Search the Bible

Nahum 1; Nahum 2; Nahum 3 BSNP Edit

Nahum 1

1:1 E profesia di Nínive. E buki di e vishon di Nahum di Elkos.

1:2 SEÑOR ta un Dios yalurs, i E ta tuma vengansa; SEÑOR ta tuma vengansa i ta yen di furia. SEÑOR ta tuma vengansa riba Su atversarionan, i E ta mantené furia kontra Su enemigunan.

1:3 SEÑOR no ta rabia lihé i ta grandi den poder, i SEÑOR di ningun manera lo no laga e kulpabel sin kastigu. SEÑOR tin Su kaminda den warwarú i tempestat, i nubianan ta e stòf bou di Su pianan.

1:4 E ta reprendé laman i ta hasié seku; E ta hasi tur e riunan bira seku. Basan i Karmelo ta marchitá; e flornan di Líbano ta marchitá.

1:5 Serunan ta tembla pa Su motibu, i e seritunan ta dirti; di bèrdat, tera ta bòlter den Su presensia, mundu i tur e habitantenan den djé.

1:6 Ken por para dilanti di Su indignashon? Ken por soportá e ardor di Su rabia? Su furia ta wòrdu bashá manera kandela, i e barankanan ta wòrdu kibrá na pida-pida Su dilanti.

1:7 SEÑOR ta bon, un lugá fortifiká den e dia di angustia, i E konosé esnan ku ta tuma refugio den djE.

1:8 Ma ku un diluvio grandi E lo kaba ku su lugá kompletamente, i lo pèrsiguí Su enemigunan te den skuridat.

1:9 Kiko ku bo plania kontra SEÑOR, E lo kaba kuné kompletamente. Angustia lo no lanta dos biaha.

1:10 Manera sumpiña tur bruhá den otro, i manera esnan ku ta burachi di nan bibida, nan lo wòrdu devorá manera palu seku di mainshi.

1:11 For di bo a sali un ku a plania maldat kontra SEÑOR, un konsehero malbado.

1:12 Asina SEÑOR ta bisa: "Maske nan ta yen di forsa i asina hopi, tòg nan lo wòrdu kòrtá kitá afó i lo disparsé. Maske Mi a afligíbo, lo Mi no afligíbo mas.

1:13 Pesei awor, lo Mi kibra e bara di su yugo for di riba bo, i lo Mi kibra bo kadenanan."

1:14 SEÑOR a duna un mandamentu tokante di bo: "Bo nòmber lo no keda pa semper mas. Lo Mi kòrta kita ídolo i imagen for di kas di bo diosnan. Lo Mi prepará bo graf, pasobra bo ta abominabel."

1:15 Ata, riba e serunan e pianan di esun ku ta trese bon nobo, ku ta anunsiá pas! Selebrá bo fiestanan, O Juda; kumpli ku bo promesanan. Pasobra nunka mas e malbado lo pasa dor di bo; el a keda kompletamente kòrtá kitá afó.

H2009 -- Ata -> Behold
H2022 -- , riba e serunan -> on the mountains
H7272 -- e pianan -> the feet
H1319 -- di esun ku ta trese -> of him who brings
H1319 -- bon nobo -> good news
H8085 -- , ku ta anunsiá -> Who announces
H7965 -- pas -> peace
H2287 -- ! Selebrá -> ! Celebrate
H2282 -- bo fiestanan -> your feasts
H3063 -- , O Juda -> O Judah
H7999a -- ; kumpli -> Pay
H5088 -- ku bo promesanan -> your vows
H3808 -- . Pasobra nunka -> . For never
H3254 -- mas -> again
H1100 -- e malbado -> will the wicked
H5674a -- lo pasa -> one pass
H3772 -- dor di bo; el a keda -> through you; He is cut
H3772 -- kòrtá -> off
H3605 -- kitá afó -> completely

Nahum 2

2:1 Esun ku ta plama a bin kontra bo. Defendé e fòrti, vigilá e kaminda; faha bo lomba, hasi tur bo esfuerso.

2:2 Pasobra SEÑOR lo restorá e splendor di Jakòb manera e splendor di Israel, maske ku sakeadónan a plùnder nan i a destruí nan ramanan di wendrùif.

2:3 E eskudonan di su hòmbernan poderoso ta koló kòrá, e guereronan ta bistí na skarlata, e garoshinan ta bin ku flambeu tur na flam ora ku e ta prepará pa marcha, i nan ta zwai ku e lansanan di palu di siprès.

2:4 E garoshinan ta kore manera loko den e kayanan, nan ta basha-bin na kareda riba e plenchinan; nan aparensia ta meskos ku flambeu, nan ta kore bai-bin manera rayo di lamper.

2:5 E ta rekòrdá su nobelnan; nan ta trompeká segun nan ta marcha; nan ta pura bai na su muraya, i e defensa ta wòrdu prepará.

2:6 E portanan di e riunan ta wòrdu habrí, i e palasio ta kai den otro.

2:7 A wòrdu dekretá ku e lo keda bashí, ku e lo wòrdu hibá den eksilio, i ku su sirbientenan lo keha manera palomba, i bati riba nan pechu.

2:8 Maske Nínive tabata manera un tanki di awa den tur su dianan, awor nan ta hui bai. "Para! Para!" nan ta grita; ma ningun hende no ta bolbe.

2:9 Hòrta e plata! Hòrta e oro! Pasobra no tin límite na e tesoro-- rikesa di tur sorto di kos ku hende por deseá.

2:10 El a keda bashí! Sí, e ta desolá i ruiná! Kurason ta dirti i rudia ta tembla! Tambe tin angustia den henter e kurpa, i e karanan di nan tur a bira blek!

2:11 Unda e kueba di e leonnan ta, i e lugá di kome di e leonnan chikitu, kaminda e leon, e leon muhé, i e yu di leon tabata slùip, sin nada pa stroba nan?

2:12 E leon a habraká sufisiente pa su yunan, a mata sufisiente pa su leonnan muhé, i a yena su lugánan di drumi ku proi, i su kuebanan ku karni habraká.

2:13 "Mira, Mi ta kontra bo," e SEÑOR di ehérsitonan ta deklará. "Lo Mi kima su garoshinan hasi nan bira huma. Un spada lo devorá bo leonnan yòn. Lo Mi kòrta kita bo proi for di e tera, i bos di bo mensaheronan lo no wòrdu tendí mas."

H2009 -- "Mira -> Behold
H413 -- , Mi ta kontra -> I am against
H5002 -- bo," e SEÑOR -> you,” declares
H6635 -- di ehérsitonan -> of hosts
H1197a -- ta deklará. "Lo Mi kima -> . “I will burn
H7393 -- su garoshinan -> up her chariots
H6227 -- hasi nan bira huma -> in smoke
H2719 -- . Un spada -> a sword
H398 -- lo devorá -> will devour
H3715 -- bo leonnan -> your young
H3715 -- yòn -> lions
H3772 -- . Lo Mi kòrta -> I will cut
H3772 -- kita -> off
H2964 -- bo proi -> your prey
H776 -- for di e tera -> from the land
H3808 -- , i bos -> and no
H5750 -- di -> longer
H6963 -- di bo mensaheronan -> will the voice
H4397 -- lo no wòrdu tendí -> of your messengers
H8085 -- mas -> be heard

Nahum 3

3:1 Ai di e stat tur na sanger, yen-yen di mentira i kosnan hòrtá; nunka e ta falta proi.

3:2 E zonidu di zwip, e zonidu di batimentu di wil, kabainan ku ta galopiá, i garoshinan ku ta bula riba kaminda!

3:3 Koredónan di kabai ta ataká, spadanan ta lombra, lansanan ta briya, hopi morto, un monton di kadaver, i kurpanan morto na kantidat-- nan ta trompeká riba e kurpanan morto!

3:4 Tur pa motibu di e tantu prostitushonnan di e prostituta, esun atraktivo, e maestra di bruheria, ku ta bende nashonnan pa medio di su prostitushonnan, i famianan pa medio di su bruheria.

3:5 "Mira, Mi ta kontra bo," e SEÑOR di ehérsitonan ta deklará; "I lo Mi hisa bo sayanan tapa bo kara kuné, i mustra e nashonnan bo sunú, i e reinonan bo bèrguensa.

3:6 Lo Mi tira sushedat riba bo i hasibo fis, i tenebo di spetakel.

3:7 I lo sosodé ku tur ku mirabo lo hui pa bo i bisa: 'Nínive a keda destruí! Ken lo tene duele di djé?' Unda lo Mi buska konsoladónan pa bo?"

3:8 Bo ta mihó ku No-amon ku tabata situá banda di e awanan di Neil, ku awa tur rònt di djé, kual su baluarte tabata laman, kual su muraya tabata laman?

3:9 Etiopia tabata su forsa, i Egipto tambe, sin límite. Put i Libia tabata entre su yudadónan.

3:10 Sinembargo, el a bira un eksiliado, el a bai den koutiverio; tambe su yunan chikitu a wòrdu gespat na pida-pida na krusada di tur kaya; nan a tira lòt pa su hòmbernan onorabel, i tur su gran hòmbernan a wòrdu mará ku kadena.

H1571 -- Sinembargo -> Yet
H1473 -- el a bira un eksiliado -> she became an exile
H1980 -- , el a bai -> She went
H7628b -- den koutiverio -> into captivity
H1571 -- ; tambe -> Also
H5768 -- su yunan chikitu -> her small children
H7376 -- a wòrdu gespat -> were dashed
H7376 -- na pida-pida -> to pieces
H7218 -- na krusada -> At the head
H3605 -- di tur -> of every
H2351 -- kaya -> street
H3032 -- ; nan a tira -> They cast
H1486 -- lòt -> lots
H3513 -- pa su hòmbernan onorabel -> for her honorable
H3605 -- , i tur -> men, And all
H1419 -- su gran -> her great
H1419 -- hòmbernan -> men
H7576 -- a wòrdu mará -> were bound
H2203b -- ku kadena -> with fetters

3:11 Abo tambe lo bira burachi; lo bo bai skonde. Abo tambe lo buska refugio kontra e enemigu.

3:12 Tur bo fòrtinan ta palu di figo ku fruta hechu-- ora nan wòrdu sakudí, nan ta kai den boka di e komedó.

3:13 Ata, bo pueblo ta manera muhé meimei di boso! E portanan di bo tera ta hanchu habrí pa bo enemigunan; kandela ta kaba ku bo baranan di porta.

3:14 Proveé awa pa bo mes pa tempu di atake! Reforsá bo fòrtinan! Bai den e klei i traha e meskla! Kohe e forma di blòki!

3:15 Aya kandela lo kaba ku bo, spada lo kap bo bash'abou; e lo kaba ku bo manera tirakochi ta hasi. Multipliká bo mes manera tirakochi ku ta lastra; multipliká bo mes manera tirakochi ku ta kriul den otro.

3:16 Bo a oumentá bo negoshantenan mas ku e streanan di shelu-- e tirakochi ku ta lastra ta kome laga limpi-limpi i ta bula bai.

3:17 Bo guardianan ta manera tirakochi ku ta kriul den otro. Bo ofisialnan ta manera un nubia di tirakochi ku ta pega na e murayanan di piedra riba un dia friu. Solo ta sali i nan ta bula bai, i e lugá unda nan ta no ta konosí.

3:18 Bo wardadónan di karné ta drumi, O rei di Siria; bo nobelnan ta sosegá. Bo pueblo ta plamá riba e serunan, i no tin ningun hende pa reuní nan.

3:19 No tin alivio pa bo gòlpi, bo herida ta inkurabel. Tur ku tende tokante di bo lo bati man kontra bo, pasobra riba ken bo maldat no a pasa kontinuamente?