H727

Uso den versíkulo

• 2 Samuel 6:10 BSNP
  I David no tabata dispuesto pa hiba e arka di SEÑOR serka djé den e stat di David; ma David a hib'é na e kas di Obed-edòm e geteo.
• 2 Samuel 6:11 BSNP
  Asina e arka di Dios a keda na e kas di Obed-edòm e geteo pa tres luna, i SEÑOR a bendishoná Obed-edòm i tur e hendenan di su kas.
• 2 Samuel 6:12 BSNP
  Awor nan a konta rei David, bisando: "SEÑOR a bendishoná e kas di Obed-edòm i tur loke ta pertenesé na djé, pa motibu di e arka di Dios." I David a bai i a trese e arka di Dios ku alegria for di e kas di Obed-edòm den e stat di David.
• 2 Samuel 6:13 BSNP
  I asina a sosodé ku despues ku e kargadónan di e arka di SEÑOR a dal seis stap, David a ofresé komo sakrifisio un buey i un karné gòrdá.
• 2 Samuel 6:15 BSNP
  Asina David i henter e kas di Israel tabata trese e arka di SEÑOR ku gritu i ku zonidu di tròmpèt.
• 2 Samuel 6:16 BSNP
  Anto a sosodé ku ora ku e arka di SEÑOR a yega den e stat di David, Mikal, yu muhé di Saul, a wak for di bentana i a mira rei David ta bula i ta balia dilanti di SEÑOR; i el a despresi'é den su kurason.
• 2 Samuel 6:17 BSNP
  Asina nan a trese e arka di SEÑOR paden i a pon'é na su lugá den e tènt ku David a lanta p'é; i David a ofresé ofrendanan kimá i ofrendanan di pas dilanti di SEÑOR.
• 2 Samuel 7:2 BSNP
  ku rei a bisa profeta Natan: "Mira aki, ami ta biba den un kas di palu di seda, ma e arka di Dios ta keda meimei di kortinanan di tènt."
• 2 Samuel 11:11 BSNP
  I Urias a bisa David: "E arka, Israel i Juda ta keda den tèntnan, i mi señor Joab i e sirbidónan di mi señor ta kampa pafó den sabana. Anto ami mester bai mi kas pa kome i bebe, i pa drumi ku mi esposa? Pa bo bida, i bida di bo alma, lo mi no hasi e kos aki."
• 2 Samuel 15:24 BSNP
  Awor mira, Zadok tambe a bin, i tur e levitanan huntu kuné, kargando e arka di e aliansa di Dios. I nan a pone e arka di Dios abou, i Abiatar a bin para te ora tur e hendenan a kaba di pasa for di e stat.
• 2 Samuel 15:25 BSNP
  I rei a bisa Zadok: "Hiba e arka di Dios bèk den stat. Si mi haña grasia den e bista di SEÑOR, e ora ei E lo tresemi bèk atrobe, i mustrami tantu e arka komo Su lugá di biba.
• 2 Samuel 15:29 BSNP
  Pesei Zadok i Abiatar a hiba e arka di Dios bèk na Jerusalèm i a keda ayanan.
• 1 Reinan 2:26 BSNP
  I na saserdote Abiatar rei a bisa: "Bai Anatot, na bo mes kunuku, pasobra bo meresé morto; ma lo mi no matabo awor aki, pasobra bo a karga e arka di Señor DIOS dilanti di mi tata David, i pasobra bo a wòrdu afligí den tur kos den kual mi tata a wòrdu afligí."
• 1 Reinan 3:15 BSNP
  E ora ei Salomon a spièrta, i mira, tabata un soño. I el a bin Jerusalèm i a bai para dilanti di e arka di e aliansa di SEÑOR i a ofresé ofrendanan kimá i a hasi ofrendanan di pas, i a hasi un fiesta pa tur su sirbidónan.
• 1 Reinan 6:19 BSNP
  E ora ei el a prepará un santuario paden den e kas, pa pone e arka di e aliansa di SEÑOR ayanan.
• 1 Reinan 8:1 BSNP
  E ora ei Salomon a reuní e ansianonan di Israel i tur e kabesantenan di e tribunan, e lidernan di e kasnan di e tatanan di e yunan di Israel, serka rei Salomon na Jerusalèm, pa trese e arka di e aliansa di SEÑOR for di e stat di David, ku ta Sion.
• 1 Reinan 8:3 BSNP
  E ora ei tur e ansianonan di Israel a bin, i e saserdotenan a hisa e arka.
• 1 Reinan 8:4 BSNP
  I nan a trese e arka di SEÑOR, e tènt di reunion i tur e artíkulonan-di-uzo santu, ku tabatin den e tènt; i esakinan e saserdotenan i e levitanan a trese.
• 1 Reinan 8:5 BSNP
  Anto rei Salomon i henter e kongregashon di Israel, ku a reuní serka djé, tabata huntu kuné dilanti di e arka, i nan tabata ofresé komo sakrifisio asina tantu karné i buey ku nan no por a wòrdu kontá ni numerá.
• 1 Reinan 8:6 BSNP
  E ora ei e saserdotenan a hiba e arka di e aliansa di SEÑOR na su lugá den e santuario paden di e kas, na e lugá santísimo, bou di e halanan di e kerubinnan.