Search the Bible

Hakobo 1; Hakobo 2; Hakobo 3; Hakobo 4; Hakobo 5 BSNP Edit

Hakobo 1

1:1 Santiago, un sirbidó di Dios i di Señor Jesu-Cristo, Na e diesdos tribunan ku ta plamá den stranheria, Saludo.

1:2 Konsiderá esaki komo puru goso, mi rumannan, ora boso haña boso mes den diferente pruebanan,

1:3 sabiendo ku e prueba di boso fe ta produsí pèrseveransia.

1:4 I laga pèrseveransia tin su resultado perfekto, pa boso por ta perfekto i kompleto, sin falta di nada.

1:5 Ma si kualkier di boso falta sabiduria, lagu'é pidi Dios, Kende ta duna na tur hende generosamente i sin reproche, i esaki lo wòrdu duná na djé.

1:6 Ma lagu'é pidi den fe sin ningun duda, pasobra esun ku duda ta manera un ola di laman ku ta wòrdu lastrá i tirá dor di bientu.

1:7 Pasobra no laga e hende ei spera ku e lo risibí algu di Señor,

1:8 siendo un hende di kurason dòbel, inkonstante den tur su kamindanan.

1:9 Ma laga e ruman ku ta den sirkumstansia umilde gloria den su posishon haltu;

1:10 i laga e hende riku gloria den su umiyashon, pasobra manera yerba ku ta floria e lo muri bai.

1:11 Pasobra solo ta sali ku un bientu kayente i ta seka e yerba; i su flor ta kai, i e bunitesa di su aparensia ta keda destruí; asina tambe e hende riku lo marchitá den su empeñonan.

G2246 -- Pasobra solo -> For the sun
G393 -- ta sali -> rises
G2742 -- ku un bientu kayente -> with a scorching
G2742 -- bientu -> wind
G3583 -- i ta seka -> and withers
G5528 -- e yerba -> the grass
G438 -- ; i su flor -> and its flower
G1601b -- ta kai -> falls
G1601b -- kai -> off
G2143 -- i e bunitesa -> and the beauty
G4383 -- di su aparensia -> of its appearance
G622 -- ta keda destruí -> is destroyed
G3779 -- ; asina -> so
G2532 -- tambe -> too
G4145 -- e hende riku -> the rich
G4145 -- hende -> man
G4197 -- den su empeñonan -> in the midst of his pursuits
G3133 -- lo marchitá -> will fade
G3133 -- marchitá -> away

1:12 Bendishoná ta un hende ku ta pèrseverá den prueba; pasobra unabes ku el a pasa e prueba, e lo risibí e korona di bida, ku Señor a primintí na esnan ku ta stim'E.

1:13 No laga ningun hende bisa ora ku e wòrdu tentá: "Mi ta wòrdu tentá dor di Dios"; pasobra Dios no por wòrdu tentá dor di maldat, i E mes no ta tenta ningun hende.

1:14 Ma kada un ta wòrdu tentá ora ku e wòrdu atraí i sedusí dor di su mes pashon.

1:15 Anto ora pashon konsebí, e ta duna lus na piká; i ora piká keda kumplí, e ta produsí morto.

1:16 No sea gañá, mi rumannan stimá.

1:17 Tur bon regalo i tur don perfekto ta for di ariba, i ta baha bin for di e Tata di lusnan, serka Kende no tin variashon ni sombra di kambio.

G3956 -- Tur -> Every
G18 -- bon -> good
G1394 -- regalo -> thing
G1394 -- regalo -> given
G3956 -- i tur -> and every
G5046 -- don perfekto -> perfect
G1434 -- don -> gift
G509 -- ta for di ariba -> is from above
G2597 -- , i ta baha -> coming
G2597 -- baha -> down
G3962 -- bin for di e Tata -> from the Father
G5457 -- di lusnan -> of lights
G3739 -- , serka Kende -> with whom
G1762 -- tin -> there
G3756 -- no tin -> is no
G3883 -- variashon -> variation
G2228 -- ni -> or
G5157 -- sombra di kambio -> shifting
G644 -- sombra -> shadow

1:18 Segun Su boluntat El a hasi nos nase dor di e palabra di bèrdat, pa nos por ta, den un sentido, e promé frutanan entre Su kriaturanan.

1:19 Komprendé esaki, mi rumannan stimá. Tur hende mester ta lihé pa tende, no lihé pa papia i no lihé pa rabia;

1:20 pasobra rabia di hende no ta produsí e hustisia di Dios.

1:21 Pesei, poniendo un banda tur sushedat i tur loke ta keda di maldat, den umildat risibí e palabra ku a wòrdu plantá den boso, kual por salba boso almanan.

1:22 Ma sea kumplidónan di e palabra i no solamente tendedónan ku ta gaña nan mes.

1:23 Pasobra si un hende ta tendedó di e palabra i no kumplidó, e ta manera un hende ku ta wak su kara natural den spil;

1:24 pasobra unabes ku el a wak su mes i a bai, el a lubidá mesora kon e tabata.

1:25 Ma esun ku fiha su bista riba e lei perfekto, e lei di libertat, i ta permanesé den djé, sin bira un tendedó lubidadó, sino un kumplidó bèrdadero, e hende aki lo ta bendishoná den loke e ta hasi.

1:26 Si un hende ta kere ku e ta religioso i tòg no ta frena su lenga, ma ta gaña su mes kurason, e hende aki su religion ta sin balor.

1:27 Esaki ta e religion puru i sin mancha den bista di nos Dios i Tata: bishitá wérfano i biuda den nan aflikshon, i konservá bo mes liber di mancha di mundu.

Hakobo 2

2:1 Mi rumannan, no laga boso fe den nos glorioso Señor Jesu-Cristo ta ku un aktitut di distinshon di persona.

2:2 Pasobra si un hende drenta den boso asamblea bon bistí i ku renchi di oro na dede, i ta drenta tambe un hende pober bistí ku paña sushi,

2:3 i boso ta paga atenshon spesial na esun ku ta bon bistí i ta bisa: "Abo sinta akinan na un bon lugá," i boso ta bisa e hende pober: "Abo bai para ayanan, òf bai sinta banda di e banki pa mi pianan,"

G1914 -- i boso ta paga -> and you pay
G1914 -- atenshon spesial -> special
G1914 -- atenshon spesial -> attention
G5409 -- na esun ku ta bon bistí -> to the one who is wearing
G2986 -- ku ta bon bistí -> the fine
G2066 -- ku ta bon bistí -> clothes
G3004 -- i ta bisa -> and say
G2521 -- "Abo sinta -> You sit
G5602 -- akinan -> here
G2573 -- na un bon -> in a good
G3004 -- lugá," i boso ta bisa -> place,” and you say
G4434 -- e hende pober -> to the poor
G4434 -- e hende pober -> man
G2476 -- "Abo bai para -> You stand
G1563 -- ayanan -> over
G1563 -- ayanan -> there
G2228 -- , òf -> or
G2521 -- bai sinta -> sit
G2521 -- bai sinta -> down
G5286 -- banda di e banki pa mi pianan -> by my footstool

2:4 boso no a hasi distinshon entre boso mes, i a bira huesnan ku mal pensamentu?

2:5 Skucha, mi rumannan stimá: Dios no a skohe e pobernan di e mundu aki pa ta riku den fe i pa ta erederonan di e reino ku El a primintí esnan ku ta stim'E?

2:6 Ma boso a desonrá e hende pober. No ta e riku ta oprimí boso i personalmente ta lastra boso hiba dilanti di hues?

2:7 No ta nan ta blasfemá e bon nòmber ku a wòrdu invoká riba boso?

2:8 Sinembargo, si boso ta kumpliendo ku e lei real, segun e Skritura: "Stima bo próhimo meskos ku bo mes," boso ta hasiendo bon.

2:9 Ma si boso hasi distinshon di persona, boso ta kometé piká i ta wòrdu kondená dor di Lei komo transgresornan.

2:10 Pasobra ken ku kumpli ku henter e Lei i sinembargo ta trompeká den un solo punto, esei a bira kulpabel di tur.

2:11 Pasobra Esun ku a bisa: "No kometé adulterio," a bisa tambe: "No mata." Awor si bo no ta kometé adulterio, ma bo ta mata sí, bo a bira un transgresor di Lei.

2:12 Papia asina i aktua asina, manera esnan ku mester wòrdu huzgá pa e lei di libertat.

2:13 Pasobra huisio lo ta sin miserikòrdia pa ku esun ku no a mustra miserikòrdia. Miserikòrdia ta triunfá riba huisio.

2:14 Kiko ta bal, mi rumannan, si un hende bisa ku e tin fe, ma e no tin obranan? E fe ei por salb'é?

2:15 Si un ruman hòmber òf ruman muhé ta sin paña i den nesesidat di e kuminda di kada dia,

2:16 i un di boso bisa nan: "Bai na pas, tene bo kurpa kayente i yena bo barika," i sinembargo, boso no ta duna nan loke ta nesesario pa nan kurpa, kiko esei ta bal?

2:17 Meskos fe tambe, si e no wòrdu kompañá ku obranan, ta morto riba su mes.

2:18 Ma un hende por bisa: "Abo tin fe i ami tin obranan. "Mustrami bo fe sin e obranan, i ami lo mustrabo mi fe pa medio di mi obranan."

2:19 Bo ta kere ku Dios ta ún. Bo ta hasi bon; e demoñonan tambe ta kere, i ta tembla.

2:20 Ma bo ta dispuesto pa rekonosé, abo hende bobo, ku fe sin obranan ta inútil?

2:21 Nos tata Abraham no a wòrdu hustifiká pa medio di obranan, ora ku el a ofresé su yu Isaak riba altar?

2:22 Bo ta mira ku fe tabata traha huntu ku su obranan, i komo resultado di e obranan, fe a wòrdu perfekshoná;

2:23 i e Skritura a wòrdu kumplí, ku ta bisa: "I Abraham a kere Dios, i esaki a wòrdu kontá p'é komo hustisia," i el a wòrdu yamá e amigu di Dios.

2:24 Boso ta mira ku un hende ta wòrdu hustifiká pa medio di obranan, i no pa medio di fe so.

2:25 I no ta na e mesun manera e prostituta Rahab a wòrdu hustifiká tambe pa medio di obranan, ora ku el a risibí e mensaheronan i a manda nan bai pa un otro kaminda?

2:26 Pasobra meskos ku e kurpa sin spiritu ta morto, asina tambe fe sin obranan ta morto.

Hakobo 3

3:1 No laga hopi di boso bira siñadó, mi rumannan, sabiendo ku komo tal nos lo wòrdu huzgá ku mas severidat.

3:2 Pasobra nos tur ta trompeká na hopi manera. Si un hende no ta trompeká den loke e ta bisa, e ta un hende perfekto, kapas pa frena henter e kurpa tambe.

3:3 Awor si nos pone frena den boka di e kabainan pa nan obedesé nos, nos ta dirigí henter nan kurpa tambe.

3:4 Mira, e barkunan tambe, ounke nan ta asina grandi i ta wòrdu hibá pa bientunan fuerte, tòg ta wòrdu dirigí pa medio di un timon masha chikitu, na unda ku e stürman ta hiba gustu.

3:5 Asina tambe e lenga ta un parti chikitu di e kurpa i tòg e ta gaba di kosnan grandi. Mira kon un mondi asina grandi ta wòrdu pegá na kandela dor di un chispa asina chikitu!

3:6 I e lenga ta un kandela, henter un mundu di inikidat; e lenga ta poní entre nos miembronan komo loke ta kontaminá henter e kurpa, i ta pega e kurso di nos bida na kandela, i ta wòrdu sendí na kandela dor di fièrnu.

3:7 Pasobra tur sorto di bestia salbahe i parha, di bestia ku ta lastra i bestia di laman ta wòrdu mansá i a wòrdu mansá kaba dor di e rasa humano,

3:8 ma lenga ningun hende no por mansa. E ta un maldat sin sosiegu i yen di veneno mortal.

3:9 Kuné nos ta bendishoná nos Señor i Tata; i kuné nos ta maldishoná hende, kende a wòrdu trahá den e semehansa di Dios;

3:10 for di e mesun boka ta sali tantu bendishon komo maldishon. Mi rumannan, e kosnan aki no mester t'asina.

3:11 Akaso for di e mesun boka un fuente ta saka tantu awa dushi komo awa marga?

3:12 Mi rumannan, akaso un palu di figo por produsí oleifi, òf un palu di wendrùif por produsí figo? Tampoko un fuente di awa salu no por produsí awa dushi.

3:13 Ken entre boso ta sabí i huisioso? Laga é mustra dor di su bon kondukta su obranan den suavidat di sabiduria.

3:14 Ma si boso tin envidia amargo i egoismo den boso kurason, no sea arogante i asina gaña kontra e bèrdat.

3:15 E sabiduria aki no ta esun ku ta baha bin for di ariba, ma e ta terenal, natural, diabóliko.

3:16 Pasobra kaminda ta eksistí envidia i egoismo, tin desòrdu i tur sorto di kos malu.

3:17 Ma e sabiduria di ariba primeramente ta puru, despues pasífiko, suave, rasonabel, yen di miserikòrdia i bon fruta, imparsial, sin hipokresia.

3:18 I e simia, kual su fruta ta hustisia, ta wòrdu sembrá den pas dor di esnan ku ta hasi pas.

Hakobo 4

4:1 Kiko ta e origen di pleitu i konflikto entre boso? No ta for di boso deseonan pa plaser, kualnan ta bringa den boso miembronan, nan ta bin?

4:2 Boso ta kudishá i boso no tin; pesei boso ta mata. I boso ta envidiá i no por haña; pesei boso ta bringa i pleita. Boso no tin pasobra boso no ta pidi.

4:3 Boso ta pidi i no ta risibí, pasobra boso ta pidi ku motibu robes, pa boso gast'é den boso plasernan.

4:4 Boso, adúlteranan, boso no sa ku amistat ku mundu ta enemistat pa ku Dios? Pesei, ken ku kier ta amigu di mundu ta hasi su mes enemigu di Dios.

4:5 Of boso ta kere ku ta en bano Skritura ta papia: "E ta anhelá selosamente na e Spiritu, Kende El a hasi biba den nos"?

4:6 Ma E ta duna un grasia mas grandi ainda. Pesei Skritura ta bisa: "Dios ta resistí e orguyosonan, ma ta duna grasia na e umildenan."

4:7 Pesei, someté boso na Dios. Resistí diabel i e lo hui for di boso.

4:8 Hala serka Dios i E lo hala serka boso. Limpia boso mannan, boso pekadónan; i purifiká boso kurason, boso di kurason dòbel.

4:9 Sea afligí i lamentá i yora; laga boso harimentu kambia den yoramentu, i boso goso den tristesa.

4:10 Umiyá boso mes den e presensia di Señor, i E lo halsa boso.

4:11 No papia malu un di otro, rumannan. Esun ku papia malu di un ruman, òf huzga su ruman, ta papia kontra lei i ta huzga lei; ma si bo huzga lei, bo no ta un kumplidó di lei, sino un hues di djé.

G2635 -- No papia -> Do not speak
G240 -- un -> one
G240 -- di otro -> another
G80 -- , rumannan. -> brethren
G2635 -- . Esun ku papia -> . He who speaks
G2635 -- malu di -> against
G80 -- un ruman -> a brother
G2635 -- kontra -> against
G2228 -- òf -> or
G2919 -- huzga -> judges
G80 -- su ruman -> his brother
G2635 -- , ta papia -> speaks
G2635 -- kontra -> against
G3551 -- lei -> the law
G2919 -- i ta huzga -> and judges
G3551 -- lei -> the law
G1487 -- ; ma si -> but if
G2919 -- bo huzga -> you judge
G3551 -- lei -> the law
G4163 -- , bo no ta un kumplidó -> you are not a doer
G3551 -- di lei -> of the law
G2923 -- , sino un hues -> but a judge

4:12 Tin solamente un Dunadó di Lei i Hues, Esun ku por salba i por destruí; ma ta ken abo ta ku bo ta huzga bo próhimo?

4:13 Awor skucha, boso ku ta bisa: "Awe òf mañan nos lo bai tal i tal stat, i keda un aña ayanan i hasi negoshi i saka ganashi."

4:14 Ni sa boso no sa kon boso bida lo ta mañan. Boso ta djis un neblina ku ta paresé pa un poko tempu i despues ta disparsé.

4:15 Mihó boso bisa: "Si Señor kier, nos lo biba i tambe hasi esaki òf esaya."

4:16 Ma awor den boso arogansia boso ta gaba; tur sorto di gabamentu asina ta malu.

4:17 Pesei, pa esun ku sa di hasi loke ta bon, i no ta hasié, p'é esaki ta piká.

Hakobo 5

5:1 Awor skucha, boso rikunan, yora i lamentá pa boso kalamidatnan ku ta biniendo riba boso.

5:2 Boso rikesa a putri i mòt a kome boso pañanan.

5:3 Boso oro i boso plata a frustia, i nan frustu lo ta un testimonio kontra boso i lo kaba ku boso karni meskos ku kandela. Ta den e último dianan boso a akumulá boso tesoro!

5:4 At'e pago ku boso a keda sin paga e trahadónan ku a kòrta yerba den boso kunukunan ta sklama kontra boso; i e yoramentu di esnan ku a kosechá a yega na orea di e Señor di Sabaot.

5:5 Boso a hiba un bida di luho riba tera i a entregá boso mes na plaser; boso a gòrda boso kurason den un dia di matansa.

5:6 Boso a kondená i mata e hende hustu; e no ta resistí boso.

5:7 Pesei, tene pasenshi, rumannan, te na e binida di Señor. At'e kunukero ta spera e produkto presioso di e tera, teniendo pasenshi kuné, te ora ku e haña e awaserunan tempran i lat.

5:8 Boso tambe tene pasenshi; fortalesé boso kurason, pasobra e binida di Señor ta serka.

5:9 No keha un kontra otro, rumannan, pa boso mes no wòrdu huzgá; at'e Hues ta pará na porta.

5:10 Rumannan, tuma e profetanan ku a papia den e nòmber di Señor komo un ehèmpel di sufrimentu i di pasenshi.

5:11 Mira, nos ta konsiderá komo bendishoná esnan ku a pèrseverá. Boso a tende di e pèrseveransia di Jòb i a mira e fin ku Señor tabatin na bista, ku Señor ta yen di kompashon i ta miserikòrdioso.

5:12 Ma riba tur kos, mi rumannan, no hura, ni pa shelu ni pa tera ni pa ningun otro huramentu; ma laga boso sí ta sí, i boso nò ta nò; pa boso no kai bou di kondenashon.

G4253 -- Ma riba -> But above
G3956 -- tur -> all
G80 -- , mi rumannan -> my brethren
G3660 -- , no hura -> do not swear
G3383 -- , ni -> either
G3772 -- pa shelu -> by heaven
G3383 -- ni -> or
G1093 -- pa tera -> by earth
G3383 -- ni -> or
G5100 -- pa ningun -> with any
G243 -- otro -> other
G3727 -- huramentu -> oath
G3483a -- ; ma laga boso sí -> but your yes
G3483a -- ta sí -> is to be yes
G3756 -- , i boso nò -> and your no
G3756 -- ta nò -> no
G2443 -- ; pa -> so
G4098 -- boso no kai -> that you may not fall
G5259 -- bou -> under
G2920 -- di kondenashon -> judgment

5:13 Tin un hende entre boso ku ta sufri? Lagu'é hasi orashon. Tin un hende ku ta kontentu? Lagu'é kanta alabansa.

5:14 Tin un hende entre boso ku ta malu? Lagu'é yama e ansianonan di iglesia, i laga nan hasi orashon p'é, huntando é ku zeta den e nòmber di Señor;

5:15 i e orashon hasí den fe lo restorá esun ku ta malu, i Señor lo lant'é, i si el a kometé piká, e lo wòrdu pordoná.

5:16 Pesei, konfesá boso pikánan un na otro, i hasi orashon un pa otro, pa boso wòrdu kurá. E orashon efektivo di un hende hustu por logra hopi.

5:17 Elias tabata un hòmber ku un naturalesa meskos ku di nos, i el a hasi orashon fervientemente pa awa no yobe; i awa no a yobe riba tera pa tres aña i seis luna.

5:18 I el a bolbe hasi orashon, i shelu a duna awaseru, i tera a produsí su fruta.

5:19 Mi rumannan, si kualkier di boso desviá di e bèrdat, i un hende hasié bolbe,

5:20 lagu'é sa ku esun ku hasi un pekadó bolbe di e eror di su kaminda lo salba su alma for di morto, i lo kubri un multitut di piká.