H8074

Uso den versíkulo

• Salmonan 79:7 BSNP
  Pasobra nan a devorá Jakòb, i a ruiná su habitashon.
• Salmonan 143:4 BSNP
  Pesei mi spiritu ta keda desmayá den mi; mi kurason ta keda desolá den mi.
• Predikador 7:16 BSNP
  No sea demasiado hustu, i no sea sabí di mas. Pakiko lo bo ruiná bo mes?
• Isaias 33:8 BSNP
  E kamindanan grandi ta keda desolá, e biahero a disparsé; el a kibra e aliansa, el a despresiá e statnan; e no tin rèspèt pa hende.
• Isaias 49:8 BSNP
  Asina SEÑOR ta bisa: "Na un tempu agradabel Mi a kontestáBo, i den e dia di salbashon Mi a yudaBo; lo Mi wardaBo i dunaBo komo aliansa pa e pueblo, pa restorá e tera, pa hasi nan eredá e erensianan desolá,
• Isaias 49:19 BSNP
  "Pasobra maske bo a keda ruiná i desolá, i bo tera destruí-- siguramente awor lo bo ta muchu pèrtá pa e habitantenan, i esnan ku a tragabo lo ta te leu aya.
• Isaias 52:14 BSNP
  Meskos ku hopi a keda stòm di mirabo, Mi pueblo, asina Su aparensia a keda desfigurá, mas ku di kualke hende, i Su forma mas ku di e yunan di hende.
• Isaias 54:1 BSNP
  "Grita di goso, sí, grita na bos haltu, O muhé steril, abo ku nunka a haña yu; dal gritu di goso, grita na bos haltu, abo ku nunka a konosé doló di parto; pasobra e yu hòmbernan di e muhé desolá lo ta mas hopi ku e yu hòmbernan di esun kasá," SEÑOR ta bisa.
• Isaias 54:3 BSNP
  Pasobra lo bo ekspandé na man drechi i na man robes. I bo desendientenan lo poderá di nashonnan, i nan lo habitá e statnan desolá.
• Isaias 59:16 BSNP
  El a mira ku no tabatin ningun hende, i a keda asombrá ku no tabatin ningun hende pa intersedé; anto Su mes brasa a trese salbashon p'E, i Su hustisia a sosten'E.
• Isaias 61:4 BSNP
  E ora ei nan lo lanta e ruinanan antiguo di nobo. Nan lo restorá e lugánan destruí pa hopi tempu kaba; nan lo drecha e statnan ruiná, ku a keda desolá pa generashonnan largu.
• Isaias 63:5 BSNP
  Mi a wak i no tabatin ni un hende pa yuda, i Mi a keda asombrá ku ni un hende no tabata duna sosten; asina Mi mes brasa a trese salbashon pa Mi, i Mi furia a sostenéMi.
• Yeremias 2:12 BSNP
  Keda babuká pa motibu di esaki, O shelunan, tembla i keda masha desolá," SEÑOR ta deklará.
• Yeremias 4:9 BSNP
  "I lo sosodé den e dia ei," SEÑOR ta deklará, "ku kurason di rei i kurason di e prensnan lo faya. E saserdotenan lo keda babuká i e profetanan lo keda asombrá."
• Yeremias 10:25 BSNP
  Drama Bo furia riba e nashonnan ku no konoséBo, i riba e famianan ku no ta invoká Bo nòmber, pasobra nan a devorá Jakòb; nan a devor'é i a kaba kuné, i a laga su lugá di biba keda desolá.
• Yeremias 12:11 BSNP
  Nan a hasié un desolashon, tur desolá e ta lamentá Mi dilanti; henter e tera a keda desolá, pasobra ningun hende tin é na kurason.
• Yeremias 18:16 BSNP
  pa hasi nan tera un desolashon, un opheto di bofon pa semper; ken ku pasa banda di djé lo keda asombrá i lo sakudí kabes.
• Yeremias 19:8 BSNP
  Tambe lo Mi hasi e stat aki un desolashon i un opheto di bofon. Ken ku pasa banda di djé lo keda tur asombrá i lo hasi bofon di tur su desasternan.
• Yeremias 33:10 BSNP
  "Asina SEÑOR ta bisa: 'Den e lugá aki di kual boso ta bisa: "E ta desolá, sin hende i sin bestia," esta, den e statnan di Juda i den e kayanan di Jerusalèm ku ta desolá, sin hende, sin habitante i sin bestia, tòg lo por tende atrobe
• Yeremias 49:17 BSNP
  "I Edòm lo bira un opheto di horor; tur hende ku pasa banda di djé lo keda tur babuká i lo hasi bofon di tur su heridanan.