H7965

Uso den versíkulo

• Isaias 9:6 BSNP
  Pasobra un yu a nase pa nos, un yu hòmber ta duná na nos, i e gobernashon lo ta riba Su skouder. Su nòmber lo ta Konsehero Maraviyoso, Dios Poderoso, Tata Etèrno, Prens di Pas.
• Isaias 9:7 BSNP
  Lo no tin fin na e oumento di Su gobernashon i di pas, riba e trono di David i riba su reino, pa stablesé esaki i manten'é ku huisio i hustisia for di e tempu ei i pa semper. E zelo di e SEÑOR di ehérsitonan lo hasi esaki.
• Isaias 26:3 BSNP
  Lo Bo warda den pas perfekto esun ku su pensamentu ta permanesé den Bo, pasobra e ta konfia den Bo.
• Isaias 26:12 BSNP
  SEÑOR, lo Bo stablesé pas pa nos, pasobra Bo a hasi tur nos obranan pa nos.
• Isaias 27:5 BSNP
  Of lagu'é konfia riba Mi protekshon, lagu'é hasi pas ku Mi, lagu'é hasi pas ku Mi."
• Isaias 32:17 BSNP
  E fruta di hustisia lo ta pas, i e resultado di hustisia lo ta kietut i konfiansa pa semper.
• Isaias 32:18 BSNP
  E ora ei mi pueblo lo biba den un lugá kaminda pas ta reina, i den kasnan sigur i den lugánan kaminda tin sosiegu i trankilidat,
• Isaias 33:7 BSNP
  Mira, nan hòmbernan balente ta yora den kaya; e embahadornan di pas ta yora amárgamente.
• Isaias 38:17 BSNP
  Mira, tabata pa mi mes benefisio ku mi a sufri tantu amargura; ta Abo a warda mi alma for di e pos di destrukshon, pasobra Bo a tira tur mi pikánan tras di Bo lomba.
• Isaias 39:8 BSNP
  E ora ei Ezekias a bisa Isaias: "E palabra di SEÑOR ku bo a papia ta bon." Pasobra el a pensa: "Lo tin pas i bèrdat durante di mi dianan."
• Isaias 41:3 BSNP
  E ta pèrsiguí nan, i ta pasa trankil riba un kaminda ku su pianan no a pasa nunka.
• Isaias 45:7 BSNP
  Esun ku ta forma klaridat i ta krea skuridat, Esun ku ta trese prosperidat i ta krea kalamidat; Ami ta e SEÑOR ku ta hasi tur e kosnan aki.
• Isaias 48:18 BSNP
  Mara bo a pone atenshon na Mi mandamentunan! E ora ei bo pas lo tabata manera un riu, i bo hustisia manera ola di laman.
• Isaias 48:22 BSNP
  "No tin pas pa e malbadonan," SEÑOR ta bisa.
• Isaias 52:7 BSNP
  Ki bunita riba e serunan ta e pianan di esun ku ta trese bon nobo, ku ta anunsiá pas i ta trese bon nobo di felisidat, ku ta anunsiá salbashon i ku ta bisa Sion: "Bo Dios ta reina!"
• Isaias 53:5 BSNP
  Ma El a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.
• Isaias 54:10 BSNP
  Pasobra e serunan por wòrdu kitá i e seritunan por sakudí, ma Mi miserikòrdia lo no wòrdu kitá for di bo, i Mi aliansa di pas lo no wòrdu sakudí," e SEÑOR, Kende tin kompashon ku bo, ta bisa.
• Isaias 54:13 BSNP
  SEÑOR lo siña tur bo yu hòmbernan, i e prosperidat di bo yu hòmbernan lo ta grandi.
• Isaias 55:12 BSNP
  "Boso lo sali ku goso i lo wòrdu guiá den pas; e serunan i seritunan lo dal gritu di goso boso dilanti, i tur palu di kunuku lo bati man.
• Isaias 57:2 BSNP
  Esnan ku a kana e kaminda rekto ta drenta un pas; nan ta sosegá riba nan kama.