Buska den Beibel

2 Korintionan 5; 2 Korintionan 6; 2 Korintionan 7; 2 Korintionan 8; 2 Korintionan 9 BSNP Edita

2 Korintionan 5

5:1 Pasobra nos sa ku si e tènt terenal, ku ta nos kas, wòrdu bashá abou, nos tin un edifisio di Dios, un kas no trahá ku man, etèrno den e shelunan.

5:2 Pasobra di bèrdat nos ta suspirá den e kas aki, anhelando pa wòrdu bistí ku nos habitashon for di shelu,

5:3 asina ku, dor di bistié, nos lo no wòrdu hañá sunú.

5:4 Pasobra di bèrdat, mientras ku nos ta den e tènt aki, nos ta suspirá, siendo kargá, pasobra nos no kier ta sin paña bistí, ma nos kier ta bistí, pa asina loke ta mortal por wòrdu tragá dor di bida.

5:5 Awor Esun ku a prepará nos pa e propósito aki ta Dios, Kende a duna nos e Spiritu komo garantia.

5:6 Pesei, siendo semper yen di bon ánimo, i sabiendo ku mientras nos ta na kas den e kurpa nos ta ousente di Señor--

5:7 pasobra nos ta kana pa medio di fe, no pa medio di bista--

5:8 nos ta yen di bon ánimo, mi ta bisa, i ta preferá mas bien di ta ousente di e kurpa i na kas serka Señor.

5:9 Pesei nos ta hasi esaki nos meta, sea na kas òf ousente, pa ta agradabel na djE.

5:10 Pasobra nos tur mester paresé dilanti di e tribunal di Cristo, pa kada un wòrdu rekompensá pa su echonan den e kurpa, segun loke el a hasi, sea bon òf malu.

G1163 -- Pasobra nos tur mester -> For we must
G3956 -- tur -> all
G5319 -- paresé -> appear
G1715 -- dilanti di -> before
G968 -- e tribunal -> the judgment
G968 -- di Cristo -> seat
G5547 -- di Cristo -> of Christ
G2443 -- pa -> so
G1538 -- kada un -> that each
G1538 -- kada un -> one
G2865 -- wòrdu rekompensá -> may be recompensed
G4983 -- pa su echonan den e kurpa -> for his deeds in the body
G4314 -- segun -> according
G3739 -- loke el a hasi -> to what
G4238 -- loke el a hasi -> he has done
G1535a -- sea -> whether
G18 -- bon -> good
G1535a -- òf -> or
G5337 -- malu -> bad

5:11 Pesei, konosiendo e temor di Señor, nos ta konvensé hende, ma nos motibunan ta bon kla pa Dios; i mi ta spera ku nos motibunan ta bon kla tambe pa boso konsenshi.

5:12 Nos no ta rekomendá nos mes atrobe na boso, ma ta duna boso un oportunidat pa ta orguyoso di nos, pa boso por tin un kontesta pa esnan ku ta gaba den aparensia i no den kurason.

5:13 Pasobra si nos ta loko, ta pa Dios nos ta loko, i si nos ta di sano huisio, ta pa boso nos ta di sano huisio.

5:14 Pasobra e amor di Cristo ta obligá nos, yegando na e konklushon aki, ku ún a muri pa tur, pesei tur a muri;

5:15 i El a muri pa tur, pa esnan ku ta biba no biba mas pa nan mes, ma pa Esun ku a muri i ku a resusitá pa nan motibu.

5:16 Pesei, for di awor nos no ta rekonosé ningun hende segun karni; maske nos tabata konosé Cristo segun karni, awor sí nos no konos'E asina mas.

5:17 Pesei, si un hende ta den Cristo, ta un kriatura nobo e ta; e kosnan bieu a pasa kaba; ata, tur kos a bira nobo.

5:18 Awor tur e kosnan aki ta bin di Dios, Kende a rekonsiliá nos ku Su mes dor di Cristo, i a duna nos e ministerio di rekonsiliashon,

5:19 esta, ku Dios den Cristo tabata rekonsiliando e mundu ku Su mes, sin tuma nan pikánan na kuenta, i El a enkargá nos ku e palabra di rekonsiliashon.

5:20 Pesei nos ta embahadornan pa Cristo, komo si fuera Dios tabata spièrta dor di nos; nos ta roga boso den e nòmber di Cristo, sea rekonsiliá ku Dios.

5:21 El a hasi Esun, Kende no tabata konosé piká, bira piká pa nos, pa nos por bira e hustisia di Dios den djE.

2 Korintionan 6

6:1 I trahando huntu kunE nos tambe ta roga boso pa no risibí e grasia di Dios en bano--

6:2 pasobra E ta bisa: "Den e tempu aseptabel Mi a skuchabo, i riba e dia di salbashon Mi a yudabo"; mira, awor ta "e tempu aseptabel," mira, awor ta "e dia di salbashon."

6:3 Nos no ta duna motibu di ofensa den nada, pa e ministerio no wòrdu desakreditá,

6:4 ma den tur kos nos ta rekomendá nos mes komo sirbidónan di Dios, den hopi pèrseveransia, den aflikshon, den fatiga, den angustia,

6:5 den sota, den prizon, den lantamentunan di pueblo, den trabou duru, den pèrdèmentu di soño, den hamber,

6:6 den puresa, den konosementu, den pasenshi, den kariño, den Spiritu Santu, den amor bèrdadero,

6:7 den e palabra di bèrdat, den e poder di Dios; pa medio di e armanan di hustisia pa e man drechi i pa e man robes,

6:8 pa medio di gloria i desonor, pa medio di mal fama i bon fama; komo gañadónan i tòg bèrdadero;

6:9 komo deskonosí i tòg bon konosí, komo muriendo i tòg, ata nos ta biba; komo kastigá i tòg nos no a wòrdu matá,

6:10 komo tristu i tòg semper regosihando, komo pober i tòg hasiendo hopi hende bira riku, komo teniendo nada i tòg teniendo tur kos.

6:11 Nos boka a papia frankamente ku boso, O korintionan, nos kurason ta hanchu habrí.

6:12 Boso no ta wòrdu limitá dor di nos, ma boso ta wòrdu limitá dor di boso mes sintimentunan.

6:13 Awor di e mesun manera--mi ta papia manera ku mucha--habri boso kurason hanchu pa nos tambe.

6:14 No uni boso mes den yugo desigual ku inkrédulonan, pasobra ki kompañerismo hustisia tin ku inhustisia, i ki komunion lus tin ku skuridat?

6:15 Of ki harmonia Cristo tin ku Belial, òf kiko un kreyente tin komun ku un inkrédulo?

6:16 Of ki kombenio e tèmpel di Dios tin ku ídolo? Pasobra nos ta e tèmpel di e Dios bibu, manera Dios a bisa: "Lo mi biba den nan i kana meimei di nan; I lo Mi ta nan Dios, i nan lo ta Mi pueblo."

6:17 "Pesei, sali for di meimei di nan i separá boso mes, SEÑOR ta bisa. I no mishi ku loke ta impuru; i lo Mi risibí boso."

6:18 "I lo Mi ta un Tata pa boso, i boso lo ta yu hòmbernan i yu muhénan pa Mi, e SEÑOR Todopoderoso ta bisa."

2 Korintionan 7

7:1 Pesei, komo ku awor nos tin e promesanan aki, stimánan, laga nos purifiká nos mes di tur impuresa di karni i spiritu, i asina perfekshoná nos santidat den e temor di Dios.

7:2 Traha lugá pa nos den boso kurason; nos no a hasi daño na ningun hende, nos no a korumpí ningun hende, nos no a probechá di ningun hende.

7:3 Mi no ta papia pa kondená boso; pasobra mi a bisa kaba ku boso ta den nos kurason, pa nos muri huntu i pa biba huntu.

7:4 Grandi ta mi konfiansa den boso, grandi ta mi gabamentu tokante di boso; mi ta yen di konsuelo. Mi ta rebosá di goso den tur nos aflikshonnan.

7:5 Pasobra ora nos a yega Masedonia nos karni no tabatin sosiegu, ma nos tabata wòrdu afligí di tur banda: di pafó konflikto, di paden temor.

7:6 Ma Dios, Kende ta konsolá esnan abatí, a konsolá nos ku e binida di Tito;

7:7 i no solamente ku su binida, ma tambe ku e konsuelo ku kual el a wòrdu konsolá serka boso, ora ku el a konta nos di boso anhelo, boso tristesa, boso zelo pa mi, asina ku mi a regosihá mas ainda.

7:8 Pasobra maske mi karta a hasi boso tristu, esei no ta duel mi; maske ku a duel mi sí--pasobra mi ta mira ku e karta ei a hasi boso tristu, ounke solamente pa un tempu--

7:9 awor mi ta regosihá, no ku boso a bira tristu, ma ku boso a bira tristu te na e punto di repentimentu; pasobra boso a bira tristu segun e boluntat di Dios, pa boso no sufri ningun pièrdè pa nos motibu.

7:10 Pasobra e tristesa ku ta segun e boluntat di Dios ta produsí un repentimentu ku ta hiba na salbashon, i kual no ta duel hende nunka; ma e tristesa di mundu ta produsí morto.

7:11 Pasobra mira ki seriedat e kos aki, e tristesa aki segun Dios, a produsí den boso: ki vindikashon di boso mes, ki indignashon, ki temor, ki anhelo, ki zelo, ki disiplina kontra maldat! Den tur kos boso a demostrá di ta inosente den e asunto.

G2400 -- Pasobra mira -> For behold
G4214 -- ki -> what
G4710 -- seriedat -> earnestness
G3778 -- e -> this
G846 -- kos -> very
G846 -- aki -> thing
G3588 -- , e -> this
G2596 -- tristesa aki segun Dios -> godly
G3076 -- tristesa aki segun Dios -> sorrow
G2716 -- , a produsí -> has produced
G235 -- den boso: ki -> in you: what
G627 -- vindikashon -> vindication
G235 -- di boso mes, ki -> of yourselves, what
G24 -- indignashon -> indignation
G235 -- , ki -> what
G5401 -- temor -> fear
G235 -- , ki -> what
G1972 -- anhelo -> longing
G235 -- , ki -> what
G2205b -- zelo -> zeal
G235 -- , ki -> what
G1557 -- disiplina kontra maldat -> avenging
G1557 -- disiplina kontra maldat -> of wrong
G3956 -- ! Den tur kos -> ! In everything
G4921 -- boso a demostrá -> you demonstrated
G1438 -- di -> yourselves
G53 -- ta inosente -> to be innocent
G4229 -- den e asunto -> in the matter

7:12 Asina ku maske mi a skirbi boso, no tabata pa kousa di esun ku a ofendé, ni pa kousa di esun ku a wòrdu ofendí, ma pa boso seriedat pa ku nos por wòrdu hasí konosí na boso den bista di Dios.

7:13 Pa e motibu aki nos a wòrdu konsolá. I ademas di nos konsuelo, nos a regosihá ainda muchu mas pa e goso di Tito, pasobra su spiritu a wòrdu refreská dor di boso tur.

7:14 Pasobra si den kualkier kos mi a gaba boso serka djé, mi no a wòrdu brongosá; ma meskos ku nos a papia tur kos ku boso den bèrdat, asina tambe nos gabamentu ku Tito a resultá di ta bèrdat.

7:15 I su kariño ta abundá mas ainda pa ku boso, ora ku e kòrda e obedensia di boso tur, kon boso a risibié ku temor i temblamentu.

7:16 Mi ta regosihá ku den tur kos mi tin konfiansa den boso.

2 Korintionan 8

8:1 Awor, rumannan, nos kier laga boso sa di e grasia di Dios ku a wòrdu duná den e iglesianan di Masedonia,

8:2 ku den hopi prueba di aflikshon nan abundansia di goso i nan pobresa grandi a rebosá den e rikesa di nan generosidat.

8:3 Pasobra mi ta duna testimonio ku segun nan tabata por, i mas ku nan tabata por, nan a duna boluntariamente,

8:4 rogando nos ku masha súplika pa e privilegio di por partisipá den e manteneshon di e santunan,

8:5 i esaki, no manera nos a spera, ma promé nan a duna nan mes na Señor i na nos, segun e boluntat di Dios.

8:6 Pesei nos a roga Tito ku, meskos ku antes el a hasi un kuminsamentu, asina tambe e kompletá den boso e obra di grasia aki.

8:7 Ma meskos ku boso ta abundá den tur kos, den fe i palabra i konosementu i den tur seriedat i den boso amor pa nos, mira pa boso abundá den e obra di grasia aki tambe.

8:8 Mi no ta papia esaki komo un mandato, ma pa proba, dor di e seriedat di otronan, e sinseridat di boso amor tambe.

8:9 Pasobra boso konosé e grasia di nos Señor Jesu-Cristo, ku ounke E tabata riku, sinembargo pa boso motibu El a bira pober, pa boso dor di Su pobresa por a bira riku.

8:10 I mi ta duna mi opinion den e asunto aki, pasobra esaki ta pa boso bentaha, kendenan tabata e proménan ku a kuminsá un aña pasá, no solamente pa hasi esaki, ma tambe pa deseá di hasié.

8:11 Ma awor, kaba di hasié tambe, pa meskos ku boso tabata asina boluntario pa hasié, asina tambe e por wòrdu kumplí dor di e medionan ku boso tin.

8:12 Pasobra si e boluntat t'ei, e ta aseptabel segun loke un hende tin, no segun loke e no tin.

8:13 Pasobra esaki no ta pa fasilidat di otronan i pa boso aflikshon, ma pa tin igualdat--

8:14 den e tempu presente aki boso abundansia ta un provishon den nan nesesidat, pa nan abundansia tambe por bira un provishon den boso nesesidat, pa por tin igualdat;

8:15 manera ta pará skirbí: "Esun ku a rekohé hopi no tabatin di mas, i esun ku a rekohé poko no tabata falta nada."

8:16 Ma grasia sea na Dios, Kende ta pone e mesun preokupashon pa boso den kurason di Tito.

8:17 Pasobra no solamente el a aseptá nos petishon, ma komo ku e mes ta masha dediká, el a bai serka boso di su mes boluntat.

8:18 I nos a manda huntu kuné e ruman, kende su fama den e asuntonan di evangelio a plama den tur e iglesianan;

8:19 i no solamente esaki, ma el a wòrdu skohí tambe dor di e iglesianan pa biaha huntu ku nos den e obra di grasia aki, kual ta wòrdu atministrá dor di nos pa e gloria di Señor mes, i pa mustra nos boluntat,

8:20 tumando prekoushon pa ni un hende no desakreditá nos den nos atministrashon di e ofrenda generoso aki;

8:21 pasobra nos ta pèrkurá pa hasi loke ta onorabel, no solamente den bista di Señor, ma tambe den bista di hende.

8:22 I nos a manda huntu ku nan nos ruman, kende nos a komprobá hopi biaha i a hañ'é diligente den hopi kos, ma awor mas diligente ainda, pa motibu di su konfiansa grandi den boso.

8:23 Pa loke ta Tito, e ta mi kompañero i kolaborador meimei di boso; pa loke ta nos rumannan, nan ta mensaheronan di e iglesianan, un gloria pa Cristo.

8:24 Pesei públikamente, dilanti di e iglesianan, mustra nan e prueba di boso amor i di nos motibu pa gaba boso.

2 Korintionan 9

9:1 Pasobra ta inesesario pa mi skirbi boso tokante di e ministerio aki pa e santunan;

9:2 pasobra mi sa ku boso ta di bon boluntat, pa kual motibu mi ta gaba boso serka e masedonionan, esta, ku Akaya tabata prepará for di aña pasá, i boso zelo a animá mayoria di nan.

9:3 Ma mi a manda e rumannan, pa nos gabamentu di boso den e kaso aki no ta en bano, pa, manera mi tabata bisa, boso por ta prepará,

9:4 pa no sosodé ku si algun masedonio bin ku mi i no haña boso prepará, nos--pa mi no bisa: boso tambe--wòrdu brongosá pa e konfiansa aki.

9:5 Pesei mi a haña nesesario pa enkurashá e rumannan pa bai serka boso promé ku ami bai i prepará di antemano boso ofrenda generoso ku boso a primintí, pa esaki por ta prepará komo un ofrenda generoso, i no duná ku avarisia.

9:6 Awor esaki mi ta bisa; esun ku sembra skars lo kosechá skars tambe; i esun ku sembra generosamente lo kosechá generosamente tambe.

9:7 Laga kada un hasi manera el a proponé den su kurason; no kontra su gustu òf obligá; pasobra Dios ta stima esun ku ta duna ku alegria.

9:8 I Dios ta poderoso pa hasi tur grasia abundá pa boso, asina ku teniendo semper sufisiente di tur kos, boso por tin abundansia pa tur bon obra;

9:9 manera ta pará skirbí: "Tur kaminda el a parti, el a duna e pobernan, Su hustisia ta permanesé pa semper."

9:10 Awor Esun ku ta proveé simia pa e sembradó i pan pa kuminda lo proveé i multipliká boso simia pa sembra, i lo oumentá e kosecha di boso hustisia;

9:11 boso lo wòrdu enrikesí den tur kos pa ta generoso na tur okashon, lokual pa medio di nos ta produsiendo gradisimentu na Dios.

9:12 Pasobra e ministerio di e sirbishi aki no solamente ta proveé kompletamente pa e nesesidatnan di e santunan, ma ta abundá tambe dor di hopi gradisimentu na Dios.

9:13 Pa motibu di e prueba duná dor di e ministerio aki nan lo glorifiká Dios pa e obedensia di boso konfeshon di e evangelio di Cristo, i pa e generosidat di boso kontribushon na nan i na tur,

9:14 mientras ku, den nan orashon pa boso, nan kurason ta anhelá na boso pa motibu di e grasia sobreabundante di Dios den boso.

9:15 Grasia sea na Dios pa Su don ineksplikabel!