Buska den Beibel

1 Kronikonan 13; 1 Kronikonan 14; 1 Kronikonan 15; 1 Kronikonan 16 BSNP Edita

1 Kronikonan 13

13:1 E ora ei David a konsultá ku e kapitannan di e milnan i shennan, ku tur lider.

13:2 I David a bisa henter e asamblea di Israel: "Si ta parse boso bon, i si ta boluntat di SEÑOR nos Dios, laga nos manda rospondi tur parti pa nos famianan ku ta keda na henter e tera di Israel, tambe pa e saserdotenan i levitanan ku ta huntu ku nan den nan statnan ku lugánan di yerba bèrdè, pa nan reuní ku nos;

H1732 -- I David -> David
H559 -- a bisa -> said
H3605 -- henter -> to all
H6951 -- e asamblea -> the assembly
H3478 -- di Israel -> of Israel
H518 -- : "Si -> If
H2895 -- ta parse boso bon -> it seems good
H430 -- nos Dios -> our God
H7971 -- , laga nos manda -> let us send
H6555 -- rospondi tur parti -> everywhere
H251 -- pa nos famianan -> to our kinsmen
H7604 -- ku ta keda -> who remain
H3605 -- na henter -> in all
H776 -- e tera -> the land
H3478 -- di Israel -> of Israel
H3548 -- , tambe pa e saserdotenan -> also to the priests
H3881 -- i levitanan -> and Levites
H5892b -- ku ta huntu ku nan den nan statnan -> who are with them in their cities
H4054 -- ku lugánan -> with pasture
H4054 -- di yerba bèrdè -> lands
H6908 -- , pa nan reuní -> that they may meet

13:3 i laga nos trese e arka di nos Dios bèk serka nos, pasobra den e dianan di Saul nos no a hasi kaso di djé."

13:4 E ora ei henter e asamblea a bisa ku nan lo hasi asina, pasobra e asunto tabata korekto den bista di henter e pueblo.

13:5 Asina David a reuní henter Israel huntu, for di Sihor di Egipto te na e entrada di Hamat, pa trese e arka di Dios for di Kiriat-jearim.

13:6 I David ku henter Israel a subi bai Baala, esta, Kiriat-jearim, ku ta pertenesé na Juda, pa trese for di ayanan e arka di Dios, e SEÑOR ku ta sintá riba Su trono ariba di e kerubinnan, e arka riba kual Su nòmber ta wòrdu invoká.

13:7 I nan a hiba e arka di Dios riba un garoshi nobo for di e kas di Abinadab, i Uza ku Ahio tabata guia e garoshi.

13:8 I David ku henter Israel tabata regosihá ku tur nan forsa dilanti di Dios, ku kantika i ku salterio, arpa, tamburein, simbal i tròmpèt.

13:9 Ora nan a yega na e plenchi-di-bati-mainshi di Kidon, Uza a saka su man pa wanta e arka, pasobra e bueynan a trompeká.

13:10 I e rabia di SEÑOR a kima kontra Uza, i El a dal é mata pa motibu ku el a saka su man na e arka; i el a muri ayanan dilanti di Dios.

13:11 Anto David a rabia pasobra SEÑOR a dal Uza un sla asina pisá; i el a yama e lugá ei Perez-uza te dia djawe.

13:12 I David a haña miedu di Dios e dia ei, bisando: "Kon mi por trese e arka di Dios serka mi?"

13:13 Asina David no a hiba e arka serka djé na e stat di David, ma el a hib'é na e kas di Obed-edòm e geteo.

13:14 Pesei e arka di Dios a keda tres luna serka e famia di Obed-edòm, den su kas; i SEÑOR a bendishoná e famia di Obed-edòm i tur loke ku e tabatin.

1 Kronikonan 14

14:1 Awor Hiram, rei di Tiro, a manda mensaheronan serka David ku palu di seda, mèslánan i karpinténan, pa traha un kas p'é.

14:2 I David a realisá ku SEÑOR a stables'é komo rei riba Israel, i ku su reino tabata halsá grandemente pa kousa di Su pueblo Israel.

14:3 E ora ei David a tuma mas esposa na Jerusalèm, i David a engendrá mas yu hòmber i mas yu muhé.

14:4 I esakinan ta e nòmbernan di e yunan ku a nase p'é na Jerusalèm: Samúa, Sobab, Natan, Salomon,

14:5 Ibhar, Elisúa, Elpelet,

14:6 Noga, Nefeg, Jafia,

14:7 Elisama, Beeliada i Elifelet.

14:8 Ora ku e filisteonan a tende ku David a wòrdu ungí komo rei riba henter Israel, tur e filisteonan a bai buska David; i David a tende di esaki i a sali bai kontra nan.

14:9 Awor e filisteonan a tene un razia den e vaye di Refaim.

14:10 I David a konsultá ku Dios, bisando: "Mi mester bai kontra e filisteonan? I lo Bo entregá nan den mi man?" E ora ei SEÑOR a bis'é: "Bai, pasobra lo Mi entregá nan den bo man."

14:11 Asina nan a yega Baal-perazim, i David a derotá nan ayanan; i David a bisa: "Dios a kibra pasa dor di mi enemigunan pa medio di mi man, manera awa ta kibra pasa." Pesei nan a yama e lugá ei Baal-perazim.

H5927 -- Asina nan a yega -> So they came
H1188 -- Baal-perazim -> up to Baal-perazim
H1732 -- i David -> and David
H5221 -- a derotá -> defeated
H8033 -- nan ayanan -> them there
H1732 -- i David -> and David
H430 -- Dios -> God
H559 -- a bisa -> said
H6555 -- a kibra -> has broken
H6555 -- pasa dor di -> through
H340 -- mi enemigunan -> my enemies
H3027 -- pa medio di mi man -> by my hand
H6556 -- manera awa ta kibra pasa -> like the breakthrough
H4325 -- . -> of waters
H5921 -- Pesei -> .” Therefore
H7121 -- nan a yama -> they named
H4725 -- e lugá ei -> that place
H1188 -- Baal-perazim -> Baal-perazim

14:12 I nan a bandoná nan diosnan ayanan; asina David a duna òrdu i nan a kima nan ku kandela.

14:13 I e filisteonan a bolbe tene un razia den e vaye.

14:14 I David a bolbe konsultá ku Dios, i Dios a bis'é: "No subi bai nan tras; rondoná nan di patras i bin ataká nan dilanti di e palunan di balsem.

14:15 I lo sosodé ku ora bo tende e zonidu di marchamentu den e tòpnan di e palunan di balsem, bo mester sali bai bataya, pasobra Dios lo a sali bo dilanti pa derotá e ehérsito di e filisteonan."

14:16 I David a hasi manera Dios a orden'é, i nan a derotá e ehérsito di e filisteonan for di Gabaon te na Gezer.

14:17 I e fama di David a plama den tur e teranan; i SEÑOR a pone miedu pa David riba tur e nashonnan.

1 Kronikonan 15

15:1 Awor David a traha kasnan pa su mes den e stat di David; i el a prepará un lugá pa e arka di Dios, i a lanta un tènt p'é.

15:2 E ora ei David a bisa: "Ningun hende no mag karga e arka di Dios, sino e levitanan so; pasobra SEÑOR a skohe nan pa karga e arka di Dios i pa sirbiE pa semper."

15:3 I David a reuní henter Israel na Jerusalèm, pa trese e arka di SEÑOR na su lugá ku el a prepará p'é.

15:4 I David a reuní e yu hòmbernan di Aaron i e levitanan;

15:5 di e yu hòmbernan di Koat, hefe Uriel i 120 di su rumannan;

15:6 di e yu hòmbernan di Merari, hefe Asaias i 220 di su rumannan;

15:7 di e yu hòmbernan di Gerson, hefe Joel i 130 di su rumannan;

15:8 di e yu hòmbernan di Elizafan, hefe Semaias, i 200 di su rumannan;

15:9 di e yu hòmbernan di Hebròn, hefe Eliel i 80 di su rumannan;

15:10 di e yu hòmbernan di Uziel, hefe Aminadab i 112 di su rumannan.

15:11 E ora ei David a manda yama e saserdotenan Sadok i Abiatar, i e levitanan, i Uriel, Asaias, Joel, Semaias, Eliel i Aminadab,

15:12 i a bisa nan: "Boso ta e kabesnan di e kasnan di e tatanan di e levitanan; konsagrá boso mes, tantu boso komo boso rumannan, pa boso trese e arka di e SEÑOR Dios di Israel na e lugá ku mi a prepará p'é.

15:13 Pa motibu ku boso no a kargu'é na prinsipio, e rabia di SEÑOR nos Dios a lanta kontra nos, pasobra nos no a busk'E konforme e ordenansa."

15:14 Asina e saserdotenan i e levitanan a konsagrá nan mes pa hiba e arka di e SEÑOR Dios di Israel.

15:15 I e yu hòmbernan di e levitanan a karga e arka di Dios riba nan skouder, ku e baranan na djé, manera Moisés a ordená, konforme e palabra di SEÑOR.

15:16 E ora ei David a papia ku e hefenan di e levitanan pa nombra nan rumannan, e kantadónan, ku instrumènt di muzik, arpa, salterio, simbal ku ta zona duru, pa laga tende zonidunan di goso.

15:17 Asina e levitanan a nombra Heman, yu hòmber di Joel, i di su rumannan: Asaf, yu hòmber di Berekias; i di e yu hòmbernan di Merari, nan rumannan: Etan, yu hòmber di Kusaias,

15:18 i huntu ku nan nan rumannan di e di dos rango: Zakarias, Bèn, Jaaziel, Semiramot, Jehiel, Uni, Eliab, Bènaia, Maaseias, Matitias, Elifelehu, Miknias, Obed-edòm i Jeiel, e wardadónan-di-porta.

H251 -- i huntu ku nan nan rumannan -> and with them their relatives
H4932 -- di e di dos -> of the second
H4932 -- rango -> rank
H2148a -- : Zakarias -> Zechariah
H1122 -- , Bèn -> Ben
H3268 -- , Jaaziel -> Jaaziel
H8070 -- , Semiramot -> Shemiramoth
H3171 -- , Jehiel -> Jehiel
H6042 -- , Uni -> Unni
H446 -- , Eliab -> Eliab
H1141 -- , Bènaia -> Benaiah
H4641 -- , Maaseias -> Maaseiah
H4993 -- , Matitias -> Mattithiah
H466 -- , Elifelehu -> Eliphelehu
H4737 -- , Miknias -> Mikneiah
H5654 -- , Obed-edòm -> Obed-edom
H3262 -- i Jeiel -> and Jeiel
H7778 -- , e wardadónan-di-porta -> the gatekeepers

15:19 Asina e kantadónan Heman, Asaf i Etan a keda nombrá pa toka duru riba simbal di bròns;

15:20 i Zakarias, Aziel, Semiramot, Jehiel, Uni, Eliab, Maaseias i Bènaia, ku arpa gestèm na tono haltu;

15:21 i Matitias, Elifelehu, Miknias, Obed-edòm, Jeiel i Azazias, pa guia ku salterio gestèm na tono abou.

15:22 I Kenanias, hefe di e levitanan, tabatin enkargo di e kantamentu; e tabata duna instrukshon den kantamentu, pasobra e tabatin abilidat.

15:23 Anto Berekias i Elkana tabata wardadó-di-porta pa e arka.

15:24 I e saserdotenan Sebanias, Josafat, Natanael, Amasai, Zakarias, Bènaia i Eliezer tabata supla tròmpèt dilanti di e arka di Dios. Obed-edòm i Jehias tambe tabata wardadó-di-porta pa e arka.

15:25 Asina David, huntu ku e ansianonan di Israel i e kapitannan riba milnan, a bai pa trese e arka di e aliansa di SEÑOR for di e kas di Obed-edòm, ku goso.

15:26 I a sosodé ku, pasobra Dios tabata yuda e levitanan ku tabata karga e arka di e aliansa di SEÑOR, nan a sakrifiká shete bishé machu i shete karné chubatu.

15:27 Awor David tabatin un mantel di lino fini bistí, meskos ku tur e levitanan ku tabata karga e arka, i e kantadónan i Kenanias, e lider di kantamentu, huntu ku e kantadónan. David tambe tabatin un efòd di lino bistí.

H1732 -- Awor David -> Now David
H3736 -- tabatin -> was clothed
H4598 -- un mantel -> with a robe
H948 -- di lino -> of fine
H948 -- fini -> linen
H3605 -- meskos ku tur -> with all
H3881 -- e levitanan -> the Levites
H5375 -- ku tabata karga -> who were carrying
H727 -- e arka -> the ark
H7891 -- , i e kantadónan -> and the singers
H3663 -- i Kenanias -> and Chenaniah
H8269 -- , e lider -> the leader
H4853a -- di kantamentu -> of the singing
H7891 -- , huntu ku e kantadónan -> ] the singers
H1732 -- . David -> . David
H5921 -- tambe tabatin -> also wore
H646 -- un efòd -> an ephod
H906 -- di lino -> of linen

15:28 Asina henter Israel a trese e arka di e aliansa di SEÑOR ku gritu i ku zonidu di kachu, ku tròmpèt, ku zonidu duru di simbal, ku arpa i salterio.

15:29 I a sosodé ku ora ku e arka di e aliansa di SEÑOR a yega den e stat di David, Mikal, yu muhé di Saul, tabata wak for di bentana i a mira rei David ta bula i ta hasi kontentu, i el a despresi'é den su kurason.

H1961 -- I a sosodé -> It happened
H727 -- ora ku e arka -> when the ark
H1285 -- di e aliansa -> of the covenant
H935 -- a yega -> came
H5892b -- den e stat -> to the city
H1732 -- di David -> of David
H4324 -- , Mikal -> that Michal
H1323 -- , yu muhé -> the daughter
H7586 -- di Saul -> of Saul
H8259 -- tabata wak -> looked
H2474 -- for di bentana -> out of the window
H7200 -- i a mira -> and saw
H4428 -- rei -> King
H1732 -- David -> David
H7540 -- ta bula -> leaping
H7832 -- i ta hasi kontentu -> and celebrating
H959 -- , i el a despresi'é -> and she despised
H3820 -- den su kurason -> him in her heart

1 Kronikonan 16

16:1 I nan a trese e arka di Dios paden i a pon'é den e tènt ku David a lanta p'é; i nan a ofresé ofrendanan kimá i ofrendanan di pas dilanti di Dios.

16:2 Ora David a kaba di ofresé e ofrenda kimá i e ofrendanan di pas, el a bendishoná e pueblo den e nòmber di SEÑOR.

16:3 I el a parti pa tur hende di Israel, tantu hòmber komo muhé, pa tur, un pan i un porshon di karni i un pan di rasenchi.

16:4 I el a nombra algun di e levitanan pa sirbi dilanti di e arka di SEÑOR, pa selebrá i pa gradisí i pa alabá e SEÑOR Dios di Israel:

16:5 Asaf, e hefe, i Zakarias, esun ku tabata siguié; despues Jeiel, Semiramot, Jehiel, Matitias, Eliab, Bènaia, Obed-edòm i Jeiel, ku instrumèntnan di muzik, arpa i salterio; tambe Asaf tabata toka simbal ku ta zona duru,

H623 -- Asaf -> Asaph
H7218 -- e hefe -> the chief
H4932 -- , i Zakarias -> and second
H2148a -- , esun ku tabata siguié -> to him Zechariah
H3262 -- despues Jeiel -> ] Jeiel
H8070 -- , Semiramot -> Shemiramoth
H3171 -- , Jehiel -> Jehiel
H4993 -- , Matitias -> Mattithiah
H446 -- , Eliab -> Eliab
H1141 -- , Bènaia -> Benaiah
H5654 -- , Obed-edòm -> Obed-edom
H3262 -- i Jeiel -> and Jeiel
H3627 -- , ku instrumèntnan di muzik -> with musical instruments
H5035b -- , arpa -> harps
H3658 -- i salterio -> lyres
H623 -- ; tambe Asaf -> also Asaph
H4700 -- simbal -> cymbals
H8085 -- ku ta zona duru -> ] loud-sounding

16:6 i e saserdotenan Bènaia i Jahaziel tabata supla tròmpèt kontinuamente dilanti di e arka di e aliansa di Dios.

16:7 I riba e dia ei David, pa di promé biaha, a nombra Asaf i su rumannan, pa duna gradisimentu na SEÑOR.

16:8 O duna gradisimentu na SEÑOR, invoká Su nòmber; hasi Su echonan konosí den e pueblonan.

16:9 Kanta na djE, kanta alabansa na djE; papia di tur Su maraviyanan.

16:10 Gloria den Su nòmber santu; laga kurason di esnan ku ta buska SEÑOR ta kontentu.

16:11 Buska SEÑOR i Su fortalesa; buska Su kara kontinuamente.

16:12 Kòrda Su echonan maraviyoso ku El a hasi, Su señalnan i e huisionan di Su boka,

16:13 O simia di Israel, Su sirbidó, yunan di Jakòb, Su skohínan!

16:14 E ta SEÑOR nos Dios; Su huisionan ta den henter tera.

16:15 Kòrda Su aliansa pa semper, e palabra ku El a ordená na mil generashon,

16:16 e aliansa ku El a sera ku Abraham, i Su huramentu na Isaak.

16:17 Tambe El a konfirmá esaki na Jakòb komo un statuto, na Israel komo un aliansa etèrno,

16:18 bisando: "Na bo lo Mi duna e tera di Kanaan, komo e porshon di bo erensia."

16:19 Tempu ku nan tabata poko hende ainda, masha poko mes, i stranhero den djé,

16:20 i nan tabata dwal di nashon pa nashon, i di un reino pa un otro pueblo,

16:21 i E no a pèrmití ningun hende oprimí nan, i El a reprendé reinan pa nan motibu, bisando:

16:22 "No mishi ku Mi ungínan, i no hasi Mi profetanan ningun daño."

16:23 Kanta na SEÑOR, henter tera; proklamá bon nobo di Su salbashon di dia pa dia.

16:24 Konta di Su gloria meimei di e nashonnan, Su obranan maraviyoso meimei di tur e pueblonan.

16:25 Pasobra SEÑOR ta grandi i digno di supremo alabansa; tambe mester tin temor di djE mas ku di tur dios.

16:26 Pasobra tur e diosnan di e pueblonan ta ídolo, ma SEÑOR a traha e shelunan.

16:27 Splendor i mahestat ta Su dilanti, fortalesa i goso ta den Su lugá.

16:28 Atribuí na SEÑOR, O famianan di e pueblonan, atribuí na SEÑOR gloria i poder,

16:29 atribuí na SEÑOR e gloria debí na Su nòmber; trese un ofrenda i bin Su dilanti; adorá SEÑOR bistí ku santidat.

16:30 Tembla Su dilanti, henter tera; di bèrdat, mundu ta firmemente stablesí, e lo no wòrdu moví.

16:31 Laga e shelunan alegrá, i laga tera regosihá, i laga nan bisa entre e nashonnan: "SEÑOR ta reina."

16:32 Laga laman ronka, i tur loke e ta kontené; laga kunuku regosihá, i tur loke tin den djé.

16:33 E ora ei e palunan di mondi-será lo kanta di goso dilanti di SEÑOR, pasobra E ta bin pa huzga tera.

16:34 O duna gradisimentu na SEÑOR, pasobra E ta bon; pasobra Su miserikòrdia ta pa semper.

16:35 I bisa: "Salba nos, O Dios di nos salbashon, i rekohé nos i libra nos for di e nashonnan, pa duna gradisimentu na Bo nòmber santu i gloria den Bo alabansa."

16:36 Bendishoná sea SEÑOR, e Dios di Israel, for di etèrnidat te na etèrnidat. I henter e pueblo a bisa: "Amèn," i a alabá SEÑOR.

16:37 Asina el a laga Asaf i su rumannan ayanan dilanti di e arka di e aliansa di SEÑOR, pa sirbi dilanti di e arka kontinuamente, manera e trabou di kada dia tabata eksigí;

16:38 i Obed-edòm ku su sesent'i ocho rumannan; tambe Obed-edòm, yu hòmber di Jedutun, i Hosa, komo wardadónan-di-porta.

16:39 I el a laga saserdote Sadok i su rumannan, e saserdotenan, dilanti di e tabernakel di SEÑOR na e lugá haltu ku tabata keda na Gabaon,

16:40 pa kontinuamente, mainta i anochi, ofresé ofrendanan kimá na SEÑOR riba e altar di ofrenda kimá, konforme tur loke tin pará skirbí den e lei di SEÑOR ku El a ordená Israel.

16:41 I huntu ku nan tabata Heman, Jedutun i e otronan ku a wòrdu skohí, kendenan a keda nombrá pa duna gradisimentu na SEÑOR, pasobra Su miserikòrdia ta pa semper.

16:42 I huntu ku nan tabata Heman i Jedutun, ku tròmpèt i simbal pa esnan ku mester toka duru, i ku instrumèntnan pa e kantikanan di Dios, i e yu hòmbernan di Jedutun pa tene warda na e porta di stat.

16:43 E ora ei henter e pueblo a bai, kada un pa su kas; i David a bolbe pa bendishoná e hendenan di su kas.