H8081

Verse usage

• 1 Reinan 6:31 BSNP
  I pa e entrada di e santuario paden el a traha portanan di palu di oleifi, e kosein ariba i e koseinnan-di-porta di forma pentagonular.
• 1 Reinan 6:32 BSNP
  Asina el a traha dos porta di palu di oleifi, i el a graba riba nan figuranan di kerubin, di palma i di flor habrí, i a fura nan ku oro; i el a pone e oro riba e kerubinnan i riba e palmanan.
• 1 Reinan 6:33 BSNP
  Asina tambe, di palu di oleifi, el a traha koseinnan-di-porta di forma kuadrangular pa e entrada di e tèmpel,
• 1 Reinan 17:12 BSNP
  Ma el a bisa: "Manera SEÑOR bo Dios ta biba, mi no tin pan, solamente un man di hariña den e kòmchi i un tiki zeta den e butishi; i mira, mi ta piki algun pida palu pa mi bai paden i prepar'é pa mi ku mi yu hòmber, pa nos kom'é i muri."
• 1 Reinan 17:14 BSNP
  Pasobra asina e SEÑOR Dios di Israel ta bisa: 'E kòmchi di hariña lo no bira bashí, ni e butishi di zeta lo no bira bashí, te dia ku SEÑOR manda awaseru riba e superfisio di tera.'"
• 1 Reinan 17:16 BSNP
  E kòmchi di hariña no a bira bashí ni e butishi di zeta no a bira bashí, konforme e palabra di SEÑOR ku El a papia pa medio di Elias.
• 2 Reinan 4:2 BSNP
  I Eliseo a bis'é: "Kiko mi por hasi pa bo? Bisami, kiko bo tin den kas?" I e muhé a bisa: "Bo sirbiente no tin nada den kas sino solamente un butishi di zeta."
• 2 Reinan 4:6 BSNP
  I a sosodé ku ora e butishinan tabata yen, el a bisa su yu hòmber: "Trese un butishi mas pa mi." I el a bis'é: "No tin ni un butishi mas." I e zeta a stòp di basha.
• 2 Reinan 4:7 BSNP
  E ora ei el a bai konta e hòmber di Dios. I el a bisa: "Bai, bende e zeta i paga bo debe, i abo i bo yu hòmbernan por biba di e sobrá."
• 2 Reinan 9:1 BSNP
  Awor profeta Eliseo a yama un di e yu hòmbernan di e profetanan, i a bis'é: "Faha bo hep, kohe e butishi di zeta aki den bo man i bai Ramot-galaad.
• 2 Reinan 9:3 BSNP
  Anto kohe e butishi di zeta i bash'é riba su kabes i bisa: 'Asina SEÑOR ta bisa: "Mi a ungibo komo rei di Israel."' Anto habri porta, hui bai sin warda."
• 2 Reinan 9:6 BSNP
  I el a lanta i a bai den e kas. I el a basha e zeta riba kabes di Jehú i a bis'é: "Asina SEÑOR, e Dios di Israel, ta bisa: 'Mi a ungibo komo rei riba e pueblo di SEÑOR, riba Israel.
• 2 Reinan 20:13 BSNP
  I Ezekias a skucha nan i a mustra nan henter su kas di tesoro, e plata i e oro, e spesereinan i e zeta presioso, su kas di arma i tur loke a wòrdu hañá den su lugánan-di-warda-tesoro. No tabatin nada den su kas, ni den henter su dominio, ku Ezekias no a mustra nan.
• 1 Kronikonan 9:29 BSNP
  Tambe algun di nan tabatin responsabilidat pa e ophetonan en general i pa tur e artíkulonan-di-uzo di e santuario i pa e hariña fini, e biña, e zeta, e sensia i e spesereinan.
• 1 Kronikonan 12:40 BSNP
  Ademas, esnan ku tabata biba serka di nan, te na Isakar, Zabulon i Nèftalí, tabata trese kuminda riba buriku, kamel, mula i buey, kantidatnan grandi di pan, klòmpi di figo, i klòmpi di rasenchi, biña, zeta, buey i karné. Di bèrdat tabatin goso den Israel.
• 1 Kronikonan 27:28 BSNP
  I Baal-hanan e gederita tabatin e palunan di oleifi i di sikamor den e vayenan na su enkargo. I Joas tabatin e depósitonan di zeta na su enkargo.
• 2 Kronikonan 2:10 BSNP
  Awor mira, lo mi duna bo sirbidónan, e hòmbernan ku ta kap palu, binti mil koro di trigo batí i binti mil koro di puspas, binti mil bato di biña i binti mil bato di zeta."
• 2 Kronikonan 2:15 BSNP
  "Awor anto, laga mi señor manda pa su sirbidónan trigo i puspas, zeta i biña, di kualnan el a papia.
• 2 Kronikonan 11:11 BSNP
  Tambe el a fortifiká e fòrtinan i a pone ofisial den nan, i provishonnan di kuminda, zeta i biña.
• Esdras 3:7 BSNP
  E ora ei nan a duna plaka na e mèslánan i karpinténan, i kuminda, bibida i zeta na e sidonionan i na e tirionan, pa trese palu di seda for di Líbano na e laman di Jope, konforme e pèrmiso ku nan a haña di Siro, rei di Persia.