Search the Bible

Lukas 14; Lukas 15 BSNP Edit

Lukas 14

14:1 I a sosodé ku ora El a bai den kas di un di e lidernan di e fariseonan riba dia di Sabat pa kome pan, nan tabata ten'E bon na bista.

14:2 I mira, dilanti di djE tabatin un hòmber ku tabata sufri di dewater.

14:3 I Jesus a kontestá i a papia ku e ekspertonan di Lei i e fariseonan, bisando: "Lei ta pèrmití pa kura riba dia di Sabat, sí òf nò?"

14:4 Ma nan a keda ketu. I El a koh'é tene, i a kur'é i a mand'é bai.

14:5 I El a bisa nan: "Kual di boso, si su yu òf su buey kai den pos, lo no sak'é mesora riba dia di Sabat?"

14:6 I nan no por a kontestá riba esaki.

14:7 I ora ku El a ripará kon e invitadonan tabata skohe e lugánan di onor na mesa, El a kuminsá konta nan un parábola, bisando:

14:8 "Ora ku un hende invitábo pa un fiesta di kasamentu, no bai sinta na e lugá di onor, pa no sosodé ku el a invitá un hende mas distinguí ku bo,

14:9 i esun ku a invitá boso tur dos bin bisabo: 'Traha lugá pa e hòmber aki'; i e ora ei abo, ku bèrguensa, bai tuma e último lugá.

14:10 Ma ora bo wòrdu invitá, bai sinta na e último lugá, pa ora ku esun ku a invitábo bin, e bisabo: 'Amigu, subi bai mas ariba'; e ora ei lo bo wòrdu onrá den bista di tur esnan ku ta na mesa huntu ku bo.

G3752 -- Ma ora -> But when
G2564 -- bo wòrdu invitá -> you are invited
G4198 -- , bai -> go
G377 -- sinta -> and recline
G2078 -- na e último -> at the last
G5117 -- lugá -> place
G2443 -- , pa -> so
G3752 -- ora ku -> that when
G2564 -- esun ku a invitábo -> the one who has invited
G2064 -- bin -> you comes
G3004 -- , e bisabo -> he may say
G5384 -- : 'Amigu -> to you, ‘Friend
G4320 -- , subi -> move
G511 -- bai mas ariba -> up higher
G5119 -- '; e ora ei -> ’; then
G1391 -- lo bo wòrdu onrá -> you will have honor
G1799 -- den bista -> in the sight
G3956 -- di tur -> of all
G4873 -- esnan ku ta na mesa -> who are at the table

14:11 Pasobra ken ku halsa su mes lo wòrdu umiyá, i esun ku umiyá su mes lo wòrdu halsá."

14:12 I tambe El a bisa esun ku a invit'E: "Ora bo tene un komementu mèrdia òf anochi, no invitá bo amigunan, ni bo rumannan, ni bo famianan, ni bisiñanan riku, pa nan tambe, na nan turno, no invitábo i bo haña bo pago bèk.

14:13 Ma ora bo tene un bankete, invitá e pobernan, e mankaronnan, e lamnan, i e siegunan,

14:14 i lo bo ta bendishoná, pasobra nan no tin manera pa pagabo bèk; pasobra lo bo wòrdu pagá bèk na e resurekshon di e hustunan."

14:15 I ora ku un di esnan ku tabata sintá na mesa huntu kunE a tende esaki, el a bis'E: "Bendishoná ta tur esnan ku lo kome pan den e reino di Dios!"

14:16 Ma El a bis'é: "Un hòmber tabata tene un bankete grandi, i el a invitá hopi hende;

14:17 i na ora di kome el a manda su esklabu pa bisa esnan ku a wòrdu invitá: 'Bin, pasobra tur kos ta kla awor.'

14:18 "Ma nan tur a kuminsá diskulpá nan mes. Esun di promé a bis'é: 'Mi a kumpra pida tereno i mi mester sali bai wak é; mi ta pidibo despensámi.'

14:19 "I un otro a bisa: 'Mi a kumpra sinku yugo di buey i mi ta bai tèst nan; mi ta pidibo despensámi.'

14:20 "I un otro a bisa: 'Mi a kaba di kasa i pa e motibu ei mi no por bin.'

14:21 "I e esklabu a bolbe i a konta su shon esaki. E ora ei e kabes di kas a rabia i a bisa su esklabu: 'Sali bai mesora den e kayanan i hanchinan di stat i trese akiden e pobernan, e mankaronnan, e siegunan i e lamnan.'

G1401 -- "I e esklabu -> And the slave
G3854 -- a bolbe -> came
G518 -- i a konta -> ] and reported
G3778 -- esaki -> this
G2962 -- su shon -> to his master
G5119 -- . E ora ei -> . Then
G3617 -- e kabes -> the head
G3617 -- di kas -> of the household
G3710 -- a rabia -> became angry
G3004 -- i a bisa -> and said
G1401 -- su esklabu -> to his slave
G1831 -- : 'Sali -> ‘Go
G5030 -- bai mesora -> out at once
G4116 -- den e kayanan -> into the streets
G4505 -- i hanchinan -> and lanes
G4172 -- di stat -> of the city
G1521 -- i trese -> and bring
G5602 -- akiden -> in here
G4434 -- e pobernan -> the poor
G376b -- e mankaronnan -> and crippled
G5185 -- e siegunan -> and blind
G5560 -- i e lamnan -> and lame

14:22 "I e esklabu a bisa: 'Mi shon, loke bo a ordená a wòrdu hasí, i ainda tin mas lugá.'

14:23 "I e shon a bisa e esklabu: 'Bai na tur e kamindanan grandi i banda di e serkánan, i obligá nan drenta, pa mi kas por ta yen.

14:24 Pasobra mi ta bisa boso, ningun di e hòmbernan ei ku a wòrdu invitá lo no purba mi kuminda.'"

14:25 Awor multitutnan grandi tabata kana huntu kunE; i El a drai wak i a bisa nan:

14:26 "Si un hende bin serka Mi, i no odia su tata i mama i esposa i yunan i ruman hòmbernan i ruman muhénan, sí, asta su mes bida, e no por ta Mi disipel.

14:27 Esun ku no karga su krus i bin Mi tras no por ta Mi disipel.

14:28 "Pasobra kual di boso, ora ku e kier traha un toren, no ta sinta kalkulá e gastunan promé, pa mira si e tin sufisiente pa kab'é?

14:29 Sino, ora ku el a pone fundeshi i no por kab'é, tur ku mira esaki lo kuminsá hasi bofon di djé,

14:30 bisando: 'E hòmber aki a kuminsá konstruí i no tabata por a kaba.'

14:31 "Of kual rei, ora ku e ta sali pa bai guera kontra un otro rei, lo no sinta pensa bon promé si e ta sufisiente fuerte ku dies mil, pa enfrentá esun ku ta bin kontra djé ku binti mil?

G2228 -- "Of -> Or
G5101 -- kual -> what
G935 -- rei -> king
G4198 -- , ora ku e ta sali -> when he sets
G4820 -- pa bai guera kontra -> out to meet
G2087 -- un otro -> another
G4171 -- rei, -> in battle
G4413 -- lo no sinta -> will not first
G2523 -- pensa -> sit
G2523 -- bon -> down
G1011 -- promé -> and consider
G1487 -- si -> whether
G1415 -- e ta sufisiente fuerte -> he is strong
G1415 -- ku dies mil, -> enough
G1176 -- pa enfrentá -> with ten
G5505 -- esun -> thousand
G5221 -- ku ta bin -> ] to encounter
G2064 -- kontra -> the one coming
G1909 -- djé -> against
G1501 -- ku binti mil? -> him with twenty

14:32 Of si e no por, e ta manda un delegashon, mientras ku e otro ta leu ainda, i ta pidi kondishonnan di pas.

14:33 Asina anto, ningun di boso ku no ta renunsiá tur loke e tin no por ta Mi disipel.

14:34 "Pesei, salu ta bon; ma asta salu, si e pèrdè smak, ku kiko lo e wòrdu sasoná?

14:35 E no ta sirbi ni pa tera ni pa seru di mèst; nan ta tir'é afó. "Esun ku tin orea pa tende, lagu'é tende."

Lukas 15

15:1 Awor tur e publikanonan i e pekadónan tabata bin serka djE pa skuch'E.

15:2 I tantu e fariseonan komo e eskribanan a kuminsá murmurá, bisando: "E hòmber aki ta risibí pekadó i ta kome huntu ku nan."

15:3 I El a konta nan e parábola aki, bisando:

15:4 "Kual di boso ku tin shen karné i a pèrdè un di nan no ta laga e nobent'i nuebenan den sabana, i ta bai buska esun pèrdí, te ora ku e hañ'é?

15:5 I ora ku e hañ'é, yen di goso e ta pon'é riba su skouder.

15:6 I ora ku e yega kas e ta yama su amigunan i su bisiñanan huntu, i ta bisa nan: 'Regosihá huntu ku mi, pasobra mi a haña mi karné ku a pèrdè!'

15:7 Mi ta bisa boso ku asina tambe lo tin mas goso den shelu pa un pekadó ku repentí, ku pa nobent'i nuebe hende hustu ku no tin mester di repentimentu.

15:8 "Of kual muhé ku tin dies moneda di plata, si e pèrdè un di nan, no ta sende un lampi i ta bari kas buska kuidadosamente te ora ku e hañ'é?

15:9 I ora ku e hañ'é e ta yama su amiganan i su bisiñanan huntu, bisando: 'Regosihá huntu ku mi, pasobra mi a haña e moneda ku mi a pèrdè!'

15:10 Asina tambe Mi ta bisa boso, tin goso den presensia di e angelnan di Dios pa un pekadó ku repentí."

15:11 I El a bisa: "Un hòmber tabatin dos yu hòmber;

15:12 i esun mas chikitu di nan dos a bisa su tata: 'Tata, dunami e parti di e erensia ku ta tokami.' I el a parti su rikesa entre nan.

15:13 "I un par di dia despues e yu hòmber mas chikitu a piki tur loke ku e tabatin i a biaha bai pa un tera leu, i ayanan el a malgastá su erensia, hibando un bida di paranda.

15:14 I despues ku el a kaba di malgastá tur kos, a bin un hamber pisá den e tera ei, i el a kuminsá pasa nesesidat.

15:15 I el a bai i a pidi trabou serka un di e siudadanonan di e tera ei, i esaki a mand'é den su kunukunan pa kuida porko.

15:16 I e tabatin gana di yena su barika ku e kaskanan ku e porkonan tabata kome, i ningun hende no tabata dun'é nada.

15:17 "Ma ora ku el a realisá den ki situashon e tabata, el a bisa: 'Kuantu trahadó kontratá di mi tata tin pan na abundansia, anto ami ta muri akinan di hamber!

15:18 Lo mi lanta i bai serka mi tata, i lo mi bis'é: "Tata, mi a peka kontra shelu i den bo bista;

15:19 mi no ta digno mas pa wòrdu yamá bo yu; hasimi manera un di bo trahadónan kontratá."'

15:20 I el a lanta i a bai serka su tata. "Ma ora ku e tabata hopi leu ainda, su tata a mir'é i a sinti kompashon p'é, i a kore bai bras'é, i a sunch'é.

15:21 "I e yu a bis'é: 'Tata, mi a peka kontra shelu i den bo bista; mi no ta digno mas pa wòrdu yamá bo yu.'

15:22 "Ma e tata a bisa su esklabunan: 'Pura trese e paña di mas mihó i pon'é na su kurpa, i pone un renchi na su man i sandalia na su pia;

15:23 i trese e bishé gòrdá, mat'é, i laga nos kome i fiesta;

15:24 pasobra e yu di mi aki tabata morto i a bolbe biba; e tabata pèrdí, i a wòrdu hañá.' I nan a kuminsá fiesta.

15:25 "Awor su yu mayó tabata na kunuku, i ora ku el a bin i tabata aserká e kas, el a tende muzik i baliamentu.

15:26 I el a yama un di e sirbidónan serka djé i a puntr'é kiko e kosnan aki ta nifiká.

15:27 I esaki a bis'é: 'Bo ruman a bin, i bo tata a mata e bishé gòrdá, pasobra el a hañ'é bèk sano i salvo.'

15:28 "Ma e yu mayó a rabia, i no kier a drenta; i su tata a sali i a rogu'é pa drenta.

15:29 Ma el a kontestá i a bisa su tata: 'Mira! Mi a sirbibo pa asina tantu aña, i nunka mi a keda sin obedesé un òrdu di bo; i tòg nunka bo no a dunami un yu di kabritu pa mi fiesta ku mi amigunan;

15:30 ma ora ku e yu hòmber di bo aki a bin, kende a malgastá bo plaka ku prostituta, bo a mata e bishé gòrdá p'é.'

15:31 "I el a bis'é: 'Mi yu, abo tabata semper serka mi, i tur loke mi tin ta di bo.

15:32 Ma nos mester a fiesta i regosihá, pasobra e ruman hòmber di bo aki tabata morto i el a bolbe biba, i e tabata pèrdí i a wòrdu hañá.'"