H7307

Verse usage

• Ezikiel 37:6 BSNP
  I lo Mi pone múskulo riba boso, hasi karni bolbe krese riba boso, kubri boso ku kueru i pone rosea den boso pa boso biba; i boso lo sa ku Ami ta SEÑOR.'"
• Ezikiel 37:8 BSNP
  Mi a wak, i ata, a bin múskulo riba nan, karni a krese i kueru a kubri nan; ma no tabatin rosea den nan.
• Ezikiel 37:9 BSNP
  E ora ei El a bisami: "Profetisá na e rosea, profetisá, yu di hende, i bisa e rosea: 'Asina Señor DIOS ta bisa: "Bin for di tur kuater direkshon di bientu, O rosea, i supla riba esakinan ku a wòrdu matá, pa nan haña bida."'"
• Ezikiel 37:10 BSNP
  Asina mi a profetisá manera El a ordenámi, i rosea a bin den nan, i nan a haña bida i a lanta para riba nan pia, un ehérsito súmamente grandi.
• Ezikiel 37:14 BSNP
  I lo Mi pone Mi Spiritu den boso, i boso lo haña bida, i lo Mi stablesé boso na boso mes tera. E ora ei boso lo sa ku Ami, SEÑOR, a papia i a hasi esaki," SEÑOR ta deklará.'"
• Ezikiel 39:29 BSNP
  Lo Mi no skonde Mi kara pa nan mas, pasobra Mi a drama Mi Spiritu riba e kas di Israel," Señor DIOS ta deklará.
• Ezikiel 42:16 BSNP
  El a midi banda pariba ku e richi-di-midi, sinku shen richi ku e richi-di-midi.
• Ezikiel 42:17 BSNP
  El a midi banda panòrt, sinku shen richi ku e richi-di-midi.
• Ezikiel 42:18 BSNP
  Na banda pasùit el a midi sinku shen richi ku e richi-di-midi.
• Ezikiel 42:19 BSNP
  El a bira banda pabou i a midi sinku shen richi ku e richi-di-midi.
• Ezikiel 42:20 BSNP
  El a midié na e kuater bandanan; e tabatin un muraya tur rònt: largura sinku shen i hanchura sinku shen, pa hasi separashon entre loke ta santu i loke ta profano.
• Ezikiel 43:5 BSNP
  I e Spiritu a hisami i a hibami na e plenchi paden; i mira, e gloria di SEÑOR a yena e kas.
• Daniel 2:1 BSNP
  Awor den e di dos aña di e reinado di Nabukodonosor, Nabukodonosor a soña soñonan; i su spiritu tabata asina tribulá, ku su soño a bai.
• Daniel 2:3 BSNP
  I rei a bisa nan: "Mi tabatin un soño, i mi spiritu ta ansioso pa komprendé e soño."
• Daniel 8:8 BSNP
  Anto e kabritu chubatu a engrandesé su mes masha hopi mes. Ma asina ku el a bira poderoso, e kachu largu a kibra; i na su lugá a sali kuater kachu masha riparabel den direkshon di e kuater bientunan di shelu.
• Daniel 11:4 BSNP
  Ma asina ku e lanta, su reino lo wòrdu kibrá i partí den direkshon di e kuater bientunan di shelu, ma no pa su mes desendientenan, ni segun su outoridat ku e tabata goberná kuné; pasobra su soberania lo wòrdu ranká ku rais ku tur i duná na otronan fuera di nan.
• Hoseas 4:12 BSNP
  Mi pueblo ta konsultá ku nan ídolo di palu, i nan bara di adivinadó ta informá nan. Pasobra un spiritu di prostitushon a hasi nan dwal, i nan a kometé prostitushon dor di bandoná nan Dios.
• Hoseas 4:19 BSNP
  Bientu lo lora nan den su halanan. I nan lo tin bèrguensa pa motibu di nan sakrifisionan.
• Hoseas 5:4 BSNP
  Nan echonan lo no pèrmití nan bolbe na nan Dios. Pasobra un spiritu di prostitushon ta biba den nan, i nan no konosé SEÑOR.
• Hoseas 8:7 BSNP
  "Pasobra nan ta sembra bientu, i nan ta kosechá warwarú. E mainshi den kunuku no tin tapushi; e no ta produsí mainshi. Si e produsí mes, stranheronan lo tragu'é.