G3004

Uso den versíkulo

• Mateo 5:38 BSNP
  "Boso a tende ku a wòrdu bisá: 'Wowo pa wowo, i djente pa djente.'
• Mateo 5:39 BSNP
  Ma Ami ta bisa boso, no resistí e hende malbado. Ma ken ku dal bo na bo banda drechi di kara, dun'é e otro banda tambe.
• Mateo 5:43 BSNP
  "Boso a tende ku a wòrdu bisá: 'Stima bo próhimo i odia bo enemigu.'
• Mateo 5:44 BSNP
  Ma Ami ta bisa boso, stima boso enemigunan, bendishoná esnan ku ta maldishoná boso, hasi bon na esnan ku ta odia boso, i hasi orashon pa esnan ku ta maltratá boso i ta pèrsiguí boso,
• Mateo 6:2 BSNP
  "Pesei, ora bo ta hasi bo obranan di karidat, no laga toka tròmpèt bo dilanti, manera e hipokrítnan ta hasi den snoa i riba kaya pa nan risibí onor serka hende. Di bèrdat Mi ta bisa boso, ya nan tin nan pago kaba.
• Mateo 6:5 BSNP
  "I ora bo ta hasi orashon, no sea manera e hipokrítnan, pasobra nan ta gusta para hasi orashon den snoa i na skina di kaya, pa hende mira nan. Di bèrdat Mi ta bisa boso, ya nan tin nan pago kaba.
• Mateo 6:16 BSNP
  "I ki ora ku boso ta yuna, no traha kara tristu manera e hipokrítnan, pasobra nan ta neglishá nan aparensia pa hende mira ku nan ta yuna. Di bèrdat Mi ta bisa boso, ya nan tin nan rekompensa kaba.
• Mateo 6:25 BSNP
  "Pa e motibu aki Mi ta bisa boso, no preokupá boso mes pa boso bida, kiko boso lo kome òf kiko boso lo bebe; tampoko pa boso kurpa, kiko boso lo bisti. Bida no ta mas ku kuminda, i kurpa mas ku paña di bisti?
• Mateo 6:29 BSNP
  ma Mi ta bisa boso ku asta Salomon den tur su gloria no tabata bistí manera un di esakinan.
• Mateo 6:31 BSNP
  No preokupá boso mes anto, bisando: 'Kiko nos lo kome?' òf 'Kiko nos lo bebe?' òf 'Kiko nos lo bisti?'
• Mateo 7:4 BSNP
  Of kon bo por bisa bo ruman: 'Lagami saka e stòf for di bo wowo,' i mira, e balki no ta den bo mes wowo?
• Mateo 7:21 BSNP
  "No ta tur hende ku bisaMi: 'Señor, Señor,' lo drenta e reino di shelu; ma esun ku hasi e boluntat di Mi Tata ku ta den shelu.
• Mateo 7:22 BSNP
  Hopi lo bisaMi den e dia ei: 'Señor, Señor, nos no a profetisá den Bo nòmber, i den Bo nòmber a saka demoño, i den Bo nòmber a hasi hopi milager?'
• Mateo 8:2 BSNP
  I mira, un leproso a bin serka djE, i a bùig te na suela Su dilanti, bisando: "Señor, si Bo kier, Bo por hasimi bira limpi."
• Mateo 8:3 BSNP
  I Jesus a saka Su man i a mishi kuné, bisando: "Mi kier! Sea limpi!" I mesora el a keda limpi di su lepra.
• Mateo 8:4 BSNP
  I Jesus a bis'é: "Mira pa bo no konta ningun hende; ma bai, mustra bo mes na e saserdote, i presentá e ofrenda ku Moisés a ordená, komo un testimonio pa nan."
• Mateo 8:6 BSNP
  bisando: "Señor, mi sirbidó ta drumí paralisá na kas, i e tin hopi doló."
• Mateo 8:7 BSNP
  I El a bis'é: "Lo Mi bin kur'é."
• Mateo 8:8 BSNP
  Ma e senturión a kontestá i a bisa: "Señor, mi no ta digno pa Bo bin bou di mi dak, ma djis papia un palabra, i mi sirbidó lo ta kurá.
• Mateo 8:9 BSNP
  Pasobra ami tambe ta un hòmber bou di outoridat, ku sòldá bou di mi mando; i mi ta bisa esun aki: 'Bai!' i e ta bai, i esun aya: 'Bin!' i e ta bin; i mi esklabu: 'Hasi esaki!' i e ta hasié."