdu duná na hende, pa medio di kual nos mester wòrdu salbá."

4:13 Awor ora nan a mira e konfiansa di Pedro i Juan i a komprendé ku nan no tabata hòmber eduká ni siñá, nan a keda strañá i a rekonosé nan, ku nan ta hende ku tabata kana ku Jesus.

4:14 I mirando e hòmber ku a wòrdu kurá pará huntu ku nan, nan no por a bisa nada.

4:15 Ma ora nan a manda nan sali pafó di e Konsilio, nan a kuminsá deliberá ku otro,

4:16 bisando: "Kiko nos mester hasi ku e hòmbernan aki? Pasobra e echo ku un milager notabel a tuma lugá pa medio di nan ta evidente pa tur hende ku ta biba na Jerusalèm, i nos no por nenga esaki.

4:17 Ma pa esaki no plama mas ainda den pueblo, laga nos spièrta nan pa no papia mas ku ningun hende den e nòmber aki."

4:18 I ora nan a manda yama nan, nan a ordená nan pa di ningun manera no papia ni siña den e nòmber di Jesus.

4:19 Ma Pedro i Juan a kontestá i a bisa nan: "Boso huzga si ta korekto den bista di Dios pa skucha na boso mas ku na Dios;

4:20 pasobra nos no por laga di papia loke nos a mira i tende."

4:21 I despues di a menasá nan mas ainda, nan a laga nan bai, sin ku nan por a haña motibu pa kastigá nan, i tur esaki pa kousa di e pueblo; pasobra nan tur tabata glorifiká Dios pa loke a sosodé;

4:22 pasobra e hòmber na kende e milager di kuramentu aki a sosodé tabatin mas ku kuarenta aña.

4:23 I ora nan a pone nan den libertat, nan a bai serka nan kompañeronan i a konta nan tur loke e saserdotenan prinsipal i e ansianonan a bisa nan.

4:24 I ora nan a tende esaki, nan a halsa nan bos di ún akuèrdo na Dios i a bisa: "O Señor, ta Abo a traha shelu i tera i laman i tur loke tin den nan,

4:25 Kende, pa medio di Spiritu Santu, pa medio di boka di nos tata David, Bo sirbidó, a bisa: 'Pakiko e nashonnan ta furioso asina, i e pueblonan ta plania kosnan bano?

4:26 E reinan di mundu a tuma nan posishon, i e gobernantenan a bin huntu kontra SEÑOR i kontra Su Cristo.'

4:27 Pasobra di bèrdat den e stat aki a bin huntu kontra Bo Yu santu Jesus, Kende Bo a ungi, tantu Herodes komo Ponsio Pilato, huntu ku e paganonan i e pueblonan di Israel,

G1909 -- Pasobra di bèrdat -> For truly
G3778 -- den e -> in this
G4172 -- stat -> city
G4863 -- aki a bin huntu -> there were gathered
G4863 -- huntu -> together
G1909 -- kontra -> against
G40 -- Bo Yu santu -> Your holy
G3816 -- Jesus -> servant
G2424 -- Jesus -> Jesus
G3739 -- , Kende -> whom
G5548 -- Bo a ungi -> You anointed
G5037 -- , tantu -> both
G2264 -- Herodes -> Herod
G4194 -- komo Ponsio -> and Pontius
G4091 -- Pilato -> Pilate
G4862 -- , huntu -> along
G1484 -- ku e paganonan -> with the Gentiles
G2992 -- i e pueblonan -> and the peoples
G2274 -- di Israel -> of Israel

4:28 pa hasi tur loke Bo man i Bo propósito a predestiná pa sosodé.

4:29 I awor, Señor, tuma nota di nan amenasanan i laga Bo sirbidónan papia Bo palabra ku tur konfiansa,

4:30 mientras ku Abo ta saka Bo man pa kura, i milagernan i maraviyanan ta tuma lugá pa medio di e nòmber di Bo Yu santu Jesus."

4:31 I ora nan a kaba di hasi orashon, e lugá kaminda nan a bin huntu a wòrdu sakudí, i nan tur a wòrdu yená ku Spiritu Santu i a kuminsá papia e palabra di Dios ku tur frankesa.

4:32 I e multitut di esnan ku a kere tabata di ún kurason i ún alma; i ni un di nan no tabata bisa ku loke tabata pertenesé na djé tabata di djé, ma tur kos tabata propiedat komun pa nan.

4:33 I ku gran poder e apòstelnan tabata duna testimonio di e resurekshon di Señor Jesus, i grasia abundante tabata riba nan tur.

4:34 Pasobra den nan no tabatin ningun persona ku tabatin nesesidat, pasobra tur esnan ku tabata doño di tereno òf kasnan tabata bende esakinan i trese e plaka di e kosnan ku nan a bende,

4:35 i pone esaki na pia di e apòstelnan; i e tabata wòrdu partí na kada un, segun su nesesidat.

4:36 I Jose, un levita nasí na Cyprus, kende e apòstelnan tabata yama Barnabas, (ku tradusí ta nifiká Yu di Konsolashon),

4:37 i kende tabata doño di un pida tereno, a bende esaki i a trese e plaka i a pon'é na pia di e apòstelnan.

Echonan 5

5:1 Ma un hòmber ku yama Ananias, huntu ku su esposa Safira, a bende un pida propiedat,

5:2 i ku tur konsentimentu di su esposa el a tene algu atras di e plaka pa su mes, i a trese un parti di e plaka i a pone esaki na pia di e apòstelnan.

5:3 Ma Pedro a bisa: "Ananias, pakiko Satanás a yena bo kurason pa gaña Spiritu Santu, i pa tene algu atras di e plaka di e tereno?

5:4 Si el a keda sin wòrdu bendí, lo e no a keda di bo? I despues di a wòrdu bendí, e plaka no tabata den bo poder? Pakiko bo a pone e kos aki den bo kurason? No ta hende bo a gaña, sino Dios."

5:5 I ora ku el a tende e palabranan aki, Ananias a kai abou i a hala su último rosea; i gran temor a bin riba tur esnan ku a tende di esaki.

5:6 I e hobennan a lanta para i a tap'é, i despues di a hib'é pafó, nan a der'é.

5:7 I komo tres ora despues su esposa a drenta sin sa kiko a sosodé.

5:8 I Pedro a puntr'é: "Bisami si boso a bende e tereno pa asina tantu?" I el a kontestá: "Sí, pa asina tantu."

5:9 I Pedro a bis'é: "Pakiko boso a kumbiní ku otro pa pone Spiritu di Señor na prueba? At'e pianan di esnan ku a dera bo esposo ta na porta, i nan lo karga abo tambe hiba pafó."

5:10 I mesora el a kai abou na Pedro su pianan i a hala su último rosea; i e hobennan a drenta i a hañ'é morto, i nan a kargu'é hiba pafó i a der'é banda di su esposo.

5:11 I gran temor a bin riba henter e iglesia i riba tur esnan ku a tende e kosnan aki.

5:12 I pa medio di man di e apòstelnan hopi milager i maraviya tabata tuma lugá den e pueblo; i nan tur tabata di ún akuèrdo den e veranda-di-pilar di Salomon.

5:13 Ma ningun di e otronan no tabata tribi asosiá ku nan; sinembargo, e pueblo tabatin gran apresio pa nan.

5:14 I konstantemente tabata bin mas i mas hende aserka ku tabata kere den Señor, multitutnan di hòmber i muhé,

5:15 asina tantu ku asta nan tabata karga e hendenan malu hiba pafó riba kaya i tabata pone nan riba kòt i riba matras, pa ora Pedro pasa, maske ta su sombra por a kai riba un di nan.

5:16 I tambe tabata bin un multitut di hende for di e statnan rònt di Jerusalèm ku tabata trese hende malu òf afligí dor di spiritunan impuru, i nan tur tabata wòrdu kurá.

5:17 Ma e sumosaserdote a lanta para, huntu ku tur esnan ku tabata serka djé (esta, e sekta di e saduseonan), i nan tabata yen di envidia;

5:18 i nan a tira man riba e apòstelnan i a sera nan den un prizon públiko.

5:19 Ma den anochi un angel di Señor a habri e portanan di prizon i a hiba nan pafó i a bisa:

5:20 "Boso bai para den tèmpel i papia ku e pueblo tur e palabranan di e Bida aki."

5:21 I ora nan a tende esaki, nan a bai den tèmpel mainta bon tempran i tabata siña e hendenan. Awor ora ku e sumosaserdote i esnan ku tabata serka djé a bin, nan a yama e Konsilio huntu i tur e ansianonan di e yunan di Israel, i a manda òrdu na prizon pa trese nan.

5:22 Ma e ofisialnan ku a bin no a haña nan den prizon, i nan a bolbe i a trese e notisia,

5:23 bisando: "Nos a haña prizon bon será i e guardianan pará na porta; ma ora nos a habri e portanan, nos no a haña ni un hende paden."

5:24 Awor ora ku e kapitan di e guardia di tèmpel i e saserdotenan prinsipal a tende e palabranan aki, nan a keda tur konfundí enkuanto kiko lo bai para di esaki.

5:25 Ma un hende a bin bisa nan: "Mira, e hòmbernan ku boso a sera den prizon ta pará den tèmpel i ta siña e pueblo!"

5:26 E ora ei e kapitan a bai huntu ku e ofisialnan i a trese nan bèk sin violensia, pasobra nan tabatin miedu di e pueblo, pa nan no wòrdu piedrá.

5:27 I ora nan a trese nan, nan a pone nan para dilanti di e Konsilio. I e sumosaserdote a puntra nan,

5:28 bisando: "Nos a taha boso striktamente pa no sigui siña den e nòmber aki, i mira, boso a yena Jerusalèm ku boso siñansa, i boso tin intenshon di trese sanger di e hòmber aki riba nos."

5:29 Ma Pedro i e apòstelnan a kontestá i a bisa: "Nos mester obedesé Dios mas ku hende.

5:30 E Dios di nos tatanan a lanta Jesus, Kende boso a laga mata dor di kologu'E na krus.

5:31 E ta Esun ku Dios a halsa na Su man drechi komo un Prens i un Salbador, pa duna Israel repentimentu i pordon di piká.

5:32 I nos ta testigu di e kosnan aki; i Spiritu Santu tambe, Kende Dios a duna na esnan ku ta obedes'E."

5:33 Ma ora nan a tende esaki, nan a bira furioso i tabatin intenshon di mata nan.

5:34 Ma un fariseo ku yama Gamaliel, un siñadó di Lei, kende henter e pueblo tabata respetá, a lanta para den e Konsilio i a duna òrdu pa saka e hòmbernan un ratu asina pafó.

5:35 I el a bisa nan: "Hòmbernan di Israel, tene kuidou ku loke boso tin idea di hasi ku e hòmbernan aki.

5:36 Pasobra algun tempu pasá Teudas a lanta, keriendo ku e ta masha kos; i un grupo di mas o menos kuater shen hòmber a siguié. I el a wòrdu matá; i tur ku tabata siguié a wòrdu plamá i a kaba na nada.

5:37 Despues di djé Judas di Galilea a lanta den e dianan di senso i a hasi algun hende bai su tras; i e tambe a peresé i tur esnan ku tabata siguié a wòrdu plamá.

5:38 I awor enkuanto e kaso aki, mi ta bisa boso, keda leu di e hòmbernan aki i laga nan na pas; pasobra si e plan òf trabou aki ta di hende, e lo wòrdu destruí,

5:39 ma si ta di Dios e ta, boso lo no por tumba nan; asta boso por haña boso ta bringa kontra Dios."

5:40 I nan a sigui su konseho; i despues di a yama e apòstelnan bin paden, nan a suta nan i a taha nan pa no papia mas den e nòmber di Jesus, i a pone nan den libertat.

5:41 Asina nan a bai for di presensia di e Konsilio, regosihando ku nan a wòrdu konsiderá digno pa sufri bèrguensa pa Su nòmber.

5:42 I tur dia, den tèmpel i di kas pa kas, nan tabata sigui siña hende i prediká Jesus komo e Cristo.

Echonan 6

6:1 Awor den e dianan ei, tempu ku e kantidat di disipel tabata oumentá, a surgi un reklamo di parti di e hudiunan griego kontra e hebreonan, pasobra nan tabata salta nan biudanan den partimentu di e kuminda di tur dia.

6:2 I e diesdosnan a manda yama e multitut di e disipelnan i a bisa: "No ta hustu pa nos neglishá e palabra di Dios pa bai sirbi mesa.

6:3 Buska anto for di meimei di boso, rumannan, shete hòmber di bon reputashon, yen di Spiritu Santu i di sabiduria, ku nos por enkargá ku e tarea aki.

6:4 Ma nos lo dediká nos mes na orashon i na e ministerio di e palabra."

6:5 I e proposishon a haña aprobashon di henter e kongregashon; i nan a skohe Esteban, un hòmber yen di fe i di Spiritu Santu, i Felipe, Prókoro, Nikanor, Timon, Parmenas i Nikolas, un prosélito for di Antiokia.

G3056 -- I e proposishon -> The statement
G700 -- a haña -> found
G700 -- aprobashon -> approval
G3956 -- di henter -> with the whole
G4128 -- e kongregashon -> congregation
G1586 -- i nan a skohe -> and they chose
G4736 -- Esteban -> Stephen
G435 -- un hòmber -> a man
G4134 -- yen -> full
G4102 -- di fe -> of faith
G40 -- i di Spiritu Santu -> and of the Holy
G4151 -- Spiritu -> Spirit
G5376 -- i Felipe -> and Philip
G4402 -- Prókoro -> Prochorus
G3527 -- Nikanor -> Nicanor
G5096 -- Timon -> Timon
G3937 -- Parmenas -> Parmenas
G3532 -- i Nikolas -> and Nicolas
G4339 -- un prosélito -> a proselyte
G491 -- for di Antiokia -> from Antioch

6:6 I esakinan nan a trese dilanti di e apòstelnan; i despues di a hasi orashon, nan a pone man riba nan.

6:7 I e palabra di Dios a sigui plama; i e kantidat di disipel a sigui oumentá masha hopi mes na Jerusalèm, i un kantidat grandi di e saserdotenan tabata bira obedesido na e fe.

6:8 I Esteban, yen di fe i poder, tabata hasi maraviyanan i milagernan grandi den e pueblo.

6:9 Ma a lanta algun hòmber for di e asina yamá Snoa di e libertinonan, di e sirenonan i e alehandrinonan i di esnan for di Silisia i Asia, i nan tabata diskutí ku Esteban.

6:10 I nan no tabata por a resistí e sabiduria i e Spiritu pa medio di kual e tabata papia.

6:11 E ora ei na sekreto nan a instigá hòmbernan pa bisa: "Nos a tend'é papia palabranan di blasfemia kontra Moisés i kontra Dios."

6:12 I nan a agitá e pueblo, e ansianonan i e eskribanan, i nan a bin riba djé, a lastr'é bai kuné i a hib'é dilanti di e Konsilio.

6:13 I nan a bin ku testigunan falsu ku tabata bisa: "E hòmber aki no ta stòp di papia palabranan di blasfemia kontra e lugá santu aki i kontra Lei;

6:14 pasobra nos a tend'é bisa ku e Jesus aki di Nazarèt lo destruí e lugá aki i kambia e kustumbernan ku Moisés a entregá na nos."

6:15 I fihando nan bista riba djé, tur esnan ku tabata sintá den e Konsilio a mira su kara manera kara di angel.