H7223

Verse usage

• 2 Kronikonan 29:17 BSNP
  Awor nan a kuminsá e konsagrashon riba e promé dia di e promé luna, i riba e di ocho dia di luna nan a drenta e veranda di SEÑOR. Anto nan a konsagrá e kas di SEÑOR den ocho dia, i a kaba riba e di dieseis dia di e promé luna.
• 2 Kronikonan 35:1 BSNP
  Despues Josias a selebrá Pasku na SEÑOR na Jerusalèm, i nan a mata e bestianan di Pasku riba e di dieskuater dia di e promé luna.
• 2 Kronikonan 35:27 BSNP
  i su echonan, for di promé te delaster, mira, nan ta pará skirbí den e Buki di reinan di Israel i Juda.
• Esdras 3:12 BSNP
  Ma hopi di e saserdotenan, levitanan i kabesnan di e kasnan di e tatanan, e ansianonan ku a mira e promé tèmpel, a yora na bos haltu ora fundeshi di e kas aki a wòrdu poní dilanti di nan bista, mientras ku hopi tabata grita duru di goso,
• Esdras 6:19 BSNP
  I e eksiliadonan a selebrá Pasku riba e di dieskuater dia di e promé luna.
• Esdras 7:9 BSNP
  Pasobra riba e promé dia di e promé luna el a kuminsá e biahe for di Babilonia; i riba e promé dia di e di sinku luna el a yega Jerusalèm, pasobra e bon man di su Dios tabata riba djé.
• Esdras 8:31 BSNP
  Despues nos a biaha di Riu Ahava riba e di diesdos dia di e promé luna pa bai Jerusalèm; i e man di nos Dios tabata riba nos, i El a libra nos for di man di e enemigu i di e atrakadónan na kaminda.
• Esdras 9:2 BSNP
  Pasobra nan a tuma algun di nan yu muhénan komo esposa pa nan mes i pa nan yu hòmbernan, asina ku e rasa santu a meskla ku e pueblonan di e teranan; di bèrdat, e mannan di e prensnan i e gobernantenan tabata esnan di promé pa hasi e infieldat aki."
• Esdras 10:17 BSNP
  I e promé dia di e promé luna nan a kaba di investigá tur e hòmbernan ku a kasa ku muhénan stranhero.
• Nehemias 5:15 BSNP
  Ma e gobernadónan di antes, ku tabata promé ku mi, a pone karga riba e pueblo, i nan a tuma pan i biña for di nan, fuera di kuarenta siklo di plata. Asta nan sirbidónan tabata dominá e pueblo. Ma ami no a hasi asina, pa motibu di e temor di Dios.
• Nehemias 7:5 BSNP
  E ora ei mi Dios a pone den mi kurason pa reuní e nobelnan, e ofisialnan i e pueblo, pa inskribí nan segun genealogianan. Anto mi a haña e buki di genealogia di esnan ku a bin promé, i den djé mi a haña e siguiente registro:
• Nehemias 8:18 BSNP
  I tur dia e tabata lesa for di e buki di e lei di Dios, for di e promé dia te na e último dia. I nan a selebrá e fiesta shete dia largu. I riba e di ocho dia tabatin un reunion solèm di akuèrdo ku e ordenansa.
• Ester 1:14 BSNP
  i ku tabata hopi yegá na djé: Karsena, Setar, Admata, Tarsis, Meres, Marsena i Memukan, e shete prensnan di Persia i Media, kendenan tabatin entrada serka rei i ku tabata okupá e promé lugá den reino.
• Ester 3:7 BSNP
  Den e promé luna, ku ta luna di Nisan, den e di diesdos aña di rei Asuero, Pur, esta, lòt, a wòrdu tirá dilanti di Haman, pa kada dia i pa kada luna, te na e di diesdos luna, esta, luna di Adar.
• Ester 3:12 BSNP
  E ora ei e eskribanan di rei a wòrdu yamá riba e di diestres dia di e promé luna, i a wòrdu skirbí na e sátrapanan di rei, na e gobernadónan ku tabata riba kada provinsia i na e prensnan di kada pueblo, manera Haman a ordená, kada provinsia segun su moda di skirbi i kada pueblo segun su idioma. Esaki a wòrdu skirbí den nòmber di rei Asuero i seyá ku e renchi di seyo di rei.
• Job 8:8 BSNP
  "Pa fabor, informá tokante di e generashonnan ku a pasa, i konsiderá e kosnan ku nan tatanan a investigá.
• Job 15:7 BSNP
  "Ta abo ta e promé hende ku a nase? Of bo a wòrdu trahá promé ku e serunan?
• Salmonan 79:8 BSNP
  No rekòrdá e inikidatnan di nos antepasadonan; laga Bo kompashon bin pronto na nos enkuentro, pasobra nos ta hopi abatí.
• Salmonan 89:49 BSNP
  O Señor, unda Bo miserikòrdianan di antes ta, ku Bo a hura na David den Bo fieldat?
• Proverbionan 18:17 BSNP
  Esun ku ta promé pa pleita su kaso ta parse hustu, te ora ku un otro bin interogu'é.