Buska den Beibel

Proverbionan 30; Proverbionan 31 BSNP Edita

Proverbionan 30

30:1 E palabranan di Agur, yu hòmber di Jake--e profesia. E hòmber a bisa Itiel, esta, Itiel i Ukal:

30:2 Siguramente mi ta mas bobo ku kualkier hende, i mi no tin e komprendementu di hende.

30:3 Tampoko mi no a siña sabiduria, ni mi no tin konosementu di Esun Santu.

30:4 Ken a subi na shelu i a bolbe baha? Ken a rekohé bientu den Su moketa? Ken a lora e awanan den Su bistí? Ken a stablesé tur e finnan di tera? Kon ta Su nòmber i nòmber di Su Yu? Siguramente bo sa!

H4310 -- Ken -> Who
H5927 -- a subi -> has ascended
H8064 -- na shelu -> into heaven
H3381 -- i a bolbe baha -> and descended
H4310 -- ? Ken -> ? Who
H622 -- a rekohé -> has gathered
H7307 -- bientu -> the wind
H2651 -- den Su moketa -> in His fists
H4310 -- ? Ken -> ? Who
H6887a -- a lora -> has wrapped
H8071 -- e awanan den Su bistí -> in His garment
H4325 -- e awanan -> the waters
H4310 -- ? Ken -> ? Who
H6965 -- a stablesé -> has established
H657 -- tur e finnan -> the ends
H776 -- di tera -> of the earth
H4100 -- ? Kon -> ? What
H8034 -- ta Su nòmber -> is His name
H3605 -- tur -> all
H1121 -- i nòmber di Su Yu -> or His son’s
H8034 -- ? -> name
H3588 -- Siguramente -> ? Surely
H3045 -- bo sa -> you know

30:5 Tur palabra di Dios ta puru; e ta un eskudo pa esnan ku ta tuma refugio den djE.

30:6 No añadí na Su palabranan, pa E no reprendébo i bo wòrdu probá di ta un gañadó.

30:7 Dos kos mi ta pidiBo, no nengami nan promé ku mi muri:

30:8 Tene falsedat i mentira leu for di mi, no dunami ni pobresa ni rikesa-- dunami solamente mi pan di kada dia,

30:9 pa mi no tin di mas i nengaBo, i bisa: "Ken ta SEÑOR?" Of pa mi no ta den nesesidat i hòrta, i profaná e nòmber di mi Dios.

30:10 No kalumniá un esklabu serka su shon, pa e no maldishonábo i bo wòrdu hañá kulpabel.

30:11 Tin un generashon ku ta maldishoná su tata, i no ta bendishoná su mama.

30:12 Tin un generashon ku ta puru den su mes bista, i tòg no ta labá di su sushedat.

30:13 Tin un generashon--esta orguyoso su wowonan ta! E ta wak ku menospresio.

30:14 Tin un generashon ku su djentenan ta manera spada, i su kisnan manera kuchú, pa devorá e afligínan for di riba tera, i esnan den nesesidat for di meimei di hende.

30:15 E chupadó di sanger tin dos yu muhé ku ta grita: "Duna! Duna!" Tin tres kos ku nunka ta keda sasiá, sí, kuater kos ku nunka ta bisa: "Ta basta":

30:16 Seol, i e matris steril, tera ku nunka tin basta awa, i kandela ku nunka ta bisa: "Ta basta."

30:17 E wowo ku ta hasi bofon di un tata, i ta despresiá obedensia na un mama, e rafnan di vaye lo pik é sak'é afó, i e águilanan chikitu lo kom'é.

30:18 Tin tres kos ku ta muchu maraviyoso pa mi, sí, kuater ku mi no ta komprendé:

30:19 e kaminda di un águila den laira, e kaminda di un kolebra riba baranka, e kaminda di un bapor meimei di laman, i e kaminda di un hòmber pa ku un mucha muhé.

30:20 Esaki ta e kaminda di un adúltera: e ta kome i ta limpia su boka, i ta bisa: "Mi no a hasi nada malu."

30:21 Pa tres kos tera ta tembla, sí, kuater e no por soportá:

30:22 un esklabu ora ku e bira rei, un loko barika yen,

30:23 un muhé despresiá, ora ku e haña un esposo, i un kriá ku tuma lugá di su señora.

30:24 Tin kuater kos ku ta chikitu riba tera, ma nan ta súmamente sabí:

30:25 vruminga no ta un pueblo fuerte, tòg nan ta prepará nan kuminda den zomer;

30:26 konènchi ta un pueblo swak, tòg nan ta traha nan kasnan den baranka;

30:27 tirakochi no tin rei, tòg nan tur ta sali huntu na òrdu perfekto;

30:28 araña bo por gara ku man, tòg e ta den palasionan di rei.

30:29 Tin tres kos ku ta kana mahestuosamente, sí, kuater ku tin un kaná mahestuoso:

30:30 e leon, ku ta esun di mas fuerte entre e bestianan, i ku no ta hal'atras pa nada;

30:31 e gai, ku ta kana orguyosamente, tambe e kabritu chubatu, i un rei ora ku su ehérsito ta huntu kuné.

30:32 Si bo a kometé e bobedat di halsa bo mes, òf si bo a plania maldat, pone man na bo boka.

30:33 Pasobra meskos ku batimentu di lechi ta produsí manteka, i trosementu di nanishi ta produsí sanger, asina probokamentu di rabia ta produsí pleitu.

Proverbionan 31

31:1 Palabranan di rei Lemuel, e dichonan ku su mama a siñ'é.

31:2 Kiko, mi yu? I kiko, yu di mi mondongo? I kiko, yu di mi promesanan?

31:3 No gasta bo forsa ku muhé, ni bo vigor ku esnan ku ta destruí reinan.

31:4 No ta pas pa reinan, O Lemuel, no ta pas pa reinan bebe biña, ni pa gobernantenan deseá bibida stèrki,

31:5 pa nan no bebe i lubidá lei, i trose derecho di tur e afligínan.

31:6 Duna bibida stèrki na esun ku ta peresé, i biña na esun ku su kurason ta amargá.

31:7 Lagu'é bebe i lubidá su pobresa, i no kòrda su miseria mas.

31:8 Habri bo boka pa e mudo, pa derecho di tur esnan desafortuná.

31:9 Habri bo boka, huzga ku hustisia, i defendé derecho di e pober i di hende den nesesidat.

31:10 Un muhé birtuoso, ken por hañ'é? Pasobra é bal muchu mas ku rubí.

31:11 Kurason di su esposo ta konfia den djé, i su esposo lo no tin falta di ganashi.

31:12 E ta hasi bon na su esposo, i no malu, tur e dianan di su bida.

31:13 E ta buska lana i lino, i ku gustu e ta traha ku su mannan.

31:14 E ta manera barkunan di komersiante; e ta trese su kuminda for di leu.

31:15 E ta lanta mientras ta nochi ainda, i ta duna kuminda na su famia, i tarea na su sirbientenan.

31:16 E ta inspektá un tereno, i ta kumpr'é; for di su ganashi e ta planta un kunuku di wendrùif.

31:17 E ta faha su hep ku fortalesa, i ta fortalesé su brasanan.

31:18 E ta ripará ku su negoshi ta bai bon; anochi su lampi no ta paga.

31:19 E ta tene e karete-pa-hila den su man, i su dedenan ta gara e spul.

31:20 E ta habri su man pa e pober, i ta ekstendé su man na esun den nesesidat.

31:21 E no tin miedu di sneu pa su famia, pasobra henter su famia ta bistí na skarlata.

31:22 E ta traha ko'i tapa pa pone riba su kama; su bistí ta di paña di lino fini i púrpura.

31:23 Su esposo ta konosí den e portanan di stat, ora ku e sinta entre e ansianonan di e pais.

31:24 E ta traha paña-di-bisti di tela di lino, i ta bende nan, i ta entregá faha na e komersiantenan.

31:25 Fortalesa i dignidat ta su bistí, i ku alegria e ta spera e porvenir.

31:26 E ta habri su boka ku sabiduria, i siñansa kariñoso ta riba su lenga.

31:27 E ta tene e kamindanan di su famia bon na bista, i no ta kome pan di flohedat.

31:28 Su yunan ta lanta i ta yam'é bendishoná; su esposo tambe, i e ta gab'é, bisando:

31:29 "Tin hopi yu muhé ku a hasi bon, ma abo ta surpasá nan tur."

31:30 Ser atraktivo ta engañoso i bunitesa ta banidat, ma un muhé ku ta teme SEÑOR, esei lo wòrdu elogiá.

31:31 Dun'é di e fruta di su mannan, i laga su mes obranan gab'é den e portanan di stat.