H7457

Verse usage

• 1 Samuel 2:5 BSNP
  Esnan ku tabata barika yen ta hür nan mes pa pan, ma esnan ku tabatin hamber no tin hamber mas. Asta esun steril ta duna lus na shete yu, ma esun ku tin hopi yu ta debilitá.
• 2 Samuel 17:29 BSNP
  miel, lechi kuahá, karné, i keshi di lechi di baka, pa David i pa e pueblo ku tabata huntu kuné, pa nan kome; pasobra nan a bisa: "E pueblo tin hamber i ta morto kansá i tin set den desierto."
• 2 Reinan 7:12 BSNP
  E ora ei rei a lanta den anochi i a bisa su sirbidónan: "Awor mi ta bai konta boso kiko e sirionan a hasi ku nos. Nan sa ku nos tin hamber; pesei nan a sali for di e kampamentu pa bai skonde den kunuku, bisando: 'Ora nan sali for di stat, nos lo kapturá nan bibu i drenta den e stat.'"
• Job 5:5 BSNP
  Esnan ku tin hamber ta kome su kosecha, i asta ta saka esei for di meimei di sumpiña, i e hendenan ku set ta anhelá na nan rikesa.
• Job 18:12 BSNP
  Su forsa a kaba pa kousa di hamber, i kalamidat ta pará kla banda di djé.
• Job 22:7 BSNP
  Esun ku ta kansá bo no a duna awa pa bebe, i esun ku tin hamber bo a nenga pan.
• Job 24:10 BSNP
  Nan ta laga nan kana rònt sunú, sin paña. I nan ta kita e bohínan for di esnan ku tin hamber.
• Salmonan 107:5 BSNP
  Yen di hamber i set nan alma a desmayá den nan.
• Salmonan 107:9 BSNP
  Pasobra E ta satisfasé e alma ku tin set, i e alma ku tin hamber E ta yena ku loke ta bon.
• Salmonan 107:36 BSNP
  I ayanan E ta duna esnan ku tin hamber lugá pa biba aden, pa nan por stablesé un stat habitá,
• Salmonan 146:7 BSNP
  Kende ta ehekutá hustisia pa e oprimínan; Kende ta duna pan na esnan ku tin hamber. SEÑOR ta pone e prezonan den libertat;
• Proverbionan 25:21 BSNP
  Si bo enemigu tin hamber, dun'é pan pa kome, i si e tin set, dun'é awa pa bebe;
• Proverbionan 27:7 BSNP
  Un hende barika yen ta despresiá miel, ma pa un hende ku tin hamber tur kos marga ta smak dushi.
• Isaias 8:21 BSNP
  I nan lo pasa dor di e tera ku angustia i hamber. I lo sosodé ku ora nan tin hamber, nan lo ta furioso; i mirando ariba, nan lo maldishoná nan rei i nan Dios.
• Isaias 29:8 BSNP
  I lo ta manera ora ku un hende ku hamber ta soña ku e ta kome, ma ora ku e spièrta, su stoma ta bashí; òf manera ora ku un hende ku set ta soña ku e ta bebe, ma ora ku e spièrta, at'el a keda morchá i su set no a kita. Asina e multitut di tur e nashonnan lo ta, ku ta bringa kontra Seru Sion.
• Isaias 32:6 BSNP
  Pasobra un bobo ta papia ko'i loko, i su kurason ta inkliná na maldat, pa kometé impiedat i pa plama eror tokante di SEÑOR, pa no satisfasé e hende ku tin hamber, i pa nenga di duna awa pa bebe na esun ku tin set.
• Isaias 58:7 BSNP
  No ta pa parti bo pan ku esun ku tin hamber, i pa trese e pobernan, ku no tin kas, den bo kas; pa ora bo mira un hende sunú, bo bistié, i pa no bira lomba pa bo mes famia?
• Isaias 58:10 BSNP
  i si bo pone bo mes disponibel pa yuda esnan ku tin hamber, i satisfasé e deseo di esnan afligí, e ora ei bo lus lo sali den skuridat, i bo tiniebla lo bira manera mèrdia.
• Ezikiel 18:7 BSNP
  si un hende no ta oprimí ningun otro hende, ma ta debolbé e debedó su garantia ku el a duna, no ta kometé ladronisia, ma ta duna su pan na esnan ku tin hamber i ta kubri esun ku ta sunú ku paña,
• Ezikiel 18:16 BSNP
  ni ta oprimí ningun hende, ni ta keda ku garantia, ni ta kometé ladronisia, ma ta duna su pan na esun ku tin hamber i ta kubri esun ku ta sunú ku paña.