Buska den Beibel

Huan 18; Huan 19 BSNP Edita

Huan 18

18:1 Despues ku Jesus a kaba di papia e palabranan aki, El a sali bai ku Su disipelnan pa e otro banda di Roi Kedron, kaminda tabatin un hòfi den kual El a drenta ku Su disipelnan.

18:2 Awor Judas tambe, kende a traishon'E, tabata sa di e lugá ei, pasobra hopi biaha Jesus a reuní ayanan ku Su disipelnan.

18:3 Judas anto, kompañá pa un batayon romano i ofisialnan di e saserdotenan prinsipal i e fariseonan, a bin ayanan ku lantèrna, flambeu i arma.

18:4 E ora ei Jesus, sabiendo tur kos ku tabata bai pasa kunE, a sali bai pafó i a bisa nan: "Ta ken boso ta buska?"

18:5 Nan a kontest'E: "Jesus di Nazarèt." El a bisa nan: "Ta Ami t'E." I Judas tambe, kende a traishon'E, tabata pará huntu ku nan.

18:6 I ora ku El a bisa nan: "Ta Ami t'E," nan a hal'atras i a kai abou na suela.

18:7 Anto El a bolbe puntra nan: "Ta ken boso ta buska?" I nan a bisa: "Jesus di Nazarèt."

18:8 Jesus a kontestá: "Mi a bisa boso ku ta Ami t'E; pesei, si ta Ami boso ta buska, laga esakinan bai,"

18:9 pa e palabra ku El a papia keda kumplí: "Di esnan ku Bo a dunaMi, Mi no a pèrdè ni un."

18:10 E ora ei Simon Pedro, kende tabatin un spada, a sak'é i a dal e sumosaserdote su esklabu kap su orea drechi kit'afó; i nòmber di e esklabu tabata Malko.

18:11 E ora ei Jesus a bisa Pedro: "Hinka e spada den baliña; e kopa ku Mi Tata a dunaMi, lo Mi no beb'é?"

18:12 Anto e batayon romano i e komandante i e ofisialnan di e hudiunan a arestá Jesus, a mar'E

18:13 i a hib'E promé serka Anas; pasobra Anas tabata suegro di Kaifas, kende tabata sumosaserdote e aña ei.

18:14 Awor Kaifas tabata esun ku a duna e hudiunan e konseho ku tabata kumbiní pa ún hende muri pa e pueblo.

18:15 I Simon Pedro tabata sigui Jesus, i un otro disipel tambe. Awor e disipel ei tabata un konosí di e sumosaserdote i el a drenta huntu ku Jesus bai den e plenchi di e sumosaserdote,

18:16 ma Pedro tabata pará pafó na porta. Anto e otro disipel, kende tabata un konosí di e sumosaserdote, a bai pafó i a papia ku e wardadó di porta, i a trese Pedro paden.

18:17 Anto e mucha muhé esklabu ku tabata tene warda na porta a bisa Pedro: "Abo tambe no ta un di e disipelnan di e Hòmber ei?" Pedro a kontestá: "Ami no."

18:18 Awor e esklabunan i e ofisialnan tabata pará einan ta keinta nan kurpa na un kandela di karbon ku nan a sende, pasobra tabata hasi friu; i Pedro tambe tabata pará huntu ku nan ta keinta kurpa.

18:19 E ora ei e sumosaserdote a hasi Jesus pregunta tokante di Su disipelnan i tokante di Su siñansa.

18:20 Jesus a kontest'é: "Mi a papia abiertamente ku mundu; semper Mi tabata siña e hendenan den snoa i den tèmpel, kaminda tur e hudiunan ta reuní, i Mi no a papia nada na sekreto.

18:21 Pakiko bo ta hasiMi pregunta? Puntra esnan ku a tende kiko Mi a papia ku nan; mira, esakinan sa kiko Mi a bisa."

18:22 I ora ku El a kaba di bisa esaki, un di e ofisialnan ku tabata pará einan a dal Jesus un bòftá, bisando: "T'asina Bo ta kontestá e sumosaserdote?"

18:23 Jesus a kontest'é: "Si Mi a bisa algu malu, splika kiko tabata malu, ma si loke Mi a bisa tabata bon, pakiko bo ta dal Mi?"

18:24 Anas anto a mand'E mará serka e sumosaserdote Kaifas.

18:25 Awor Simon Pedro tabata pará einan ta keinta kurpa. E ora ei nan a bis'é: "Abo tambe no ta un di Su disipelnan?" El a nenga i a bisa: "Ami no."

18:26 Un di e esklabunan di e sumosaserdote, siendo famia di esun ku Pedro a kita su orea afó, a bisa: "Mi no a mirabo huntu kunE den e hòfi?"

18:27 Anto Pedro a nenga atrobe i mesora un gai a kanta.

18:28 I nan a hiba Jesus for di kas di Kaifas pa e Pretorio, i tabata mainta tempran. I nan mes no a bai den e Pretorio, pa nan no wòrdu kontaminá, ma pa nan por kome e Pasku.

18:29 E ora ei Pilato a sali pafó serka nan i a bisa: "Ki akusashon boso ta trese kontra e Hòmber aki?"

18:30 Nan a kontestá i a bis'é: "Si e Hòmber aki no tabata un malbado, nos lo no a entregu'E na bo."

18:31 E ora ei Pilato a bisa nan: "Boso mes bai kunE i huzgu'E segun boso Lei." I e hudiunan a bis'é: "Lei no ta pèrmití nos mata ningun hende,"

18:32 pa e palabra di Jesus por keda kumplí, ku El a papia, indikando ki sorto di morto E lo a bai muri.

18:33 Anto Pilato a bolbe bai den e Pretorio, i a yama Jesus i a bis'E: "Ta Abo ta e Rei di e hudiunan?"

18:34 Jesus a kontestá: "Bo ta bisa esaki di bo mes òf ta otronan a kontabo di Mi?"

18:35 Pilato a kontestá: "Ami ta hudiu anto? Bo mes pueblo i e saserdotenan prinsipal a entregáBo na mi; kiko Bo a hasi?"

18:36 Jesus a kontestá: "Mi reino no ta di e mundu aki. Si Mi reino tabata di e mundu aki, Mi sirbidónan lo a bringa, pa Mi no wòrdu entregá na e hudiunan; ma t'asina ku Mi reino no ta di e mundu aki."

18:37 Pesei, Pilato a puntr'E: "Abo ta un rei anto?" Jesus a kontestá: "Bo ta bisa ku Mi ta rei. Pa esaki Mi a nase i pa esaki Mi a bin den mundu, pa duna testimonio di e bèrdat. Tur esnan ku ta di e bèrdat ta tende Mi bos."

18:38 Pilato a puntr'E: "Kiko ta bèrdat?" I ora ku el a kaba di bisa esaki, el a bolbe bai pafó serka e hudiunan i a bisa nan: "Mi no ta haña ningun kulpa den djE.

18:39 Ma boso tin un kustumber, ku riba dia di Pasku mi ta duna libertat na un hende pa boso; boso kier anto pa mi duna e Rei di e hudiunan libertat pa boso?"

18:40 I nan a bolbe grita, bisando: "No e Hòmber aki, ma Barabas!" Awor Barabas tabata un ladron.

Huan 19

19:1 E ora ei Pilato a tuma Jesus i a laga sut'E.

19:2 I e sòldánan a flègt un korona di sumpiña i a pon'é riba Su kabes, i a bistiE un mantel púrpura;

19:3 i nan a aserk'E i a bisa: "Saludo, Rei di e hudiunan!" I nan tabata dal E den Su kara.

19:4 I Pilato a sali pafó atrobe, i a bisa nan: "Mira, mi ta tres'E pa boso, pa boso sa ku ami no ta haña ningun kulpa den djE."

19:5 Jesus anto a sali pafó, bistí ku e korona di sumpiña i e mantel púrpura. I Pilato a bisa nan: "Ata e Hòmber!"

19:6 Anto ora ku e saserdotenan prinsipal i e ofisialnan a mir'E, nan a grita, bisando: "Krusifik'E, krusifik'E!" Pilato a bisa nan: "Boso mes tum'E i krusifik'E, pasobra ami no ta haña ningun kulpa den djE."

G3767 -- Anto -> So
G3753 -- ora -> when
G749 -- e saserdotenan -> the chief
G749 -- saserdotenan -> priests
G5257 -- i e ofisialnan -> and the officers
G3708 -- a mir'E -> saw
G2905 -- , nan a grita -> Him, they cried
G3004 -- , bisando -> out saying
G4717 -- : "Krusifik'E -> Crucify
G4717 -- , krusifik'E -> crucify
G4091 -- !" Pilato -> !” Pilate
G3004 -- a bisa -> said
G2983 -- nan: "Boso mes tum'E -> to them “Take
G4771 -- Boso mes -> Him yourselves
G4717 -- i krusifik'E -> and crucify
G2147 -- , pasobra ami no ta haña -> Him, for I find
G3756 -- ningun -> no
G156 -- kulpa -> guilt

19:7 E hudiunan a kontest'é: "Nos tin un Lei, i segun e Lei ei E mester muri, pasobra El a pretendé di ta e Yu di Dios."

19:8 Ora Pilato a tende e palabranan aki, el a haña mas miedu ainda;

19:9 i el a bolbe bai den e Pretorio i a bisa Jesus: "Di unda Bo ta?" Ma Jesus no a dun'é kontesta.

19:10 E ora ei Pilato a bis'E: "Bo no ta papia ku mi? Bo no sa ku mi tin outoridat pa dunaBo libertat, i ku mi tin outoridat pa krusifikáBo?"

19:11 Jesus a kontestá: "Lo bo no tabatin ningun outoridat riba Mi, si esei no a wòrdu duná na bo for di ariba; pesei, esun ku a entregáMi na bo tin piká mas grandi."

19:12 For di e momento ei Pilato tabata buska pa dun'E libertat, ma e hudiunan tabata grita, bisando: "Si bo duna e Hòmber aki libertat, bo no ta amigu di Cesar; ken ku hasi su mes rei ta kontra Cesar."

G1537 -- For di -> As a result
G3778 -- e momento ei -> of this
G4091 -- Pilato -> Pilate
G2212 -- tabata buska -> made
G2212 -- pa -> efforts
G630 -- dun'E libertat -> to release
G2453 -- ma e hudiunan -> Him, but the Jews
G2905 -- tabata grita -> cried
G3004 -- bisando -> out saying
G1437 -- : "Si -> If
G630 -- bo duna -> you release
G3778 -- e -> this
G3778 -- Hòmber -> Man
G3756 -- aki libertat, bo no -> you are no
G5384 -- ta amigu -> friend
G2541 -- di Cesar -> of Caesar
G3956 -- ; ken -> everyone
G4160 -- ku hasi -> who makes
G1438 -- su mes -> himself
G935 -- rei -> ] a king
G483 -- ta kontra -> opposes
G2541 -- Cesar -> Caesar

19:13 Ora Pilato a tende e palabranan aki, el a hiba Jesus pafó, i a bai sinta riba e stul di hues, na un lugá ku yama Litóstrotos, òf na hebreo Gábata.

19:14 Awor tabata e dia di preparashon pa Pasku, i tabata mas o menos diesdos or di mèrdia. I el a bisa e hudiunan: "Ata boso Rei!"

19:15 E ora ei nan a grita: "Deshasí di djE, deshasí di djE, krusifik'E!" Pilato a puntra nan: "Mi mester krusifiká boso Rei?" E saserdotenan prinsipal a kontestá: "Nos no tin otro rei, sino solamente Cesar."

19:16 Asina anto el a entregu'E na nan pa wòrdu krusifiká.

19:17 Anto nan a bai ku Jesus, i E, kargando Su krus, a sali bai na e lugá ku yama Lugá di Kalpachi, ku na hebreo ta wòrdu yamá Gólgota.

19:18 Ayanan nan a krusifik'E, i huntu kunE dos otro hòmber, ún na kada banda, i Jesus meimei.

19:19 I Pilato a skirbi un inskripshon tambe i a pone esei na e krus. I riba djé tabatin skirbí: "JESUS DI NAZARET, E REI DI E HUDIUNAN."

19:20 Anto hopi di e hudiunan a lesa e inskripshon aki, pasobra e lugá kaminda Jesus a wòrdu krusifiká tabata keda pegá ku stat; i e tabata skirbí na hebreo, latin i griego.

19:21 I pesei, e saserdotenan prinsipal di e hudiunan a bisa Pilato: "No skirbi: 'E Rei di e hudiunan'; ma ku El a bisa: 'Ami ta e Rei di e hudiunan.'"

19:22 Pilato a kontestá: "Loke mi a skirbi, mi a skirbi."

19:23 E sòldánan anto, ora nan a krusifiká Jesus, a kohe Su pañanan i a parti nan na kuater, pa kada sòldá ún parti, i e túnika tambe. Awor e túnika tabata sin nat, gewef na ún solo pida.

G3767 -- E -> Then
G4757 -- sòldánan -> the soldiers
G3753 -- ora -> when
G4717 -- nan a krusifiká -> they had crucified
G2424 -- Jesus -> Jesus
G2983 -- a kohe -> took
G2440 -- Su -> His outer
G2440 -- pañanan -> garments
G4160 -- i a parti -> and made
G5064 -- kuater -> four
G3313 -- parti -> parts
G3313 -- , pa kada sòldá ún parti -> a part
G1538 -- , pa kada sòldá ún parti -> to every
G4757 -- , pa kada sòldá ún parti -> soldier
G5509 -- i e túnika tambe -> ] the tunic
G1161 -- Awor -> now
G5509 -- e túnika -> the tunic
G690a -- tabata sin nat -> was seamless
G5307 -- , gewef -> woven
G3650 -- na ún solo pida -> in one
G3650 -- na ún solo pida -> piece

19:24 Nan a bisa otro anto: "Laga nos no sker esaki, ma tira lòt riba djé, pa disidí di ken e lo ta." Pa e Skritura por a keda kumplí: "Nan a parti Mi pañanan entre nan, i nan a tira lòt riba Mi paña."

19:25 E kosnan aki anto e sòldánan a hasi. Ma banda di e krus di Jesus tabata pará Su mama, i ruman muhé di Su mama (Maria, esposa di Klopas), i Maria Magdalena.

19:26 I ora Jesus a mira Su mama, i e disipel ku E tabata stima, pará einan El a bisa Su mama: "Muhé, ata bo yu!"

19:27 Despues El a bisa e disipel: "Ata bo mama!" I for di e ora ei e disipel a tum'é serka djé den kas.

19:28 Despues di esaki, Jesus, sabiendo ku tur kos a keda kumplí kaba, pa e Skritura por wòrdu kumplí, a bisa: "Mi tin set."

19:29 I tabatin un butishi yen di binager poní einan; i nan a hinka un spòns, papá ku binager, riba un richi di hisòp i a pone esaki na Su boka.

19:30 Ora Jesus a tuma e binager, El a bisa: "Ta kumplí!" I El a baha Su kabes i a entregá Su spiritu.

19:31 E ora ei e hudiunan, komo ku tabata dia di preparashon, asina ku e kurpanan no tabatin mag di keda na krus riba Sabat--pasobra e Sabat ei tabata un gran dia--a pidi Pilato pa por kibra nan pianan i pa nan wòrdu kitá for di einan.

G3767 -- E -> Then
G2453 -- e hudiunan -> the Jews
G1893 -- , komo ku -> because
G3904 -- tabata dia -> it was the day
G3904 -- di preparashon -> of preparation
G2443 -- , asina -> so
G4983 -- ku e kurpanan -> that the bodies
G3306 -- no tabatin mag di keda -> would not remain
G4716 -- na krus -> on the cross
G4521 -- riba Sabat -> on the Sabbath
G4521 -- --pasobra e Sabat -> (for that Sabbath
G3173 -- ei tabata un gran -> was a high
G3904 -- dia -> day
G2065 -- --a pidi -> ), asked
G4091 -- Pilato -> Pilate
G4628 -- pa por kibra nan pianan -> that their legs
G2608a -- pa por kibra nan pianan -> might be broken
G142 -- i pa nan wòrdu kitá -> ] they might be taken
G142 -- for di einan -> away

19:32 E sòldánan anto a bin i a kibra e pianan di e promé hòmber, i di e otro hòmber ku a wòrdu krusifiká huntu kunE;

19:33 ma ora nan a yega serka Jesus i a mira ku El a muri kaba, nan no a kibra Su pianan;

19:34 ma un di e sòldánan a traspasá Su kustia ku un lansa i mesora a sali sanger i awa.

19:35 I esun ku a mira a duna testimonio, i su testimonio ta bèrdadero; i e sa ku e ta papia e bèrdat, pa boso tambe por kere.

19:36 Pasobra e kosnan aki a sosodé pa e Skritura por wòrdu kumplí: "Ni ún wesu di djE lo no wòrdu kibrá."

19:37 I tambe un otro Skritura ta bisa: "Nan lo mira riba Esun ku nan a traspasá."

19:38 I despues di e kosnan aki Jose di Arimatea, siendo un disipel di Jesus, ma na sekreto pa miedu di e hudiunan, a pidi Pilato pa e por hiba e kurpa di Jesus; i Pilato a duna pèrmit. El a bin anto i a hiba e kurpa di Jesus.

G3326 -- I despues -> After
G3778 -- di e kosnan -> these
G3778 -- kosnan -> things
G2501 -- Jose -> Joseph
G707 -- di Arimatea -> of Arimathea
G1510 -- , siendo -> being
G3101 -- un disipel -> a disciple
G2424 -- di Jesus -> of Jesus
G2928 -- , ma na sekreto -> but a secret
G5401 -- pa miedu -> ] for fear
G2453 -- di e hudiunan -> of the Jews
G2065 -- , a pidi -> asked
G4091 -- Pilato -> Pilate
G142 -- pa e por hiba -> that he might take
G142 -- hiba -> away
G4983 -- e kurpa -> the body
G2424 -- di Jesus -> of Jesus
G4091 -- ; i Pilato -> and Pilate
G2010 -- a duna -> granted
G2010 -- pèrmit -> permission
G3767 -- . El a bin -> . So
G2064 -- El a bin -> he came
G142 -- i a hiba -> and took
G142 -- hiba -> away
G4983 -- e kurpa -> His body

19:39 I Nikodemo tambe a bin, kende na prinsipio a bin serka djE den anochi; el a trese un meskla di mirra i aloé, komo shen liber.

19:40 I asina nan a tuma e kurpa di Jesus i a lor'é den tela di lino ku e spesereinan, segun e kustumber di deramentu di e hudiunan.

19:41 Awor na e lugá kaminda El a wòrdu krusifiká tabatin un hòfi; i den e hòfi tabatin un tumba nobo, den kual nunka ainda un hende no a wòrdu poní.

19:42 Anto ayanan nan a pone Jesus pa motibu di e dia di preparashon di e hudiunan, komo ku e tumba tabata keda serka.