H7495

Uso den versíkulo

• 2 Kronikonan 7:14 BSNP
  si Mi pueblo ku ta wòrdu yamá na Mi nòmber umiyá nan mes i hasi orashon, i buska Mi kara i bira for di nan mal kamindanan, e ora ei lo Mi tende for di shelu, i lo pordoná nan piká i kura nan tera.
• 2 Kronikonan 16:12 BSNP
  I den e di trint'i nuebe aña di su reinado, Asa a bira malu na su pianan. Su malesa tabata masha grave mes, ma asta den su malesa e no a buska SEÑOR, sino dòkternan.
• 2 Kronikonan 22:6 BSNP
  Asina el a bin bèk na Jezreel, pa kura di e heridanan ku nan a kous'é na Ramot, ora ku el a bringa kontra Hazael, rei di Siria. I Okozias, yu hòmber di Joram, rei di Juda, a bai Jezreel pa bishitá Joram, yu hòmber di Akab, pasobra e tabata malu.
• 2 Kronikonan 30:20 BSNP
  Asina SEÑOR a tende Ezekias i a kura e pueblo.
• Job 5:18 BSNP
  Pasobra E ta kousa doló i E ta duna alivio; E ta heridá i Su man ta kura.
• Job 13:4 BSNP
  Ma boso ta tapa e bèrdat ku boso mentiranan; boso tur ta dòkternan ku no bal nada.
• Salmonan 6:2 BSNP
  Tene miserikòrdia di mi, O SEÑOR, pasobra poko-poko mi bida ta kabando; kurami, O SEÑOR, pasobra mi wesunan ta desmayá.
• Salmonan 30:2 BSNP
  O SEÑOR, mi Dios, mi a sklama na Bo pa yudansa, i Bo a kurami.
• Salmonan 41:4 BSNP
  Ma pa loke t'ami, mi a bisa: "O SEÑOR, tene miserikòrdia di mi; kura mi alma, pasobra mi a peka kontra Bo."
• Salmonan 60:2 BSNP
  Bo a hasi tera tembla, Bo a spleit é habri; kura su kibránan, pasobra e ta sakudí.
• Salmonan 103:3 BSNP
  Kende ta pordoná tur bo inikidatnan; Kende ta kura tur bo malesanan;
• Salmonan 107:20 BSNP
  El a manda Su palabra i a kura nan, i a libra nan for di nan destrukshonnan.
• Salmonan 147:3 BSNP
  E ta kura esnan di kurason kibrá, i ta mara nan heridanan.
• Predikador 3:3 BSNP
  un tempu pa mata i un tempu pa kura, un tempu pa bash'abou i un tempu pa rekonstruí,
• Isaias 6:10 BSNP
  Hasi kurason di e pueblo aki insensitivo, hasi nan orea sordo i nan wowo skur, pa nan no mira ku nan wowo, tende ku nan orea, komprendé ku nan kurason, i repentí i wòrdu kurá."
• Isaias 19:22 BSNP
  I SEÑOR lo suta Egipto; E lo suta i kura nan. Asina nan lo bolbe serka SEÑOR i E lo tende nan i lo kura nan.
• Isaias 30:26 BSNP
  I lus di luna lo ta manera lus di solo, i lus di solo lo ta shete bes mas kla, manera lus di shete dia, den e dia ku SEÑOR mara e fraktura di Su pueblo i kura e herida ku El a kousa.
• Isaias 53:5 BSNP
  Ma El a wòrdu traspasá pa nos transgreshonnan, El a wòrdu gòlpiá pa nos inikidatnan; e kastigu ku a trese pas pa nos tabata riba djE, i pa medio di Su heridanan nos ta kurá.
• Isaias 57:18 BSNP
  Mi a mira su kondukta, ma lo Mi kur'é; lo Mi gui'é i bolbe duna konsuelo, tantu na djé komo na su yoradónan.
• Isaias 57:19 BSNP
  Mi ta krea e fruta di lepnan. Pas, pas pa esun ku ta leu i pa esun ku ta serka, i lo Mi kur'é," SEÑOR ta bisa.