H7586

Verse usage

• 1 Samuel 18:1 BSNP
  Awor a sosodé ku despues ku David a kaba di papia ku Saul, alma di Jonatan a keda uní ku alma di David, i Jonatan tabata stima David manera su mes.
• 1 Samuel 18:2 BSNP
  I e dia ei Saul a ten'é i no a lagu'é bolbe kas di su tata.
• 1 Samuel 18:5 BSNP
  Asina David a sali bai tur kaminda ku Saul a mand'é, i e tabata prosperá; i Saul a nombr'é riba e hòmbernan di guera. I esaki tabata agradabel den bista di henter e pueblo i tambe den bista di Saul su sirbidónan.
• 1 Samuel 18:6 BSNP
  I a sosodé ku ora nan tabata bin, despues ku David a kaba di mata e filisteo, e muhénan a sali for di tur e statnan di Israel pa kontra rei Saul bou di kantamentu i baliamentu, ku tamburein, ku goso i ku instrumènt di muzik.
• 1 Samuel 18:7 BSNP
  I e muhénan tabata kanta segun ku nan tabata toka i tabata bisa: "Saul a mata su milnan, i David su dies milnan."
• 1 Samuel 18:8 BSNP
  E ora ei Saul a rabia mashá, pasobra e palabranan aki a desagrad'é, i el a bisa: "Na David nan a atribuí dies milnan, ma na mi nan a atribuí milnan. Ta e reino so falta awor pa e haña!"
• 1 Samuel 18:9 BSNP
  I for di e dia ei Saul tabata wak David ku deskonfiansa.
• 1 Samuel 18:10 BSNP
  Awor a sosodé ku su manisé un spiritu malu for di Dios a poderá di Saul, i e tabata komportá su mes den kas manera hende razu, mientras ku David tabata toka arpa ku su man, manera kustumber; i Saul tabatin un lansa den su man.
• 1 Samuel 18:11 BSNP
  I Saul a tira e lansa, pasobra el a pensa: "Mi ta bai pega David na muraya." Ma David a skapa for di su presensia dos biaha.
• 1 Samuel 18:12 BSNP
  Awor Saul tabatin miedu di David, pasobra SEÑOR tabata kuné, ma El a bai for di Saul.
• 1 Samuel 18:13 BSNP
  Pesei Saul a kita David for di su presensia i a nombr'é komo su komandante di mil; i David tabata sali i drenta dilanti di e pueblo.
• 1 Samuel 18:15 BSNP
  Ora Saul a mira ku e tabata prosperá grandemente, el a haña miedu di djé.
• 1 Samuel 18:17 BSNP
  E ora ei Saul a bisa David: "At'aki mi yu muhé mayó Merab; lo mi dunabo é komo esposa; solamente, sea un hòmber balente pa mi i bringa e batayanan di SEÑOR." Pasobra Saul a pensa: "Mi man lo no ta kontra djé, ma laga man di e filisteonan ta kontra djé."
• 1 Samuel 18:18 BSNP
  Ma David a bisa Saul: "Ta ken mi ta, i ta kiko mi bida òf mi tata su famia ta den Israel, pa mi ta rei su yerno?"
• 1 Samuel 18:19 BSNP
  Asina a sosodé ku ora a yega e tempu ku Merab, Saul su yu muhé, mester a wòrdu duná na David, el a wòrdu duná na Adriel e meholatita komo esposa.
• 1 Samuel 18:20 BSNP
  Awor Mikal, Saul su yu muhé, a namorá di David. Ora nan a konta Saul esaki, e asunto a agrad'é.
• 1 Samuel 18:21 BSNP
  I Saul a pensa: "Lo mi dun'é na David pa e bira un trampa p'é, i pa man di e filisteonan ta kontra djé." Pesei Saul a bisa David: "Pa di dos biaha bo por bira mi yerno awe."
• 1 Samuel 18:22 BSNP
  E ora ei Saul a ordená su sirbidónan: "Papia ku David na sekreto, bisando: 'Mira, rei tin delisia den bo, i tur su sirbidónan ta stimabo; pesei awor, bira rei su yerno.'"
• 1 Samuel 18:23 BSNP
  Asina Saul su sirbidónan a papia e palabranan aki ku David. Ma David a bisa: "Boso ta kere ku t'asina-asina ta bira yerno di rei, siendo ku ami ta un hòmber pober i insignifikante?"
• 1 Samuel 18:24 BSNP
  I e sirbidónan di Saul a hiba rospondi p'é, konforme e palabranan aki ku David a papia.