Buska den Beibel

Huan 20; Huan 21 BSNP Edita

Huan 20

20:1 Awor riba e promé dia di siman Maria Magdalena a bin tempran na e tumba, mientras ku tabata skur ainda, i a mira ku e piedra tabata kitá for di e tumba.

20:2 I asina el a kore bin serka Simon Pedro, i serka e otro disipel ku Jesus tabata stima, i a bisa nan: "Nan a saka Señor for di e tumba bai kunE, i nos no sa unda nan a pon'E."

20:3 Anto Pedro a sali i tambe e otro disipel i nan a bai na e tumba.

20:4 I nan dos tabata kore huntu; i e otro disipel a kore bai dilanti, mas lihé ku Pedro, i a yega promé na e tumba;

20:5 i ora ku el a bùk abou wak paden, el a mira e pañanan di lino einan, ma e no a drenta.

20:6 E ora ei Simon Pedro tambe a bin su tras i a bai den e tumba; i el a mira e pañanan di lino einan,

20:7 ma e lensu, ku tabata na Su kabes, no tabata huntu ku e pañanan di lino, ma lorá apart na su mes lugá.

20:8 E ora ei a drenta tambe e otro disipel ku a yega promé na e tumba, i el a mira i a kere.

20:9 Pasobra ainda nan no tabata komprendé Skritura, ku E mester lanta for di e mortonan.

20:10 Asina e disipelnan a bai nan kas atrobe.

20:11 Ma Maria tabata pará pafó di e tumba ta yora. I mientras ku e tabata yora el a bùk wak den e tumba,

20:12 i el a mira dos angel bistí na blanku, sintá, ún na kabes i ún na pia, kaminda e kurpa di Jesus a wòrdu poní.

20:13 I nan a bis'é: "Muhé, pakiko bo ta yora?" El a kontestá nan: "Pasobra nan a bai ku mi Señor, i mi no sa unda nan a pon'E."

20:14 Ora ku el a bisa esaki, el a drai wak i a mira Jesus pará einan, ma e no tabata sa ku tabata Jesus.

20:15 Jesus a bis'é: "Muhé, pakiko bo ta yora? Ta ken bo ta buska?" Keriendo ku E tabata e kuidadó di hòfi e muhé a bis'E: "Señor, si ta bo a kargu'E bai kunE, bisami unda bo a pon'E, i lo mi koh'E bai kunE."

20:16 Jesus a bis'é: "Maria!" El a drai wak i a bis'E na hebreo: "Rabuni!" ku ta nifiká: Maestro.

20:17 Jesus a bis'é: "No teneMi, pasobra ainda Mi no a subi bai serka e Tata; ma bai serka Mi rumannan i bisa nan: 'Mi ta subi bai serka Mi Tata i boso Tata, serka Mi Dios i boso Dios.'"

20:18 Maria Magdalena a bai i a konta e disipelnan ku el a mira Señor, i ku El a papia e kosnan aki kuné.

20:19 Anto ora nochi a sera riba e dia ei, e promé dia di siman, i ora ku e portanan tabata será kaminda e disipelnan tabata, pa miedu di e hudiunan, Jesus a bin para meimei di nan i a bisa nan: "Pas sea ku boso."

20:20 I ora ku El a kaba di bisa esaki El a mustra nan Su mannan i Su kustia. I e disipelnan a bira kontentu ora nan a mira Señor.

20:21 Anto Jesus a bolbe bisa nan: "Pas sea ku boso! Manera e Tata a mandaMi, Ami tambe ta manda boso."

20:22 I ora ku El a kaba di bisa esaki, El a supla riba nan i a bisa nan: "Risibí Spiritu Santu.

20:23 Esnan ku boso pordoná nan pikánan, e pikánan ei ta wòrdu pordoná na nan, i esnan ku boso no pordoná nan pikánan, e pikánan ei nan ta keda ku nan."

20:24 Ma Tomas, un di e diesdosnan, kende ta wòrdu yamá Dídimo, no tabata huntu ku nan ora Jesus a bin.

20:25 E otro disipelnan anto a bis'é: "Nos a mira Señor!" Ma el a bisa nan: "Si mi no mira den Su mannan e marka di e klabunan i hinka mi dede den e lugá di e klabunan i hinka mi man den Su kustia, mi no ta kere."

G3767 -- E -> So
G243 -- otro -> the other
G3101 -- disipelnan -> disciples
G3004 -- anto a bis'é: -> were saying
G3708 -- "Nos a mira -> to himWe have seen
G2962 -- Señor!" -> the Lord
G3004 -- Ma el a bisa -> !” But he said
G1437 -- nan: -> to themUnless
G3708 -- "Si mi no mira -> I see
G5495 -- den Su mannan -> in His hands
G5179b -- e marka -> the imprint
G2247 -- di e klabunan -> of the nails
G906 -- i hinka -> and put
G1147 -- mi dede -> my finger
G5117 -- den e lugá -> into the place
G2247 -- di e klabunan -> of the nails
G906 -- i hinka -> and put
G5495 -- mi man -> my hand
G4125 -- den Su kustia, -> into His side
G4100 -- mi no ta kere." -> I will not believe

20:26 I ocho dia despues Su disipelnan tabata paden atrobe i Tomas huntu ku nan. I mientras ku e portanan tabata será, Jesus a bin para meimei di nan i a bisa: "Pas sea ku boso."

20:27 Despues El a bisa Tomas: "Trese bo dede akinan i wak Mi mannan; i trese bo man i hink'é den Mi kustia; i no sea inkrédulo, ma kere."

20:28 Tomas a kontestá i a bis'E: "Mi Señor i mi Dios!"

20:29 Jesus a bis'é: "Ta pasobra bo a miraMi, bo a kere? Bendishoná ta esnan ku no a mira i tòg a kere."

20:30 Tambe Jesus a hasi hopi otro señal den presensia di Su disipelnan, kualnan no ta pará skirbí den e buki aki;

20:31 ma esakinan a wòrdu skirbí pa boso kere ku Jesus ta e Cristo, e Yu di Dios; i pa, keriendo, boso por tin bida den Su nòmber.

Huan 21

21:1 Despues di e kosnan aki Jesus a bolbe paresé na Su disipelnan na laman di Tiberias, i di e manera aki El a paresé na nan.

21:2 Tabata huntu: Simon Pedro, Tomas, kende ta wòrdu yamá Dídimo, Natanael di Kana di Galilea, e yu hòmbernan di Zebedeo i dos mas di Su disipelnan.

21:3 Simon Pedro a bisa nan: "Mi ta bai piska." Nan a bis'é: "Nos tambe ta bai ku bo." Nan a sali bai den boto; i e anochi ei nan no a kohe nada.

21:4 Ma ora dia a kuminsá habri, Jesus tabata pará kantu di laman; ma e disipelnan no tabata sa ku tabata Jesus.

21:5 Anto Jesus a bisa nan: "Yunan, boso tin algun piská?" Nan a kontest'E: "Nò."

21:6 I El a bisa nan: "Tira reda na banda drechi di e boto i boso lo haña algu." E ora ei nan a tira reda i nan no tabata por a hal'é pa motibu di e kantidat grandi di piská.

21:7 Anto e disipel ei ku Jesus tabata stima a bisa Pedro: "Ta Señor." I ora Simon Pedro a tende ku tabata Señor, el a bisti su paña djariba, pasobra e tabata sunú, i a tira su mes den laman.

G3767 -- Anto -> Therefore
G3101 -- e disipel -> that disciple
G3739 -- ei ku -> whom
G2424 -- Jesus -> Jesus
G25 -- tabata stima -> loved
G3004 -- a bisa -> said
G4074 -- Pedro -> to Peter
G2962 -- : "Ta Señor -> It is the Lord
G3767 -- .” I -> .” So
G4613 -- ora Simon -> when Simon
G4074 -- Pedro -> Peter
G191 -- a tende -> heard
G2962 -- ku tabata Señor -> that it was the Lord
G1241 -- , el a bisti -> he put
G1903 -- su paña -> his outer
G1903 -- djariba -> garment
G1131 -- , pasobra e tabata sunú -> on (for he was stripped
G906 -- , i a tira -> ]), and threw
G1438 -- su mes -> himself
G2281 -- den laman -> into the sea

21:8 Ma e otro disipelnan a bin den e boto chikitu, pasobra nan no tabata leu for di tera, solamente nobenta meter, i nan tabata hala e reda yen-yen di piská.

21:9 I ora nan a yega tera, nan a mira un kandela di karbon tur prepará, ku piská poní riba djé, i pan.

21:10 Jesus a bisa nan: "Trese algun di e piskánan ku boso a kaba di kohe."

21:11 Simon Pedro a bai den boto i a hala e reda trese riba tera, yen di piská grandi, komo shent'i sinkuent'i tres; i apesar ku nan tabata asina hopi, tòg e reda no a kibra.

21:12 Jesus a bisa nan: "Bin desayuná." Ningun di e disipelnan no a tribi puntr'E: "Ta Ken Bo ta?" sabiendo ku tabata Señor.

21:13 Jesus a bin i a kohe e pan i a duna nan, i e piská tambe.

21:14 Awor esaki ta di tres biaha ku Jesus a manifestá Su mes na Su disipelnan, despues ku El a wòrdu lantá for di e mortonan.

21:15 Anto despues ku nan a kaba di desayuná, Jesus a bisa Simon Pedro: "Simon, yu di Jonas, bo ta stimaMi mas ku esakinan?" El a kontest'E: "Sí, Señor; Bo sa ku mi ta stimaBo." El a bis'é: "Kuida Mi lamchinan."

21:16 El a bolbe bis'é pa di dos biaha: "Simon, yu di Jonas, bo ta stimaMi?" El a kontest'E: "Sí, Señor, Bo sa ku mi ta stimaBo." El a bis'é: "Pastoriá Mi karnénan."

21:17 El a bis'é pa di tres biaha: "Simon, yu di Jonas, bo ta stimaMi?" Pedro a bira tristu, pasobra pa di tres biaha El a bis'é: "Bo ta stimaMi?" I el a kontest'E: "Señor, Bo sa tur kos; Bo sa ku mi ta stimaBo." Jesus a bis'é: "Kuida Mi karnénan.

21:18 Di bèrdat, di bèrdat, Mi ta bisabo, tempu ku bo tabata mas hoben, bo tabata faha bo mes i kana kaminda ku bo tabata kier; ma dia bo bira bieu lo bo saka bo mannan, i un otro lo fahabo i hibabo kaminda bo no kier bai."

21:19 Awor esaki El a bisa, indikando ku ki sorto di morto e lo a glorifiká Dios. I ora ku El a kaba di bisa esaki, El a bis'é: "SiguiMi!"

21:20 I Pedro a drai wak, i a mira e disipel ku Jesus tabata stima ta sigui nan, esun ku na e sena tabata lèn tambe na Su pechu i ku a bisa: "Señor, ta ken ta esun ku ta traishonáBo?"

G4074 -- I Pedro -> Peter
G1994 -- a drai -> turning
G1994 -- wak -> around
G991 -- a mira -> saw
G3101 -- e disipel -> the disciple
G3739 -- ku -> whom
G2424 -- Jesus -> Jesus
G25 -- tabata stima -> loved
G190 -- ta sigui -> following
G3739 -- nan, esun ku -> ]; the one who
G2532 -- tambe -> also
G377 -- tabata lèn -> had leaned
G377 -- tambe -> back
G4738 -- na Su pechu -> on His bosom
G1173 -- na e sena -> at the supper
G3004 -- i ku a bisa -> and said
G2962 -- : "Señor -> Lord
G5101 -- , ta ken -> who
G3860 -- ta esun ku ta traishoná -> is the one who betrays

21:21 Ora Pedro a mir'é, el a bisa Jesus: "Señor, i kiko lo ta di e hòmber aki?"

21:22 Jesus a bis'é: "Si Mi kier pa e keda te ora Mi bin, ta bo asunto esei? Abo siguiMi!"

21:23 Asina e palabra aki a plama den e rumannan, ku e disipel ei lo no muri; ma Jesus no a bis'é ku e lo no muri, ma solamente: "Si Mi kier pa e keda te ora Mi bin, ta bo asunto esei?"

21:24 Esaki ta e disipel ku ta duna testimonio di e kosnan aki i ku a skirbi e kosnan aki; i nos sa ku su testimonio ta bèrdadero.

21:25 I tambe tin hopi kos mas ku Jesus a hasi, ku si nan a wòrdu skirbí un pa un, mi ta suponé ku ni mundu henter lo no por a kontené e bukinan ku lo a wòrdu skirbí. Amèn.