Search the Bible

Isaias 9; Isaias 10; Isaias 11; Isaias 12 BSNP Edit

Isaias 9

9:1 Ma lo no tin tiniebla mas pa esun ku tabata den angustia. Den tempunan pasá El a trata tera di Zabulon i tera di Nèftalí ku despresio, ma despues E lo hasié glorioso, na e kaminda di laman, na e otro banda di Jordan, Galilea di e paganonan.

H3808 -- Ma lo no -> But there will be no
H4155 -- tin tiniebla -> ] gloom
H834 -- mas pa esun ku -> for her who
H4164 -- tabata den angustia -> was in anguish
H7223 -- . Den tempunan -> in earlier
H6256 -- pasá -> times
H7043 -- El a trata -> He treated
H776 -- tera -> the land
H2074 -- di Zabulon -> of Zebulun
H776 -- i tera -> and the land
H5321 -- di Nèftalí -> of Naphtali
H7043 -- ku despresio -> with contempt
H314 -- , ma despues -> but later
H3513 -- E lo hasié -> on He shall make
H3513 -- glorioso -> ] glorious
H1870 -- , na e kaminda -> by the way
H5676 -- , na e otro -> on the other
H5676 -- banda -> side
H3383 -- di Jordan -> of Jordan
H1551 -- , Galilea -> Galilee
H1471 -- di e paganonan -> of the Gentiles
H3220 -- di laman -> of the sea

9:2 E pueblo ku ta kana den skuridat lo mira un gran lus; esnan ku ta biba den un tera skur, un lus lo lusa riba nan.

9:3 Lo Bo multipliká e nashon, lo Bo oumentá nan goso; nan lo ta kontentu den Bo presensia, manera hende sa ta kontentu den tempu di kosecha, manera hòmbernan sa regosihá ora nan ta parti botín.

9:4 Pasobra Abo lo kibra e yugo ku ta pisa riba nan i e bara riba nan skouder, e garoti di nan opresor, manera na e bataya di Madian.

9:5 Pasobra kada lars di guerero ku ta wòrdu uzá den bataya, i kada mantel lorá den sanger lo ta destiná pa wòrdu kimá, lo ta kombustibel pa kandela.

9:6 Pasobra un yu a nase pa nos, un yu hòmber ta duná na nos, i e gobernashon lo ta riba Su skouder. Su nòmber lo ta Konsehero Maraviyoso, Dios Poderoso, Tata Etèrno, Prens di Pas.

9:7 Lo no tin fin na e oumento di Su gobernashon i di pas, riba e trono di David i riba su reino, pa stablesé esaki i manten'é ku huisio i hustisia for di e tempu ei i pa semper. E zelo di e SEÑOR di ehérsitonan lo hasi esaki.

H369 -- Lo no -> There
H369 -- tin -> There
H7093 -- fin -> end
H4766 -- na e oumento -> to the increase
H4951 -- di Su gobernashon -> ] government
H7965 -- i di pas -> or of peace
H3678 -- , riba e trono -> On the throne
H1732 -- di David -> of David
H5921 -- i riba -> and over
H4467 -- su reino -> his kingdom
H3559 -- , pa stablesé -> To establish
H5582 -- esaki i manten'é -> it and to uphold
H4941 -- ku huisio -> it with justice
H6666 -- i hustisia -> and righteousness
H6258 -- for di e tempu -> From then
H5703 -- ei i pa semper -> on and forevermore
H7068 -- . E zelo -> . The zeal
H6635 -- di e SEÑOR di ehérsitonan -> of hosts
H6213a -- lo hasi -> will accomplish
H384 -- esaki -> this

9:8 Señor ta manda un mensahe kontra Jakòb i esaki ta kai riba Israel.

9:9 I henter e pueblo sa esaki, esta, Efrain i e habitantenan di Samaria, ku ta bisa ku orguyo i ku arogansia di kurason:

9:10 "E klenkunan a kai abou, ma nos lo trah'é di nobo ku piedra gekap; e palunan di sikamor a wòrdu bashá abou, ma nos lo remplasá nan ku palu di seda."

9:11 Pesei SEÑOR ta lanta atversarionan for di Rezin kontra nan, i ta instigá nan enemigunan,

9:12 e sirionan for di pariba i e filisteonan for di pabou; i nan ta traga Israel ku boka hanchu habrí. Apesar di tur esaki Su rabia no ta wòrdu kitá, i Su man ta keda ekstendí.

9:13 Tòg e pueblo no ta bolbe serka Esun ku a suta nan, ni nan no ta buska e SEÑOR di ehérsitonan.

9:14 Asina SEÑOR ta kòrta kabes i rabu di Israel kit'afó, tantu rama di palma komo richi den un solo dia.

9:15 E kabes ta e hòmber ansiano i onorabel, i e profeta ku ta duna siñansa falsu ta e rabu.

9:16 Pasobra esnan ku ta guia e pueblo aki ta hasi nan desviá; i esnan ku a wòrdu guiá dor di nan ta keda konfundí.

9:17 Pesei Señor no ta hiba gustu den nan hobennan; tampoko E no tin duele di nan wérfanonan ni di nan biudanan, pasobra kada un di nan ta impio i hasidó di maldat, i tur boka ta papia lokura. Apesar di tur esaki Su rabia no ta wòrdu kitá, i Su man ta keda ekstendí.

H5921 -- Pesei -> Therefore
H136 -- Señor -> the Lord
H8055 -- no ta hiba -> does not take
H8055 -- gustu -> pleasure
H970 -- den nan hobennan -> in their young
H970 -- hobennan -> men
H3808 -- tampoko -> Nor
H7355 -- E no tin -> does He have
H7355 -- duele -> pity
H3490 -- di nan wérfanonan -> on their orphans
H490 -- ni di nan biudanan -> or their widows
H3605 -- pasobra kada -> For every
H3605 -- kada -> one
H2611 -- un di nan ta impio -> of them is godless
H7489a -- i hasidó di maldat -> and an evildoer
H6310 -- boka -> mouth
H1696 -- ta papia -> is speaking
H5039 -- lokura -> foolishness
H3605 -- tur -> ] all
H384 -- esaki -> this
H639 -- Su rabia -> His anger
H7725 -- no ta wòrdu kitá -> does not turn
H7725 -- kitá -> away
H3027 -- i Su man -> And His hand
H5750 -- ta keda -> is still
H5186 -- ekstendí -> stretched
H3605 -- i tur -> and every

9:18 Pasobra maldat ta kima manera kandela; e ta kaba ku kadushi i mata di sumpiña; asta e partinan será di mondi e ta pega na kandela, i nan ta subi bai ariba den un kolumna di huma.

9:19 Dor di e furia di e SEÑOR di ehérsitonan e tera a wòrdu kimá, i e pueblo ta manera kombustibel pa e kandela; ningun hende no ta spar su ruman.

9:20 Nan ta morde loke ta na man drechi, ma ainda tin hamber, i nan ta kome loke ta na man robes, ma nan no ta keda satisfecho; kada un di nan ta kome e karni di su mes brasa.

9:21 Manasés ta devorá Efrain, i Efrain Manasés, i huntu nan ta kontra Juda. Apesar di tur esaki Su rabia no ta wòrdu kitá, i Su man ta keda ekstendí.

Isaias 10

10:1 Ai di esnan ku ta dikta statutonan inhustu, i di esnan ku konstantemente ta registrá dekretonan di tirania,

10:2 pa kita hustisia for di esnan ku ta den nesesidat, i pa roba e pobernan di Mi pueblo di nan derecho, pa hasi biuda bira botín pa nan, i pa nan plùnder e wérfanonan.

10:3 Awor kiko boso lo hasi den e dia di kastigu i den e destrukshon ku ta bin for di leu? Serka ken boso lo hui bai pa yudansa? I unda boso lo laga boso rikesa?

10:4 No ta keda nada otro sino sak abou meimei di e katibunan, òf kai meimei di esnan matá. Apesar di tur esaki Su rabia no ta wòrdu kitá, i Su man ta keda ekstendí.

10:5 Ai di Asiria, e bara di Mi rabia, den kende su man e garoti di Mi indignashon ta.

10:6 Lo Mi mand'é kontra un nashon impio i mand'é kontra e pueblo di Mi furia, pa kapturá botín i pa kohe plùnder, i pa trapa riba nan manera riba lodo di kaya.

10:7 Ma esaki no ta su intenshon, tampoko e no ta plania asina den su kurason; ma mas bien ta su propósito pa destruí i pa kaba ku hopi nashon.

10:8 Pasobra e ta bisa: "Tur mi prensnan, no ta rei nan ta?

10:9 Kalno no ta manera Karkemis, òf Hamat manera Arfad, òf Samaria manera Damasko?

10:10 Meskos ku mi man a alkansá e reinonan di e ídolonan, kualnan su imagennan grabá tabata surpasá esnan di Jerusalèm i Samaria,

10:11 lo mi no hasi ku Jerusalèm i su imagennan meskos ku mi a hasi ku Samaria i su ídolonan?"

10:12 Asina lo sosodé ku ora Señor a kompletá tur Su trabou riba Seru Sion i riba Jerusalèm, E lo bisa: "Lo Mi kastigá e fruta di e kurason arogante di rei di Asiria i e mirada orguyoso di su wowonan."

10:13 Pasobra el a bisa: "Ku e poder di mi man i ku mi sabiduria mi a hasi esaki, pasobra mi tin komprendementu; i mi a kita e fronteranan di e pueblonan i a plùnder nan tesoronan; i manera un hòmber poderoso mi a hasi nan habitantenan someté.

10:14 Mi man a alkansá e rikesanan di e pueblonan, manera ta alkansá un neishi, i manera ta piki webu bandoná, mi a piki henter tera. I no tabatin ni un ku a bati hala òf ku a habri pik, òf ku a chip."

10:15 Hacha sa gaba su mes riba esun ku ta kap kuné? Zag sa halsa su mes riba esun ku ta uz'é? Komo si fuera klòp por zwai riba esnan ku ta his'é! Komo si fuera garoti por hisa esun ku no ta palu!

10:16 Pesei Señor, e DIOS di ehérsitonan, lo manda un flakesa meimei di su guereronan robusto, i bou di su gloria un kandela lo wòrdu sendí manera flam di kandela.

10:17 I e lus di Israel lo bira un kandela, i Esun Santu di djé un flam, i esaki lo kima i devorá su kadushinan i su matanan di sumpiña den un solo dia.

10:18 I E lo destruí e gloria di su mondi-será i di su hòfi fruktífero, tantu alma komo kurpa; i lo ta manera ora un hende malu ta kaba na nada.

10:19 E restu di e palunan di su mondi-será lo ta asina poko, ku un mucha lo por konta nan.

10:20 Awor lo sosodé den e dia ei ku e restante di Israel i esnan di e kas di Jakòb ku a skapa nunka mas lo dependé di esun ku a suta nan, ma bèrdaderamente lo dependé di SEÑOR, Esun Santu di Israel.

10:21 Un restante lo bolbe, e restante di Jakòb, serka e Dios poderoso.

10:22 Pasobra maske bo pueblo, O Israel, ta manera e santu di laman, solamente un restante di nan lo bolbe. E destrukshon ku a wòrdu dekretá lo rebosá di hustisia.

10:23 Pasobra un destrukshon kompleto, un ku ta determiná kaba, e Señor DIOS di ehérsitonan lo ehekutá meimei di henter e tera.

10:24 Pesei, asina e Señor DIOS di ehérsitonan ta bisa: "O Mi pueblo, ku ta biba na Sion, no tene miedu di e asirio, ku ta sutabo ku bara i ta lanta su garoti kontra bo, manera Egipto a hasi.

10:25 Pasobra den masha poko tempu Mi indignashon kontra bo lo plakia, i Mi rabia lo ta dirigí pa destruí nan."

10:26 I e SEÑOR di ehérsitonan lo lanta un zwip kontra djé, manera e matansa di Madian na e baranka di Oreb. I Su garoti lo wòrdu hisá ofer di laman, i E lo his'é manera El a hasi na Egipto.

10:27 Asina lo sosodé den e dia ei ku su karga lo wòrdu kitá for di bo skouder i su yugo for di bo nèk, i e yugo lo wòrdu kibrá pa motibu di e zeta di unshon.

10:28 El a bin kontra Ayat, el a pasa dor di Migron; na Mikmas el a depositá su ekipahe.

10:29 Nan a krusa e pasada den seru, bisando: "Geba lo ta nos lugá di hospedá." Rama a keda terorisá, i Gaba di Saul a hui bai.

10:30 Grita na bos haltu, O yu muhé di Galim! Paga atenshon, Lais i pober Anatot!

10:31 Madmena a hui. E habitantenan di Gebim a buska refugio.

10:32 Sinembargo, awe e lo para na Nob; e ta sakudí su moketa pa e seru di e yu muhé di Sion, e seru di Jerusalèm.

10:33 Mira, Señor, e DIOS di ehérsitonan, lo kap e takinan ku gran poder kit'afó. Tambe esnan ku ta di gran haltura lo wòrdu bashá abou, i esnan ku ta arogante lo wòrdu rebahá.

10:34 I E lo kap e partinan mas será di mondi bash'abou ku un hacha di heru, i Líbano lo kai pa medio di Esun Poderoso.

Isaias 11

11:1 Anto un Spreit lo sali for di e tronkon di Isaí, i un Rama for di su raisnan lo karga fruta.

11:2 E Spiritu di SEÑOR lo keda riba djE, e Spiritu di sabiduria i komprendementu, e Spiritu di konseho i poder, e Spiritu di konosementu i temor di SEÑOR.

11:3 I E lo tin delisia den e temor di SEÑOR, i E lo no huzga segun loke Su wowo ta mira, ni hasi desishon segun loke Su orea ta tende;

11:4 ma ku hustisia E lo huzga e pobernan, i disidí ku onestidat pa e afligínan di e tera; i E lo suta e tera ku e bara di Su boka, i ku e rosea di Su lepnan E lo mata e malbado.

11:5 Hustisia lo ta e faha rònt di Su hep, i fieldat e faha rònt di Su sintura.

11:6 Lobo lo ta huntu ku lamchi di karné, leopardo lo kai drumi banda di lamchi di kabritu, i bishé, leon chikitu i bestia gòrdá lo ta huntu, i un mucha chikitu lo guia nan.

11:7 Baka i ber lo kome yerba huntu; nan chikitunan lo drumi banda di otro, i leon lo kome yerba seku manera buey.

11:8 Yu na pechu lo hunga banda di buraku di kolebra, i yu kitá for di pechu lo hinka su man den kueba di víbora.

11:9 Nan lo no kousa daño ni destrukshon den henter Mi seru santu, pasobra tera lo ta yen di e konosementu di SEÑOR, manera awa ta tapa laman.

11:10 Anto lo sosodé den e dia ei ku e nashonnan lo akudí na e Rais di Isaí, Kende lo para komo un señal pa e nashonnan; i Su lugá di sosegá lo ta glorioso.

11:11 I den e dia ei lo sosodé ku Señor lo ekstendé Su man pa di dos bes, pa rekohé e restante di Su pueblo--ku lo keda--for di Asiria, Egipto, Patros, Etiopia, Elam, Sinar, Hamat, i for di e islanan di laman.

11:12 I E lo lanta un emblema pa e nashonnan, i lo trese huntu esnan di Israel ku a wòrdu deportá, i lo reuní esnan di Juda ku a wòrdu plamá, trese nan for di e kuater skinanan di tera.

11:13 E ora ei e envidia di Efrain lo disparsé, i esnan ku ta tormentá Juda lo wòrdu kòrtá kitá afó. Efrain lo no envidiá Juda, i Juda lo no tormentá Efrain.

11:14 Nan lo baha riba skouder di e filisteonan den direkshon pabou; huntu nan lo plùnder e yu hòmbernan di direkshon pariba. Nan lo poderá di Edòm i Moab, i e yu hòmbernan di Amon lo wòrdu sometí na nan.

11:15 SEÑOR lo destruí e lenga di Laman di Egipto kompletamente; i E lo zwai Su man riba Riu Eufrates, ku Su bientu kayente. I E lo dal é partié den shete korida di awa, i hasi hende pasa dor di djé ku sandalia na pia.

11:16 I lo tin un kaminda grandi for di Asiria pa e restante di Su pueblo ku lo keda, meskos ku tabatin pa Israel den e dia ku nan a sali for di tera di Egipto.

Isaias 12

12:1 Anto den e dia ei lo bo bisa: "Lo mi duna gradisimentu na Bo, O SEÑOR, pasobra maske Bo tabata rabiá ku mi, bo rabia a kita, i Bo ta konsolámi.

12:2 Mira, Dios ta mi salbashon; lo mi konfia i no tene miedu; pasobra SEÑOR DIOS ta mi fortalesa i mi kantika, i El a bira mi salbashon."

12:3 Pesei, ku goso boso lo saka awa for di e fuentenan di salbashon.

12:4 I den e dia ei boso lo bisa: "Duna gradisimentu na SEÑOR, invoká Su nòmber. Hasi Su echonan konosí entre e pueblonan; hasi nan kòrda ku Su nòmber ta halsá."

12:5 Alabá SEÑOR ku kantika, pasobra El a hasi kosnan ekselente. Laga esaki ta konosí den henter tera.

12:6 Halsa bos i kanta di alegria, O habitante di Sion, pasobra grandi ta Esun Santu di Israel meimei di boso.