H7084

Uso den versíkulo

• Yozue 15:44 BSNP
  Keila, Akzib i Maresa; nuebe stat ku nan pueblitonan.
• 1 Samuel 23:1 BSNP
  E ora ei nan a konta David, bisando: "Mira, e filisteonan ta bringa kontra Keila, i nan ta plùnder e plenchinan-di-bati-mainshi."
• 1 Samuel 23:2 BSNP
  Asina David a konsultá ku SEÑOR, bisando: "Mi mester bai ataká e filisteonan aki?" I SEÑOR a bisa David: "Bai, ataká e filisteonan i libra Keila."
• 1 Samuel 23:3 BSNP
  Ma David su hòmbernan a bis'é: "Mira, aki na Juda mes nos tin miedu. Kuantu mas anto si nos bai Keila kontra e trupanan di e filisteonan!"
• 1 Samuel 23:4 BSNP
  E ora ei David a konsultá ku SEÑOR un biaha mas. I SEÑOR a kontest'é i a bisa: "Lanta, baha bai Keila, pasobra lo Mi entregá e filisteonan den bo man."
• 1 Samuel 23:5 BSNP
  Pesei David ku su hòmbernan a bai Keila i a bringa kontra e filisteonan; i el a bai ku nan bestianan di kria i a kousa un gran matansa den nan. Asina David a libra e habitantenan di Keila.
• 1 Samuel 23:6 BSNP
  Awor a sosodé ku ora Abiatar, yu hòmber di Ahimelek, a hui bai serka David na Keila, el a baha bin ku un efòd den su man.
• 1 Samuel 23:7 BSNP
  Ora nan a bisa Saul ku David a bin Keila, Saul a bisa: "Dios a entregu'é den mi man, pasobra dor di drenta un stat ku dòbel porta i ku bara el a sera su kurpa aden."
• 1 Samuel 23:8 BSNP
  Pesei Saul a manda yama henter e pueblo pa bai guera, pa baha bai Keila pa rondoná David ku su hòmbernan.
• 1 Samuel 23:10 BSNP
  E ora ei David a bisa: "O SEÑOR Dios di Israel, Bo sirbidó a tende ku sigur-sigur Saul ta trata di bin Keila pa destruí e stat pa mi motibu.
• 1 Samuel 23:11 BSNP
  E hendenan di Keila lo entregámi den su man? Saul lo baha bin manera Bo sirbidó a tende? O SEÑOR Dios di Israel, mi ta pidiBo, bisa Bo sirbidó." I SEÑOR a bisa: "E lo baha bin."
• 1 Samuel 23:12 BSNP
  E ora ei David a bisa: "E hendenan di Keila lo entregá ami ku mi hòmbernan den man di Saul?" I SEÑOR a bisa: "Nan lo entregá boso."
• 1 Samuel 23:13 BSNP
  Anto David ku su hòmbernan, mas o menos seis shen, a lanta i a sali bai for di Keila, i nan a bai di un lugá pa otro. Ora nan a konta Saul ku David a skapa for di Keila, el a stòp di pèrsiguí nan.
• 1 Kronikonan 4:19 BSNP
  I e yu hòmbernan di Hodias su esposa, ruman muhé di Naham, tabata tata di Keila e garmita, i Estemoa e maakatita.
• Nehemias 3:17 BSNP
  Despues di djé e levitanan a hasi reparashon bou di mando di Rehum, yu hòmber di Bani. Banda di djé Hasabias, ofisial di e mitar distrikto di Keila, a hasi reparashon pa su distrikto.
• Nehemias 3:18 BSNP
  Despues di djé nan ruman hòmbernan a hasi reparashon bou di mando di Bavai, yu hòmber di Henadad, ofisial di e otro mitar distrikto di Keila.