Buska den Beibel

2 Korintionan 1; 2 Korintionan 2; 2 Korintionan 3; 2 Korintionan 4 BSNP Edita

2 Korintionan 1

1:1 Pablo, un apòstel di Cristo Jesus pa e boluntat di Dios, i Timoteo nos ruman. Na e iglesia di Dios ku ta na Korinto, huntu ku tur e santunan ku ta den henter Akaya:

1:2 Grasia sea ku boso i pas di Dios nos Tata i di Señor Jesu-Cristo.

1:3 Bendishoná sea e Dios i Tata di nos Señor Jesu-Cristo, e Tata di miserikòrdianan i Dios di tur konsuelo,

1:4 Kende ta konsolá nos den tur nos aflikshon, pa asina nos tambe por konsolá esnan ku ta den kualke aflikshon ku e mesun konsuelo ku Dios a konsolá nos kuné.

1:5 Pasobra meskos ku e sufrimentunan di Cristo ta abundá den nos, asina nos konsuelo tambe ta abundá dor di Cristo.

1:6 Ma si nos ta wòrdu afligí, ta pa boso konsuelo i salbashon; òf si nos ta wòrdu konsolá, ta pa boso konsuelo, kual ta efektivo pa soportá e mesun sufrimentunan ku nos tambe ta sufri;

1:7 i nos speransa pa boso ta firmemente fundá, sabiendo ku meskos ku boso tin parti den nos sufrimentunan, boso tin parti tambe den nos konsuelo.

1:8 Pasobra, rumannan, nos no kier pa boso keda sin sa di nos aflikshon ku a bin riba nos na Asia, ku nos tabatin un karga masha pisá mes, mas ku nos por a soportá, asina ku asta nos tabata desesperá di nos bida;

1:9 sí, nos tabatin e sentensia di morto den nos mes, pa nos no konfia den nos mes, sino den Dios, Kende ta lanta e mortonan,

1:10 Kende a libra nos di un peliger di morto asina grandi, i lo libra nos, Esun den Kende nos a pone nos speransa. I E lo sigui libra nos,

1:11 mientras ku boso tambe ta yuda nos ku boso orashonnan, pa hopi hende por duna gradisimentu pa nos, pa e bendishon duná na nos pa medio di e orashonnan di hopi hende.

1:12 Pasobra nos gloria ta esaki, e testimonio di nos konsenshi, ku den santidat i sinseridat di Dios, no den e sabiduria di hende, sino den e grasia di Dios, nos a komportá nos mes den mundu, i spesialmente pa ku boso.

1:13 Pasobra nos no ta skirbi boso nada otro sino loke boso ta lesa i komprendé, i mi ta spera ku boso lo komprendé te na fin,

1:14 meskos ku boso tambe a komprendé nos pa un parti, ku nos ta boso motibu pa gloria, meskos ku boso tambe ta di nos, den e dia di nos Señor Jesus.

1:15 I den e konfiansa aki mi tabatin intenshon di bin serka boso promé, pa un biaha mas boso risibí un bendishon,

1:16 esta, pa mi pasa via boso bai Masedonia, i bolbe pasa serka boso ora mi bin for di Masedonia, i pa boso yudami riba mi biahe pa Judea.

1:17 Pesei, ora mi a plania esaki, ta ariba-ariba mi a hasié anto? Of loke mi plania, ta segun karni mi ta plania, ku na e mesun momento mi ta bisa: sí, sí, i nò, nò?

1:18 Ma meskos ku Dios ta fiel, nos palabra na boso no ta sí i nò.

1:19 Pasobra e Yu di Dios, Cristo Jesus, Kende a wòrdu prediká meimei di boso dor di nos--dor di mi, Silvano i Timoteo--no tabata sí i nò, sino sí den djE.

1:20 Pasobra tur e promesanan di Dios den djE ta sí, i den djE ta Amèn, pa e gloria di Dios dor di nos.

1:21 Awor Esun ku ta stablesé nos huntu ku boso den Cristo i a ungi nos ta Dios,

1:22 Kende tambe a seya nos i a duna nos e Spiritu den nos kurason komo garantia.

1:23 Ma mi ta yama Dios komo testigu di mi alma, ku pa spar boso mi no a bin Korinto mas.

1:24 No ku nos tin dominio riba boso fe, ma nos ta trahadó huntu ku boso pa boso goso; pasobra den boso fe boso ta para firme.

2 Korintionan 2

2:1 Ma mi a determiná esaki pa mi mes bon, ku lo mi no bin serka boso den tristesa atrobe.

2:2 Pasobra si mi hasi boso tristu, ken anto lo hasimi kontentu sino esun ku mi a hasi tristu?

2:3 I esaki ta presisamente loke mi a skirbi boso, pa ora mi yega mi no haña tristesa for di esnan ku mester a hasimi regosihá, teniendo konfiansa den boso tur, ku mi goso lo tabata e goso di boso tur.

2:4 Pasobra for di den hopi aflikshon i angustia di kurason mi a skirbi boso ku hopi lágrima; no pa hasi boso bira tristu, ma pa boso por sa di e amor ku mi tin spesialmente pa boso.

2:5 Ma si un hende a kousa tristesa, e no a kousa tristesa na ami, ma den sierto sentido--pa mi no eksagerá--na boso tur.

2:6 Pa un hende asina e kastigu aki ku el a haña di e mayoria ta sufisiente,

2:7 asina ku, alkontrario, mas bien boso mester pordon'é i konsol'é, pa di un òf otro manera un hende asina no keda desesperá dor di demasiado tristesa.

2:8 Pesei mi ta roga boso pa konfirmá boso amor p'é.

2:9 Pasobra ta ku e propósito aki tambe mi a skirbi pa mi por pone boso na prueba, pa mira si boso ta obedesido den tur kos.

2:10 Ma ken ku boso pordoná algu, mi tambe ta pordoná; pasobra di bèrdat loke mi a pordoná, si mi a pordoná algu, mi a hasié pa boso motibu den e presensia di Cristo,

2:11 pa Satanás no tuma bentaha riba nos; pasobra su trikinan no ta deskonosí pa nos.

2:12 Awor ora mi a yega Troas pa e evangelio di Cristo, i ora un porta a wòrdu habrí pa mi den Señor,

2:13 mi no tabatin sosiegu den mi spiritu, pasobra mi no a haña mi ruman Tito; ma despues di a despedí di nan, mi a bin Masedonia.

2:14 Ma grasia sea na Dios, Kende semper ta guia nos den Su triunfo den Cristo, i ta manifestá dor di nos e holó dushi di e konosementu di djE na tur kaminda.

2:15 Pasobra nos ta un holó dushi di Cristo pa Dios meimei di esnan ku ta wòrdu salbá i meimei di esnan ku ta peresé;

2:16 pa esun un holó di morto pa morto, pa e otro un holó di bida pa bida. I ken ta kompetente pa e kosnan aki?

2:17 Pasobra nos no ta manera asina hopi hende, kendenan ta kana hasi negoshi ku e palabra di Dios. Alkontrario, den Cristo nos ta papia dilanti di Dios ku tur sinseridat, manera hòmbernan mandá dor di Dios.

2 Korintionan 3

3:1 Nos ta kuminsá rekomendá nos mes atrobe? Of t'asina ku, manera algun otronan, nos tin mester di kartanan di rekomendashon pa boso òf for di boso?

3:2 Boso ta nos karta, skirbí den nos kurason, konosí i lesá dor di tur hende,

3:3 siendo manifestá ku boso ta un karta di Cristo, e resultado di nos ministerio, skirbí no ku enk, sino ku e Spiritu di e Dios bibu, no riba tablanan di piedra, sino riba tablanan di kurason di hende.

3:4 I asina un konfiansa nos tin dor di Cristo pa ku Dios.

3:5 No ku nos ta kompetente di nos mes pa pensa ku algu ta bin for di nos mes; ma nos kompetensia ta bin di Dios,

3:6 Kende tambe a hasi nos kompetente pa ta sirbidónan di un aliansa nobo, no di e lèter, sino di e Spiritu; pasobra e lèter ta mata, ma e Spiritu ta duna bida.

3:7 Ma si e ministerio di morto, grabá ku lèter riba piedra, a bin ku gloria, asina ku e yunan di Israel no por a fiha nan bista riba kara di Moisés pa motibu di e gloria di su kara, ku poko-poko tabata disparsé,

G1487 -- Ma si -> But if
G1248 -- e ministerio -> the ministry
G2288 -- di morto -> of death
G1121 -- , grabá ku lèter -> in letters
G1795 -- riba -> engraved
G3037 -- piedra -> on stones
G1096 -- , a bin -> came
G1391 -- ku gloria -> with glory
G5620 -- , asina -> so
G5207 -- ku e yunan -> that the sons
G2474 -- di Israel -> of Israel
G1410 -- no -> could
G816 -- por a fiha -> not look
G816 -- nan bista -> intently
G4383 -- riba kara -> at the face
G3475 -- di Moisés -> of Moses
G1223 -- pa motibu -> because
G1391 -- di e gloria -> of the glory
G4383 -- di su kara -> of his face
G2673 -- , ku poko-poko tabata disparsé -> fading

3:8 kuantu mas glorioso e ministerio di e Spiritu lo no ta?

3:9 Pasobra si e ministerio di kondenashon tin gloria, muchu mas e ministerio di hustisia ta abundá den gloria.

3:10 Pasobra di bèrdat, loke tabatin gloria, den e kaso aki no tin gloria, pa motibu di e gloria ku ta surpas'é.

3:11 Pasobra si loke ta disparsé poko-poko tabata glorioso, kuantu mas glorioso loke ta permanesé ta.

3:12 Teniendo anto un speransa asina, nos ta papia ku hopi frankesa,

3:13 i nos no ta manera Moisés, kende a tapa su kara ku velo, pa e yunan di Israel no keda wak e fin di e gloria ku tabata disparsé.

3:14 Ma nan mente a wòrdu enduresí; pasobra te dia djawe, ora nan ta lesa Tèstamènt Bieu, e mesun velo ta keda sin wòrdu kitá, pasobra ta den Cristo e ta wòrdu kitá.

3:15 Ma te dia djawe, ki ora ku Moisés wòrdu lesá, tin un velo riba nan kurason,

3:16 ma ki ora ku un hende kombèrtí na Señor e velo ta wòrdu kitá.

3:17 Awor Señor ta e Spiritu; i kaminda e Spiritu di Señor ta, ei tin libertat.

3:18 Ma nos tur, ku kara sin velo, mirando manera den un spil e gloria di Señor, ta wòrdu transformá den e mesun imagen di gloria pa gloria, manera dor di e Spiritu di Señor.

2 Korintionan 4

4:1 Pesei, komo ku nos tin e ministerio aki, segun e miserikòrdia ku nos a risibí, nos no ta pèrdè ánimo,

4:2 ma nos a renunsiá e kosnan skondí pa motibu di bèrguensa i no ta kana ku astusia ni ta uza e palabra di Dios ku engaño, ma pa medio di e manifestashon di bèrdat nos ta rekomendá nos mes na e konsenshi di tur hende den bista di Dios.

G550 -- ma nos a renunsiá -> but we have renounced
G2927 -- e kosnan -> the things
G2927 -- skondí -> hidden
G152 -- pa motibu di bèrguensa -> because of shame
G4043 -- i no ta kana -> not walking
G3834 -- ku astusia -> in craftiness
G3366 -- ni -> or
G1389 -- ta uza -> adulterating
G3056 -- e palabra -> the word
G2316 -- di Dios -> of God
G5321 -- ku engaño, ma pa medio di e manifestashon -> but by the manifestation
G225 -- di bèrdat -> of truth
G4921 -- nos ta rekomendá -> commending
G1438 -- nos mes -> ourselves
G3956 -- na e -> to every
G444 -- hende -> man’s
G4893 -- konsenshi -> conscience
G1799 -- den bista -> in the sight
G2316 -- di Dios -> of God

4:3 I asta si nos evangelio ta tapá ku velo, e ta tapá pa esnan ku ta bai pèrdí,

4:4 den kende nan kaso e dios di e mundu aki a siega mente di esnan ku no ta kere, pa nan no mira e lus di e evangelio di e gloria di Cristo, Kende ta e imagen di Dios.

4:5 Pasobra nos no ta prediká nos mes, ma Cristo Jesus komo Señor, i nos mes komo boso sirbidónan pa motibu di Jesus.

4:6 Pasobra Dios, Kende a bisa: "Lus lo resplandesé for di skuridat," ta Esun ku a resplandesé den nos kurason pa duna e lus di e konosementu di e gloria di Dios den kara di Cristo.

4:7 Ma nos tin e tesoro aki den pòchi di klei, pa e ekselensia di e poder por ta di Dios i no di nos mes;

4:8 nos ta wòrdu primí di tur banda, ma nos no ta keda plèchá; nos no ta mira salida, ma no ta desesperá;

4:9 nos ta wòrdu pèrsiguí, ma no ta keda desampará; nos ta wòrdu tumbá abou, ma no destruí;

4:10 hibando semper den nos kurpa e morto di Jesus, pa e bida di Jesus tambe por wòrdu manifestá den nos kurpa.

4:11 Pasobra nos ku ta biba ta wòrdu entregá konstantemente na morto pa motibu di Jesus, pa e bida di Jesus tambe por wòrdu manifestá den nos karni mortal.

4:12 Asina morto ta obra den nos, ma bida den boso.

4:13 Ma teniendo e mesun spiritu di fe, segun loke ta pará skirbí: "Mi a kere, pesei mi a papia," nos tambe ta kere, pesei nos tambe ta papia,

4:14 sabiendo ku Esun ku a lanta Señor Jesus lo lanta nos tambe huntu ku Jesus, i lo presentá nos huntu ku boso.

4:15 Pasobra tur kos ta pa boso kousa, pa e grasia ku ta alkansá mas i mas hende por hasi ku e dunamentu di gradisimentu ta abundá pa e gloria di Dios.

4:16 Pesei nos no ta pèrdè ánimo, ma maske nos hende eksterior ta degenerá, tòg nos hende interior ta wòrdu renobá dia pa dia.

4:17 Pasobra nos aflikshon leve, ku ta pa un momento so, ta obra pa nos un peso di gloria muchu mas grandi i etèrno,

4:18 mientras ku nos no ta wak e kosnan ku ta wòrdu mirá, ma e kosnan ku no ta wòrdu mirá. Pasobra e kosnan ku ta wòrdu mirá ta temporal, ma e kosnan ku no ta wòrdu mirá ta etèrno.