H7043

Uso den versíkulo

• 1 Samuel 6:5 BSNP
  Asina boso mester traha modelo di boso tumornan i modelo di boso ratonnan ku ta destruí e tera, i boso mester duna gloria na e Dios di Israel; podisé E lo slèk Su man for di riba boso, boso diosnan i boso tera.
• 1 Samuel 17:43 BSNP
  I e filisteo a bisa David: "Ta kachó mi ta, ku bo ta bin ku palu riba mi?" I e filisteo a maldishoná David den e nòmber di su diosnan.
• 1 Samuel 18:23 BSNP
  Asina Saul su sirbidónan a papia e palabranan aki ku David. Ma David a bisa: "Boso ta kere ku t'asina-asina ta bira yerno di rei, siendo ku ami ta un hòmber pober i insignifikante?"
• 2 Samuel 1:23 BSNP
  "Saul i Jonatan, stimá i amabel durante di nan bida, i den nan morto nan no a wòrdu separá; nan tabata mas lihé ku águila, nan tabata mas fuerte ku leon.
• 2 Samuel 6:22 BSNP
  I lo mi ta mas despresiá ainda ku esaki i lo mi ta umilde den mi mes bista; ma serka e kriánan di kendenan bo a papia, serka nan lo mi ta distinguí."
• 2 Samuel 16:5 BSNP
  Ora rei David a yega Bahurim, ata, a sali for di einan un hòmber di famia di e kas di Saul, kende su nòmber tabata Simei, yu hòmber di Gera; el a sali ta maldishoná kontinuamente segun ku e tabata bin.
• 2 Samuel 16:7 BSNP
  I asina Simei a bisa ora ku e tabata maldishoná: "Bai, bai, abo hòmber dramadó di sanger, hòmber pèrvèrso!
• 2 Samuel 16:9 BSNP
  E ora ei Abisai, yu hòmber di Sarvia, a bisa rei: "Pakiko e kachó morto aki ta maldishoná señor mi rei? Lagami bai na e otro banda awor i kita su kabes afó."
• 2 Samuel 16:10 BSNP
  Ma rei a bisa: "Kiko mi tin di hasi ku boso, O yu hòmbernan di Sarvia? Si e maldishoná, i si SEÑOR a bis'é: 'Maldishoná David,' e ora ei ken por bisa: 'Pakiko bo a hasi esei?'"
• 2 Samuel 16:11 BSNP
  E ora ei David a bisa Abisai i tur su sirbidónan: "Mira, mi yu hòmber ku a sali for di mi ta buskami pa mata; awor kuantu mas e benjaminita aki? Lagu'é pa su kuenta i lagu'é maldishoná, pasobra ta SEÑOR a bis'é.
• 2 Samuel 16:13 BSNP
  Asina David i su hòmbernan a sigui nan kaminda; i Simei a bai ku nan riba e subida di seru den e mesun direkshon ku David, i segun ku e tabata bai e tabata maldishoná i tira piedra, i manda tera riba djé.
• 2 Samuel 19:21 BSNP
  Ma Abisai, yu hòmber di Sarvia, a kontestá i a bisa: "Simei no mester wòrdu matá pa esaki, pasobra el a maldishoná SEÑOR Su ungí?"
• 2 Samuel 19:43 BSNP
  Ma e hòmbernan di Israel a kontestá e hòmbernan di Juda i a bisa: "Nos tin dies parti den rei, pesei tambe nos tin mas derecho riba David ku boso. Pakiko boso a trata nos ku menospresio anto? No ta nos a konsehá promé pa trese nos rei bèk?" Tòg e palabranan di e hòmbernan di Juda tabata mas duru ku e palabranan di e hòmbernan di Israel.
• 1 Reinan 2:8 BSNP
  "I mira, Simei, yu hòmber di Gera e benjaminita di Bahurim, ta huntu ku bo. Awor ta é ta esun ku a maldishonámi ku un maldishon pisá riba e dia ku mi a bai Mahanaim. Ma tempu ku el a baha bin serka mi na Jordan, mi a hur'é pa SEÑOR, bisando: 'Lo mi no matabo ku spada.'
• 1 Reinan 12:4 BSNP
  "Bo tata a hasi nos yugo pisá; pesei anto, hasi e trabou duru di bo tata i su yugo pisá ku el a pone riba nos mas lihé, i nos lo sirbibo."
• 1 Reinan 12:9 BSNP
  Asina el a bisa nan: "Ki konseho boso ta duna pa nos kontestá e pueblo aki ku a papia ku mi, bisando: 'Hasi e yugo ku bo tata a pone riba nos mas lihé'?"
• 1 Reinan 12:10 BSNP
  I e hobennan ku a lanta huntu kuné a papia kuné, bisando: "Asina bo mester bisa e pueblo aki ku a papia ku bo, bisando: 'Bo tata a hasi nos yugo pisá, awor abo hasié mas lihé pa nos!' Ma bo mester bisa nan: 'Mi dede chikitu ta mas diki ku mi tata su lomo!
• 1 Reinan 16:31 BSNP
  I a sosodé ku no solamente el a konsiderá komo algu gewon pa kana den e pikánan di Jeroboam, yu hòmber di Nabat, ma pa kolmo el a kasa ku Jezabel, yu muhé di Et-baal, rei di e sidonionan, i a bai sirbi Baal i a ador'é.
• 2 Reinan 2:24 BSNP
  Ora ku el a bira wak i a mira nan, el a maldishoná nan den e nòmber di SEÑOR. E ora ei dos ber muhé a sali for di e mondinan i a habraká kuarent'i dos di e mucha hòmbernan.
• 2 Reinan 3:18 BSNP
  I esaki ta un kos chikitu asina den bista di SEÑOR; E lo entregá e moabitanan tambe den boso man.