H7458

Verse usage

• Ruth 1:1 BSNP
  Awor a sosodé ku den e dianan ku e huesnan tabata goberná, tabatin hamber den e tera. I un hòmber di Bètlehèm na Juda a bai pa keda biba pa un tempu na tera di Moab ku su esposa i su dos yu hòmbernan.
• 2 Samuel 21:1 BSNP
  Awor den e dianan di David tabatin un tempu di hamber ku a dura tres aña konsekutivo; i David a buska e presensia di SEÑOR. I SEÑOR a bisa: "Ta pa motibu di Saul i e kulpa di sanger ku ta riba e kas di Saul, pasobra el a mata e gabaonitanan."
• 2 Samuel 24:13 BSNP
  Asina Gad a bin serka David i a bis'é: "Mester bin shete aña di hamber riba bo na bo tera? Of bo kier hui tres luna dilanti di bo enemigunan, mientras ku nan ta pèrsiguíbo? Of mester tin tres dia di pestilensia den bo tera? Awor pensa bon i mira ki kontesta mi mester hiba pa Esun ku a mandami."
• 1 Reinan 8:37 BSNP
  "Ora tin hamber den e tera, òf pestilensia, pispis òf beskem, tirakochi brùin òf tirakochi bèrdè; ora nan enemigu rondoná nan den e tera di nan statnan; kualke plaga òf kualke malesa ku sea;
• 1 Reinan 18:2 BSNP
  Asina Elias a bai presentá su mes na Akab. Awor e hamber na Samaria tabata severo.
• 2 Reinan 4:38 BSNP
  Ora ku Eliseo a bolbe Gilgal, tabatin un hamber na e tera. Mientras ku e yu hòmbernan di e profetanan tabata sintá su dilanti, el a bisa su sirbidó: "Pone e wea grandi na kandela i kushiná stobá pa e yu hòmbernan di e profetanan."
• 2 Reinan 6:25 BSNP
  I tabatin un hamber pisá na Samaria; i mira, nan a rondon'é te ora ku un kabes di buriku tabata wòrdu bendí pa ochenta siklo di plata, i un kuartu pinchi di mèst di palomba pa sinku siklo di plata.
• 2 Reinan 7:4 BSNP
  Si nos bisa: 'Nos ta bai den stat,' anto ayanan den stat tin hamber i ayanan nos lo muri; i si nos keda sinta aki, tambe nos lo muri. Pesei anto ban, laga nos pasa ofer pa e kampamentu di e sirionan. Si nan spar nos bida, nos lo biba; i si nan mata nos, nos lo muri numa."
• 2 Reinan 8:1 BSNP
  Awor Eliseo a papia ku e muhé, kende su yu hòmber el a hasi biba atrobe, bisando: "Lanta i bai ku e hendenan di bo kas, i keda biba pa un tempu kaminda bo por, pasobra SEÑOR a ordená un hamber, i esaki lo bin riba e tera pa shete aña."
• 2 Reinan 25:3 BSNP
  Riba e di nuebe dia di e di kuater luna e hamber a bira asina pisá den e stat, ku no tabatin kuminda pa e hendenan di e tera.
• 1 Kronikonan 21:12 BSNP
  sea tres aña di hamber, òf tres luna di hui dilanti di bo enemigunan, mientras ku spada di bo enemigunan ta alkansábo, òf tres dia di spada di SEÑOR, esta, pestilensia den e tera, i e angel di SEÑOR tresiendo destrukshon den henter e teritorio di Israel.' Pesei anto, pensa bon ki kontesta mi mester hiba pa Esun ku a mandami."
• 2 Kronikonan 6:28 BSNP
  "Ora tin hamber den e tera, òf pestilensia, pispis òf beskem, tirakochi brùin òf tirakochi bèrdè; ora nan enemigunan rondoná nan den e tera di nan statnan; kualke plaga òf kualke malesa ku sea;
• 2 Kronikonan 20:9 BSNP
  'Si maldat bin riba nos, òf spada, òf huisio, òf pestilensia, òf hamber, nos lo para dilanti di e kas aki i dilanti di Bo (pasobra Bo nòmber ta den e kas aki), i sklama na Bo den nos angustia, i Abo lo tende i libra nos.'
• 2 Kronikonan 32:11 BSNP
  No ta gaña Ezekias ta gaña boso, pa laga boso muri di hamber i di set, bisando: "SEÑOR nos Dios lo libra nos for di man di rei di Asiria"?
• Nehemias 5:3 BSNP
  I tabatin otronan ku tabata bisa: "Nos a hipoteká nos terenonan, nos kunukunan di wendrùif i nos kasnan pa nos haña mainshi pa motibu di e hamber."
• Nehemias 9:15 BSNP
  Pan for di shelu Bo a proveé pa nan pa sasia nan hamber, i awa for di un baranka Bo a saka pa nan pa nan set, i Bo a bisa nan drenta pa poderá di e tera ku Bo a hura di duna nan.
• Job 5:20 BSNP
  Den tempu di hamber E lo redimíbo for di morto, i den tempu di guera for di e poder di spada.
• Salmonan 33:19 BSNP
  pa libra nan alma for di morto, i pa tene nan na bida den tempu di hamber.
• Salmonan 105:16 BSNP
  I El a manda un hamber riba tera; El a kibra henter e provishon di pan.
• Isaias 5:13 BSNP
  Pesei Mi pueblo ta bai den eksilio pa motibu di nan falta di konosementu; nan hòmbernan onorabel ta muri hamber, i nan multitut ta padesé di set.