Buska den Beibel

Galatanan 4; Galatanan 5; Galatanan 6 BSNP Edita

Galatanan 4

4:1 Awor mi ta bisa, tanten ku e eredero ta un mucha, den nada e no ta diferente for di un esklabu, ounke ku e ta doño di tur kos,

4:2 ma e ta bou di vogtnan i mayordomonan te na e fecha fihá pa e tata.

4:3 Asina nos tambe, tempu nos tabata mucha, tabata wòrdu tení den sklabitut bou di e kosnan elemental di mundu.

4:4 Ma ora ku e plenitut di e tempu a yega, Dios a manda Su Yu, nasí di un muhé, nasí bou di Lei,

4:5 pa E por a redimí esnan ku tabata bou di Lei, pa nos por a risibí e adopshon komo yu.

4:6 I pasobra boso ta yu, Dios a manda e Spiritu di Su Yu den nos kurason, sklamando: "Abba! Tata!"

4:7 Asina bo no ta esklabu mas, sino yu; i si bo ta yu, e ora ei bo ta eredero tambe dor di Dios.

4:8 Sinembargo na e tempu ei, tempu ku boso no tabata konosé Dios, boso tabata esklabu di esnan ku pa naturalesa no ta dios.

4:9 Ma awor ku boso a yega na konosé Dios, òf mas bien, ta konosí pa Dios, kon anto boso ta bolbe atrobe na e prinsipionan debil i miserabel, na kualnan boso kier bolbe esklabisá boso mes tur di nobo?

G3568 -- Ma awor -> But now
G1097 -- ku boso a yega na konosé -> that you have come to know
G2316 -- Dios -> God
G1161 -- , òf -> or
G3123 -- mas bien -> rather
G1097 -- ta konosí -> to be known
G2316 -- pa Dios -> by God
G4459 -- , kon -> how
G1994 -- anto boso ta bolbe -> is it that you turn
G1994 -- bolbe -> back
G3825 -- atrobe -> again
G772 -- na e prinsipionan debil -> to the weak
G4434 -- i miserabel -> and worthless
G4747 -- , na kualnan -> elemental
G4747 -- kosnan -> things
G3739 -- , na kualnan -> to which
G2309 -- boso kier -> you desire
G1398 -- bolbe esklabisá -> to be enslaved
G509 -- boso mes tur -> all
G509 -- boso mes tur -> over
G3825 -- di nobo -> again

4:10 Boso ta warda dianan i lunanan i temporadanan i añanan.

4:11 Mi ta teme pa boso, ku kisas mi a traha mata kurpa pa boso en bano.

4:12 Mi ta roga boso, rumannan, bira manera ami, pasobra ami tambe a bira manera boso. Boso no a ofendémi den nada;

4:13 ma boso sa ku tabata pa motibu di un enfermedat di kurpa ku mi a prediká e evangelio na boso e promé biaha;

4:14 i loke tabata un prueba pa boso pa motibu di e kondishon di mi kurpa, boso no a despresi'é ni tabatin asko di djé, ma boso a risibími manera un angel di Dios, manera Cristo Jesus mes.

4:15 Kiko a para anto di e bendishon ei ku un tempu boso tabatin? Pasobra mi ta duna testimonio di boso, ku si tabata posibel, boso lo a saka boso mes wowonan i dunami nan.

4:16 Mi a bira boso enemigu anto dor di bisa boso e bèrdat?

4:17 Nan ta buska boso ku afan, no pa nada bon, ma nan kier ekskluí boso, pa boso buska nan.

4:18 Ma ta bon pa semper wòrdu buská ku afan na un bon manera, i no solamente ora mi ta presente ku boso.

4:19 Mi yunan, pa kualnan mi tin doló di parto atrobe te ora ku Cristo wòrdu formá den boso--

4:20 kuantu lo mi a deseá di ta presente serka boso awor i di kambia mi tono, pasobra mi tin duda den boso.

4:21 Bisami, boso ku kier ta bou di lei, boso no ta skucha na lei?

4:22 Pasobra ta pará skirbí ku Abraham tabatin dos yu hòmber, ún ku e muhé esklabu i ún ku e muhé liber.

4:23 Ma e yu hòmber di e muhé esklabu a nase segun karni, i e yu hòmber di e muhé liber dor di promesa.

4:24 Esaki ta bisá simbólikamente, pasobra e muhénan aki ta dos aliansa, ún prosedente di Seru Sinaí, ku ta haña yu pa sklabitut; esaki ta Hagar.

4:25 Awor e Hagar aki ta Seru Sinaí na Arabia, i ta korespondé na e Jerusalèm djawor, pasobra e ta den sklabitut ku su yunan.

4:26 Ma e Jerusalèm djariba ta liber; e ta nos mama.

4:27 Pasobra ta pará skirbí: "Regosihá, muhé steril ku no ta haña yu; dal gritu di húbilo, abo ku no ta den doló di parto; pasobra mas hopi ta e yunan di esun desolá ku di esun ku tin un esposo."

4:28 I boso, rumannan, meskos ku Isaak, ta yunan di promesa.

4:29 Ma meskos ku den e tempunan aya esun ku a nase segun karni a pèrsiguí esun ku a nase segun Spiritu, asina ta awor tambe.

4:30 Ma kiko Skritura ta bisa? "Tira e muhé esklabu i su yu afó, pasobra yu di e muhé esklabu lo no ta eredero huntu ku yu di e muhé liber."

4:31 Asina anto, rumannan, nos no ta yu di un muhé esklabu, ma di e muhé liber.

Galatanan 5

5:1 Ta pa libertat Cristo a hasi nos liber; pesei, keda para firme i no sea sometí atrobe na un yugo di sklabitut.

5:2 Mira, ami, Pablo, ta bisa boso ku si boso risibí sirkumsishon, Cristo lo no ta di ningun benefisio pa boso.

5:3 I mi ta bolbe duna testimonio na kada hòmber ku risibí sirkumsishon, ku e ta obligá pa warda henter e Lei.

5:4 Boso a wòrdu separá for di Cristo, boso ku ta buska pa wòrdu hustifiká pa medio di lei; boso a kai for di grasia.

5:5 Pasobra nos, dor di Spiritu, pa medio di fe, ta wardando riba e speransa di hustisia.

5:6 Pasobra den Cristo Jesus ni sirkumsishon ni insirkumsishon no ta nifiká nada, ma fe ku ta obra dor di amor.

5:7 Boso tabata kore bon; ken a stroba boso di obedesé e bèrdat?

5:8 E konvikshon aki no a bin di Esun ku ta yama boso.

5:9 Un tiki zürdeg ta hasi henter e mansa bira zür.

5:10 Mi tin konfiansa den boso den Señor, ku boso lo no tuma ningun otro forma di pensa; ma esun ku ta trastorná boso lo karga su kondenashon, ken ku e ta.

5:11 Ma ami, rumannan, si ainda mi ta prediká sirkumsishon, pakiko mi ta wòrdu pèrsiguí ainda? E ora ei e piedra-di-trompeká di e krus a wòrdu abolí.

5:12 Ohalá ku esnan ku ta trastorná boso por a mutilá nan mes.

5:13 Pasobra boso a wòrdu yamá pa libertat, rumannan; solamente, no uza boso libertat komo un oportunidat pa e karni, ma laga un sirbi otro pa medio di amor.

5:14 Pasobra henter e Lei ta keda kumplí den un solo palabra, esta: "Stima bo próhimo manera bo mes."

5:15 Ma si boso ta morde i ta devorá otro, mira pa boso no wòrdu destruí un dor di otro.

5:16 Ma mi ta bisa, kana segun e Spiritu, i boso lo no kumpli ku deseo di e karni.

5:17 Pasobra e karni ta pone su deseo kontra e Spiritu, i e Spiritu kontra e karni; pasobra esakinan ta kontrario na otro, pa boso no hasi e kosnan ku boso kier.

5:18 Ma si boso ta wòrdu guiá pa e Spiritu, boso no ta bou di Lei.

5:19 Awor e obranan di karni ta evidente, kualnan ta: inmoralidat, impuresa, sensualidat,

5:20 idolatria, bruheria, hostilidat, bringamentu, yalursheit, rabiamentu, pleitamentu, desakuèrdo, doktrina falsu,

5:21 envidia, buracheria, parandiamentu, i kosnan asin'aki, di kualnan mi ta spièrta boso di antemano, meskos ku mi a spièrta boso kaba di antemano, ku esnan ku praktiká sorto di kosnan asina lo no eredá e reino di Dios.

5:22 Ma fruta di e Spiritu ta amor, goso, pas, pasenshi, kariño, bondat, fieldat,

5:23 mansedumbre, dominio propio; kontra kosnan asina no tin lei.

5:24 Awor esnan ku ta pertenesé na Cristo Jesus a krusifiká e karni ku su pashonnan i deseonan.

5:25 Si nos ta biba segun e Spiritu, laga nos kana tambe segun e Spiritu.

5:26 No laga nos bira hende gabadó, probokando otro, kudishando otro.

Galatanan 6

6:1 Rumannan, asta si un hende wòrdu sorprendí den kualkier delito, boso, ku ta spiritual, restorá un hende asina den un spiritu di mansedumbre; kada un wak su mes, pa boso tambe no wòrdu tentá.

G80 -- Rumannan -> Brethren
G2532 -- , asta -> even
G1437 -- si -> if
G444 -- un hende -> anyone
G4301 -- wòrdu sorprendí -> is caught
G5100 -- den kualkier -> in any
G3900 -- delito -> trespass
G4152 -- , ku ta spiritual -> you who are spiritual
G2675 -- , restorá -> restore
G5108 -- un -> such
G5108 -- hende -> a one
G4151 -- den un spiritu -> in a spirit
G4240 -- di mansedumbre -> of gentleness
G4648 -- ; kada un wak -> ] looking
G4572 -- su mes -> to yourself
G3361 -- , pa -> so
G2532 -- boso tambe -> that you too
G3985 -- no wòrdu tentá -> will not be tempted

6:2 Kada un karga peso di otro, i asina kumpli ku e lei di Cristo.

6:3 Pasobra si un hende pensa ku e ta algu, siendo ku e no ta nada, e ta gaña su mes.

6:4 Ma laga kada un saminá su mes obra, i e ora ei e lo tin motibu pa gaba solamente enkuanto su mes, i no enkuanto un otro.

6:5 Pasobra kada un lo karga su mes karga.

6:6 I laga esun ku ta wòrdu siñá den e palabra kompartí tur kos bon ku esun ku ta siñ'é.

6:7 No gaña boso mes: Dios no ta laga hasi bofon di djE; pasobra loke un hende sembra, esaki tambe e lo kosechá.

6:8 Pasobra esun ku sembra pa su mes karni lo kosechá korupshon for di e karni, ma esun ku sembra pa e Spiritu lo kosechá bida etèrno for di e Spiritu.

6:9 I no laga nos kansa di hasi bon, pasobra na debido tempu nos lo kosechá, si nos no desmayá.

6:10 Asina anto, mientras nos tin oportunidat, laga nos hasi bon na tur hende, i spesialmente na esnan ku ta di e famia di fe.

6:11 Mira ku ki lèternan grandi mi ta skirbi boso ku mi mes man.

6:12 Esnan ku kier hasi un bon impreshon den karni ta purba obligá boso pa wòrdu sirkumsidá, simplemente pa nan no wòrdu pèrsiguí pa kousa di e krus di Cristo.

6:13 Pasobra esnan ku ta sirkumsidá, ni nan mes no ta kumpli ku e Lei, ma nan kier pa boso wòrdu sirkumsidá, pa nan por gloria den boso karni.

6:14 Ma ohalá ku nunka lo mi gloria sino den e krus di nos Señor Jesu-Cristo, dor di kual e mundu a wòrdu krusifiká pa mi, i ami pa e mundu.

6:15 Pasobra ni sirkumsishon no ta nada, ni insirkumsishon, ma un kreashon nobo.

6:16 I esnan ku lo kana segun e regla aki, pas i miserikòrdia sea riba nan, i riba e Israel di Dios.

6:17 For di awor padilanti, no laga ni un hende molestiámi, pasobra mi ta karga na mi kurpa e markanan di Jesus.

6:18 E grasia di nos Señor Jesu-Cristo sea ku boso spiritu, rumannan. Amèn.