Search the Bible

Lukas 12; Lukas 13 BSNP Edit

Lukas 12

12:1 Bou di e sirkumstansianan aki, ora ku miles i miles di hende a reuní di manera ku nan tabata trapa otro, El a kuminsá bisa promé na Su disipelnan: "Warda boso di e zürdeg di e fariseonan, lokual ta hipokresia.

12:2 No tin nada tapá ku lo no wòrdu revelá, i nada skondí ku hende lo no haña sa.

12:3 Pesei, tur loke boso a papia den skuridat lo wòrdu tendí den klaridat, i loke boso a papia ketu-ketu den e kambernan mas paden lo wòrdu proklamá for di riba dak.

12:4 "I Mi ta bisa boso, Mi amigunan, no tene miedu di esnan ku ta mata e kurpa, i ku despues di esei no por hasi nada mas.

12:5 Ma lo Mi mustra boso ken boso mester teme. Teme Esun ku despues ku El a mata tin outoridat pa tira den fièrnu; sí, Mi ta bisa boso, teme E!

12:6 No t'asina ku sinku mòfi ta wòrdu bendí pa dos plaka? I ni un di nan no ta wòrdu lubidá dilanti di Dios.

12:7 Di bèrdat, asta e drachinan di kabei riba boso kabes, tur ta kontá. No tene miedu; boso bal mas ku un kantidat di mòfi.

12:8 "I Mi ta bisa boso, ken ku konfesáMi dilanti di hende, e Yu di Hende tambe lo konfesá e hende ei dilanti di e angelnan di Dios;

12:9 ma esun ku nengaMi dilanti di hende lo wòrdu nengá dilanti di e angelnan di Dios.

12:10 I ken ku papia un palabra kontra e Yu di Hende, esaki lo wòrdu pordoná; ma esun ku blasfemá kontra Spiritu Santu, esaki lo no wòrdu pordoná.

12:11 "I ora nan hiba boso dilanti di snoa i dilanti di e gobernantenan i outoridatnan, no preokupá kon òf kiko boso mester papia na boso defensa, òf kiko boso mester bisa;

12:12 pasobra Spiritu Santu lo siña boso na e mes momento ei kiko boso mester bisa."

12:13 I un hende for di e multitut a bis'E: "Maestro, bisa mi ruman hòmber pa parti e erensia ku mi."

12:14 Ma Jesus a bis'é: "Hòmber, ta ken a poneMi komo hues òf rèfri riba boso?"

12:15 I El a bisa nan: "Tene kuidou, i warda boso di tur golosidat; pasobra bida di hende no ta konsistí di e abundansia di e kosnan ku e tin."

12:16 I El a konta nan un parábola, bisando: "E tereno di un sierto hòmber riku tabata masha produktivo.

12:17 I el a kuminsá rasoná den su mes, bisando: 'Kiko lo mi hasi? Pasobra mi no tin lugá pa warda mi kosecha.'

12:18 "I el a bisa: 'Esaki lo mi hasi: Lo mi basha mi mangasinanan abou i traha otro mangasinanan mas grandi ainda, i den nan lo mi warda tur mi trigo i mi biennan.

12:19 I lo mi bisa mi alma: "Alma, bo tin hopi biennan montoná pa hopi aña; tuma sosiegu, kome, bebe i fiesta."'

12:20 "Ma Dios a bis'é: 'Abo, bobo! Awenochi mes bo alma lo wòrdu eksigí for di bo; i awor ken lo bira doño di loke bo a prepará?'

12:21 "Asina ta e hende ku ta montoná tesoro pa su mes, i no ta riku pa ku Dios."

12:22 I El a bisa Su disipelnan: "Pa e motibu aki Mi ta bisa boso: No preokupá pa boso bida, kiko boso lo kome, ni pa boso kurpa, kiko boso lo bisti.

12:23 Pasobra bida ta mas ku kuminda, i kurpa mas ku paña di bisti.

12:24 Konsiderá e rafnan, pasobra nan no ta sembra ni kosechá; i nan no tin lugá pa warda provishon, ni mangasina; i tòg Dios ta alimentá nan; kuantu mas ku parha boso no ta bal!

12:25 I kual di boso, dor di preokupá, por añadí ún kodo na su haltura?

12:26 Si boso anto no por hasi ni sikiera un kos asina chikitu, pakiko boso ta preokupá pa otro asuntonan?

12:27 "Konsiderá e lelinan, kon nan ta krese; nan no ta traha mata kurpa, ni nan no ta hila; ma Mi ta bisa boso ku ni Salomon den tur su gloria no tabata bistí manera un di esakinan.

12:28 Ma si di tal manera Dios ta bisti e yerba di sabana, lokual awe t'ei i mañan ta wòrdu tirá den fòrnu, kuantu mas E lo bisti boso, O hendenan di poko fe!

12:29 I no buska kiko boso lo kome òf kiko boso lo bebe, i no sigui preokupá.

12:30 Pasobra tur e kosnan aki e nashonnan di mundu ta buska ku diligensia; ma boso Tata sa ku boso tin mester di e kosnan aki.

12:31 Ma buska Su reino, i e kosnan aki lo wòrdu añadí na boso.

12:32 "No tene miedu, tou chikitu, pasobra a agradá boso Tata pa duna boso e reino.

12:33 Bende boso propiedatnan i duna limosna; traha pa boso mes bolsa ku no ta gasta, un tesoro den shelu ku no ta kaba nunka, kaminda ladron no por yega, ni mòt no por destruí.

G4453 -- Bende -> Sell
G5225 -- boso propiedatnan -> your possessions
G1325 -- i duna -> and give
G1654 -- limosna -> to charity
G4160 -- ; traha -> make
G1438 -- pa boso mes -> yourselves
G905 -- bolsa -> money
G905 -- bolsa -> belts
G3822 -- ku no ta gasta -> which do not wear
G413 -- , un tesoro -> out, an unfailing
G2344 -- tesoro -> treasure
G3772 -- den shelu -> in heaven
G3699 -- ku no ta kaba nunka, kaminda -> where
G3756 -- no -> no
G2812 -- ladron -> thief
G1448 -- por yega -> comes
G1448 -- por yega -> near
G3761 -- , ni -> nor
G4597 -- mòt -> moth
G1311 -- no por destruí -> destroys

12:34 Pasobra kaminda boso tesoro ta, einan boso kurason tambe lo ta.

12:35 "Mira pa boso hep ta fahá, i pa boso lampinan ta sendí.

12:36 I sea manera hòmbernan ku ta warda riba nan shon, pa ora ku e bolbe di e fiesta di kasamentu i e bin bati, nan por habri p'é mesora.

12:37 Bendishoná ta e esklabunan ei ku e shon lo haña ta vigilá ora ku e bin. Di bèrdat Mi ta bisa boso ku e lo faha su mes pa sirbi, i lo invitá nan sinta na mesa pa sirbi nan.

12:38 Sea ku e bin den e di dos warda di anochi, òf den e di tres, i haña nan asina, bendishoná ta e esklabunan ei.

12:39 I sea sigur di esaki, ku si e kabes di kas tabata sa ki ora e ladron tabata di bin, e lo no a pèrmití pa kibra drenta su kas.

12:40 Boso tambe, sea prepará, pasobra na un ora ku boso no ta spera e Yu di Hende ta bin."

12:41 I Pedro a bisa: "Señor, ta ku nos Bo ta papia e parábola aki, òf ku tur otro hende tambe?"

12:42 I Señor a bisa: "Ken anto ta e fiel i prudente mayordomo, kende su shon lo nombra riba su sirbidónan, pa duna nan nan parti di kuminda na su debido tempu?

12:43 Bendishoná ta e esklabu ei ku ta hasiendo asina ora su shon bin.

12:44 Di bèrdat Mi ta bisa boso ku e lo lagu'é keda na enkargo di tur su propiedatnan.

12:45 Ma si e esklabu ei bisa den su kurason: 'Mi shon ta tarda pa bin,' i e kuminsá suta e esklabunan, tantu hòmber komo muhé, i kuminsá kome i bebe i bira burachi,

12:46 e shon di e esklabu ei lo bin riba un dia ku e no ta spera, i na un ora ku e no sa, i lo kap é na pida-pida, i dun'é un lugá huntu ku e inkrédulonan.

12:47 "I e esklabu ei ku tabata konosé e boluntat di su shon, ma no a prepará su mes, ni a hasi di akuèrdo ku su boluntat, lo haña hopi sota,

12:48 ma esun ku no tabata sa esei, i a hasi kosnan ku meresé sota, lo haña poko sota. I di kada un, na kende hopi a wòrdu duná, hopi lo wòrdu eksigí; i esun ku hopi a wòrdu konfiá na djé, di esei nan lo eksigí muchu mas.

12:49 "Mi a bin pa tira kandela riba mundu; i kuantu Mi ta deseá ku esaki tabata sendí kaba!

12:50 Ma Mi tin un boutismo pa wòrdu batisá kuné, i ki angustiá Mi ta sinti te ora ku esaki keda kumplí!

12:51 Boso ta kere ku Mi a bin pa trese pas riba mundu? Mi ta bisa boso, nò, ma mas bien divishon;

12:52 pasobra for di awor sinku hende den un kas lo ta dividí, tres kontra dos, i dos kontra tres.

12:53 Nan lo ta dividí, tata kontra yu hòmber, i yu hòmber kontra tata; mama kontra yu muhé, i yu muhé kontra mama; suegra kontra nuera, i nuera kontra suegra."

12:54 I tambe E tabata bisa e multitutnan: "Ora boso mira un nubia ta bin for di pabou, mesora boso ta bisa: 'Tin awaseru na kaminda,' i asina ta sosodé.

12:55 I ora boso sinti un bientu di sùit ta supla, boso ta bisa: 'Ta bai hasi mashá kalor awe,' i asina ta sosodé.

12:56 Boso, hipokrítnan! Boso sa kon pa analisá e aparensia di tera i shelu, ma di kon boso no ta analisá e tempu aki?

12:57 "I pakiko boso no ta huzga di boso mes loke ta hustu?

12:58 Pasobra mientras ku bo ta bai ku bo kontrapartida pa presentá dilanti di gobierno, hasi tur esfuerso pa na kaminda bo drecha kuenta kuné, pa e no lastrabo hiba dilanti di hues, i hues entregábo na polis, i polis serabo den prizon.

G5613 -- Pasobra mientras -> For while
G5217 -- ku bo ta bai -> you are going
G476 -- ku bo kontrapartida -> with your opponent
G1909 -- pa presentá dilanti -> to appear before
G758 -- di gobierno -> the magistrate
G1325 -- hasi -> ] make
G2039 -- tur esfuerso -> an effort
G3598 -- na kaminda -> ] way
G525 -- pa drecha -> to settle
G3379 -- kuenta kuné, pa -> with him, so
G2694 -- e no lastrabo -> that he may not drag
G4314 -- hiba dilanti -> you before
G2923 -- di hues -> the judge
G2923 -- , i hues -> and the judge
G3860 -- entregábo -> turn
G3860 -- entregábo -> you over
G4233 -- na polis -> to the officer
G4233 -- , i polis -> and the officer
G906 -- serabo -> throw
G5438 -- den prizon. -> you into prison

12:59 Mi ta bisabo ku lo bo no sali for di einan te ora bo a paga delaster un sèn."

Lukas 13

13:1 Awor na e mesun okashon tabatin algun hende presente ku tabata kont'E di e galileonan, kende nan sanger Pilato a meskla ku nan sakrifisionan.

13:2 I El a kontestá i a bisa nan: "Boso ta kere ku e galileonan aki tabata pekadónan mas grandi ku tur otro galileo, pasobra esaki a pasa ku nan?

13:3 Mi ta bisa boso, nò, ma si boso no repentí, boso tur lo peresé meskos.

13:4 Of boso ta kere ku e diesochonan ei, riba kendenan e toren den Siloam a kai i a mata nan, tabata mas kulpabel ku tur e hendenan ku ta biba na Jerusalèm?

13:5 Mi ta bisa boso, nò, ma si boso no repentí, boso tur lo peresé meskos."

13:6 I El a kuminsá konta e parábola aki: "Un hòmber tabatin un palu di figo ku a wòrdu plantá den su kunuku di wendrùif; i el a bin buska fruta na djé i no a haña nada.

13:7 I el a bisa e kuidadó di kunuku di wendrùif: 'Mira, pa tres aña kaba mi ta bin buska fruta na e palu di figo aki sin haña nada. Kap é! Pakiko e mester kaba ku forsa di e tera?'

G3004 -- I el a bisa -> And he said
G289 -- e kuidadó di kunuku di wendrùif -> to the vineyard-keeper
G2400 -- : 'Mira -> ‘Behold
G5140 -- , pa tres -> for three
G2094 -- aña -> years
G2064 -- mi ta bin -> I have come
G2212 -- buska -> looking
G2590 -- fruta -> for fruit
G3778 -- na e -> on this
G4808 -- figo -> fig
G4808 -- palu -> tree
G2532 -- sin -> without
G3756 -- nada -> G3756
G1581 -- nada. Kap -> any. Cut
G2147 -- haña -> finding
G1581 -- é -> it down
G2444 -- ! Pakiko -> ! Why
G2532 -- e mester -> does it even
G2673 -- kaba -> use
G1093 -- ku forsa di e tera -> up the ground

13:8 "I el a kontestá i a bis'é: 'Shon, lagu'é para e aña aki ainda, te ora ku mi koba rònt di djé i pone gòrdura;

13:9 i si e duna fruta otro aña, bon; ma si no t'asina, kap é.'"

13:10 I E tabata siña riba dia di Sabat den un di e snoanan.

13:11 I mira, tabatin un muhé ku pa diesocho aña tabatin un spiritu di malesa; i e tabata tur doblá i di ningun manera no por a stret su kurpa.

13:12 I ora Jesus a mir'é, El a yam'é serka djE i a bis'é: "Muhé, bo ta librá di bo malesa."

13:13 I El a pone Su mannan riba djé; i mesora e muhé su kurpa a bira stret atrobe, i el a kuminsá glorifiká Dios.

13:14 I e ofisial di snoa, indigná pasobra Jesus a kura hende riba dia di Sabat, a kuminsá bisa e multitut: "Tin seis dia ku hende mester traha; bin anto riba e dianan ei pa wòrdu kurá i no riba dia di Sabat."

G752 -- I e ofisial di snoa -> But the synagogue
G752 -- ofisial -> official
G23 -- , indigná -> indignant
G3754 -- pasobra -> because
G2424 -- Jesus -> Jesus
G2323 -- a kura -> had healed
G4521 -- hende riba dia di Sabat -> on the Sabbath
G3004 -- a kuminsá bisa -> ] saying
G3793 -- e multitut -> to the crowd
G611 -- : -> in response
G1803 -- "Tin seis -> There are six
G2250 -- dia -> days
G3739 -- ku -> in which
G2038b -- hende mester traha -> work
G1163 -- mester -> should
G2038b -- ; bin anto riba e dianan ei pa wòrdu kurá -> be done
G3767 -- ; -> so
G2064 -- bin -> come
G1722 -- riba -> during
G2323 -- e dianan ei pa wòrdu -> them and get
G2323 -- kurá -> healed
G4521 -- i no riba dia di Sabat -> and not on the Sabbath
G2250 -- . -> day

13:15 Ma Señor a kontest'é i a bisa: "Boso, hipokrítnan, kada un di boso no ta lòs su buey òf su buriku for di pesebre, i hib'é pa bebe awa riba Sabat?

13:16 I e muhé aki, siendo un yu muhé di Abraham, kende Satanás tabatin mará pa diesocho aña, e no mester a wòrdu librá for di e kadena aki riba dia di Sabat?"

13:17 I ora ku El a bisa esaki, tur Su kontrapartidanan a keda na bèrguensa; i henter e multitut tabata regosihá pa tur e kosnan glorioso ku E tabata hasi.

13:18 Pesei E tabata bisa: "Kiko e reino di Dios parse, i ku kiko lo Mi kompar'é?

13:19 E ta manera un simia di mòster ku un hòmber a kohe i a planta den su hòfi; i esaki a krese bira un palu; i e parhanan di shelu a traha neishi den su ramanan."

13:20 I El a bolbe bisa: "Ku kiko lo Mi kompará e reino di Dios?

13:21 E ta manera zürdeg ku un muhé a kohe i a skonde den tres midí di hariña, te ora ku esaki a bira kompletamente zür."

13:22 I E tabata pasa dor di e statnan i pueblitonan ta siña hende, i siguiendo Su kaminda pa Jerusalèm.

13:23 I un hende a puntr'E: "Señor, ta algun hende so ta wòrdu salbá?" I El a bisa nan:

13:24 "Hasi tur esfuerso pa drenta dor di e porta smal; pasobra hopi, Mi ta bisa boso, lo buska pa drenta i lo no por.

13:25 Unabes ku e kabes di kas lanta i sera porta, boso lo para pafó i bati na porta, bisando: 'Señor, habri pa nos!' "E ora ei E lo kontestá i bisa boso: 'Mi no sa di unda boso ta.'

G575 -- Unabes -> Once
G3617 -- e kabes -> the head
G3617 -- di kas -> of the house
G1453 -- lanta -> gets
G608 -- i sera -> up and shuts
G2374 -- porta -> the door
G757 -- boso lo para -> and you begin
G2476 -- pafó -> to stand
G1854 -- i bati -> outside
G2925 -- na porta -> and knock
G2374 -- bisando -> on the door
G3004 -- 'Señor -> saying
G2962 -- habri -> ‘Lord
G455 -- pa nos!' -> open
G2532 -- E ora ei -> up to us!’ then
G611 -- E lo kontestá -> He will answer
G3004 -- i bisa -> and say
G3609a -- boso: 'Mi no sa -> to you, ‘I do not know
G4159 -- di unda -> where

13:26 "E ora ei boso lo kuminsá bisa: 'Nos a kome i bebe den Bo presensia, i Bo a siña e hendenan den nos kayanan'.

13:27 "I E lo bisa: 'Mi ta bisa boso, Mi no sa di unda boso ta; bai for di Mi, boso tur, hasidónan-di-maldat.'

13:28 "I ayanan lo tin yoramentu i mordementu riba djente ora boso mira Abraham i Isaak i Jakòb i tur e profetanan den e reino di Dios, ma boso mes tirá pafó.

13:29 I nan lo bin for di pariba i pabou, i for di nòrt i sùit, i lo sinta na mesa den e reino di Dios.

13:30 I mira, tin últimonan ku lo ta e proménan, i proménan ku lo ta e últimonan."

13:31 Na e mesun tempu ei algun fariseo a bin bis'E: "Sali bai for di aki, pasobra Herodes kier mataBo."

13:32 I El a bisa nan: "Bai i bisa e zoro ei: 'Mira, Mi ta saka demoño i Mi ta kura hende awe i mañan, i riba e di tres dia lo Mi alkansá Mi meta.'

13:33 Sinembargo, Mi mester sigui biaha awe i mañan i otro mañan; pasobra no por ta ku un profeta ta peresé pafó di Jerusalèm.

13:34 "O Jerusalèm, Jerusalèm, e stat ku ta mata e profetanan i ta piedra esnan ku ta wòrdu mandá serka djé! Kuantu biaha Mi kier a hunta bo yunan, meskos ku un galiña ta hunta su puitunan bou di su halanan, i boso no tabata kier!

G2419 -- "O Jerusalèm -> O Jerusalem
G2419 -- , Jerusalèm -> Jerusalem
G615 -- e stat ku ta mata -> ] that kills
G4396 -- e profetanan -> the prophets
G3036 -- i ta piedra -> and stones
G3588 -- esnan -> those
G649 -- wòrdu mandá -> sent
G4212 -- serka djé! Kuantu -> to her! How
G4212 -- biaha -> often
G2309 -- Mi kier -> I wanted
G1996 -- a hunta -> to gather
G5043 -- bo yunan -> your children
G3739 -- , meskos -> just
G3733 -- ku un galiña -> as a hen
G3555 -- ta hunta su puitunan -> ] her brood
G5259 -- bou -> under
G4420 -- di su halanan -> her wings
G2309 -- , i boso no tabata kier -> and you would

13:35 Mira, boso kas ta keda desolá pa boso; i Mi ta bisa boso, boso lo no miraMi te ora ku e tempu yega ku boso ta bisa: 'Bendishoná ta Esun ku ta bin den e nòmber di SEÑOR!'"