Search the Bible

2 Tesalonisensenan 1; 2 Tesalonisensenan 2; 2 Tesalonisensenan 3 BSNP Edit

2 Tesalonisensenan 1

1:1 Pablo i Silvano i Timoteo, Na e iglesia di e tesalonisensenan den Dios nos Tata i Señor Jesu-Cristo:

1:2 Grasia sea ku boso i pas di Dios Tata i di Señor Jesu-Cristo.

1:3 Nos mester gradisí Dios semper pa boso, rumannan, manera ta pas pa nos hasi, pasobra boso fe a krese hopi, i e amor di kada un di boso pa otro ta bira mas i mas grandi;

G3784 -- Nos mester -> We ought
G3842 -- semper -> always
G2168 -- gradisí -> to give
G2168 -- Dios -> thanks
G2316 -- Dios -> to God
G80 -- pa boso, rumannan -> for you, brethren
G514 -- manera ta pas -> ] fitting
G3754 -- pasobra -> because
G4102 -- boso fe -> your faith
G5232 -- a krese hopi -> is greatly
G5232 -- a krese hopi -> enlarged
G26 -- , i e amor -> and the love
G1538 -- di kada -> of each
G1520 -- un -> one
G1519 -- di boso pa -> of you toward
G240 -- otro -> one
G240 -- otro -> another
G4121 -- ta bira -> grows
G4121 -- mas i mas grandi -> ] greater

1:4 pesei nos mes ta gaba boso den e iglesianan di Dios pa boso pèrseveransia i fe den tur boso pèrsekushonnan i aflikshonnan ku boso ta soportá.

1:5 Esaki ta un indikashon bon kla di e huisio hustu di Dios, pa boso wòrdu konsiderá digno di e reino di Dios, pa kual di bèrdat boso ta sufri.

1:6 Pasobra ta hustu dilanti di Dios pa paga ku aflikshon esnan ku ta afligí boso,

1:7 i pa duna alivio na boso ku ta wòrdu afligí i na nos tambe ora Señor Jesus wòrdu manifestá for di shelu ku Su angelnan poderoso den kandela tur na flam,

1:8 pa duna pago meresí na esnan ku no konosé Dios i na esnan ku no ta obedesé e evangelio di nos Señor Jesus.

1:9 I esakinan lo paga e kastigu di pèrdishon etèrno, leu for di e presensia di Señor i di e gloria di Su poder,

1:10 ora ku E bin pa wòrdu glorifiká den Su santunan riba e dia ei, i pa wòrdu atmirá dor di tur esnan ku a kere--pasobra boso a kere nos testimonio duná na boso.

1:11 Ku e propósito aki tambe nos ta hasi orashon semper pa boso, ku nos Dios lo konsiderá boso digno di e yamada aki i, ku Su poder, kumpli ku tur deseo pa hasi bon i ku tur obra di fe;

1:12 pa e nòmber di nos Señor Jesus wòrdu glorifiká den boso, i boso den djE, segun e grasia di nos Dios i di Señor Jesu-Cristo.

2 Tesalonisensenan 2

2:1 Awor nos ta pidi boso, rumannan, ku bista riba e binida di nos Señor Jesu-Cristo, i di nos reunion kunE,

2:2 pa boso no wòrdu moví lihé for di boso manera di pensa, ni bira intrankil pa motibu di un spiritu òf un mensahe òf un karta ku supuestamente a bin di nos, ku ta bisa ku e dia di Señor a yega kaba.

2:3 No laga ni un hende gaña boso di ningun manera, pasobra e dia ei lo no bin promé ku e kaimentu for di fe yega i e hòmber di piká keda manifestá, e yu di pèrdishon,

2:4 kende ta oponé i ta halsa su mes riba tur loke ta wòrdu yamá Dios òf opheto di adorashon, asina ku e ta tuma asiento den e tèmpel di Dios, proklamando su mes komo Dios.

2:5 Boso no ta kòrda ku mientras mi tabata serka boso ainda, mi tabata konta boso e kosnan aki?

2:6 I boso sa kiko ta strob'é awor, pa na su tempu e wòrdu manifestá.

2:7 Pasobra e misterio di inikidat ta obrando kaba; solamente esun ku ta stroba awor lo sigui hasi asina te ora ku e wòrdu kitá for di kaminda.

2:8 I e ora ei e malbado ei lo wòrdu manifestá, kende Señor lo destruí ku e rosea di Su boka i kaba kuné ku e resplandor di Su binida,

2:9 esta, esun kende su binida ta di akuèrdo ku e aktividat di Satanás, ku tur poder i señalnan i maraviyanan falsu,

2:10 i ku tur e engaño di inikidat pa esnan ku ta peresé, pasobra nan no a aseptá e amor pa e bèrdat, pa nan por wòrdu salbá.

2:11 I pa e motibu aki Dios lo manda riba nan un influensia di eror, pa nan kere mentira,

2:12 pa nan tur wòrdu huzgá, kendenan no a kere e bèrdat, ma a hiba gustu den maldat.

2:13 Ma nos mester gradisí Dios semper pa boso, rumannan stimá di Señor, pasobra Dios a skohe boso for di prinsipio pa salbashon pa medio di e obra di santifikashon dor di e Spiritu i fe den e bèrdat.

G3784 -- Ma nos mester -> But we should
G3842 -- semper -> always
G2168 -- gradisí -> give
G2168 -- Dios -> thanks
G2316 -- Dios -> to God
G80 -- pa boso, rumannan -> for you, brethren
G25 -- stimá -> beloved
G2962 -- di Señor -> by the Lord
G3754 -- pasobra -> because
G2316 -- Dios -> God
G138 -- a skohe -> has chosen
G746 -- boso for di prinsipio -> you from the beginning
G4991 -- pa salbashon -> for salvation
G1722 -- pa medio di -> through
G38 -- e obra di santifikashon -> sanctification
G4151 -- dor di e Spiritu -> by the Spirit
G4102 -- i fe -> and faith
G225 -- den e bèrdat -> in the truth

2:14 I ta pa esaki El a yama boso pa medio di nos evangelio, pa boso haña e gloria di nos Señor Jesu-Cristo.

2:15 Asina anto, rumannan, para firme i tene na e tradishonnan ku nos a siña boso, sea pa medio di palabra òf pa medio di nos karta.

2:16 Awor ku nos Señor Jesu-Cristo mes i Dios nos Tata, Kende a stima nos i a duna nos konsuelo etèrno i bon speransa pa medio di grasia,

2:17 konsolá i fortalesé boso kurason den tur bon obra i palabra.

2 Tesalonisensenan 3

3:1 Finalmente, rumannan, hasi orashon pa nos, ku e palabra di Señor por plama rápidamente i wòrdu glorifiká, meskos ku serka boso tambe;

3:2 i ku nos por wòrdu librá di hendenan pèrvèrso i malbado; pasobra no ta tur tin fe.

3:3 Ma Señor ta fiel, i E lo fortalesé i warda boso di e malbado.

3:4 I nos tin konfiansa den Señor tokante di boso, ku boso ta hasiendo i lo sigui hasi loke nos ta ordená.

3:5 I ku Señor dirigí boso kurason den e amor di Dios i den e firmesa di Cristo.

3:6 Awor nos ta ordená boso, rumannan, den e nòmber di nos Señor Jesu-Cristo, pa boso alehá boso di tur ruman ku ta hiba un bida desordená i no segun e tradishon ku boso a risibí for di nos.

G1161 -- Awor -> Now
G3853 -- nos ta ordená -> we command
G80 -- boso, rumannan -> you, brethren
G3686 -- , den e nòmber -> in the name
G2962 -- di nos Señor -> of our Lord
G2424 -- Jesu-Cristo -> Jesus
G5547 -- , -> Christ
G4724 -- pa boso alehá -> that you keep
G4724 -- boso -> away
G3956 -- di tur -> from every
G80 -- ruman -> brother
G4043 -- ku ta hiba -> who leads
G814 -- un bida desordená -> an unruly
G4043 -- i no segun -> life
G2596 -- e tradishon -> and not according
G3862 -- ku boso a risibí -> to the tradition
G3739 -- for di nos -> which
G3880 -- . -> you received

3:7 Pasobra boso mes sa di ki manera boso mester sigui nos ehèmpel, pasobra nos no a komportá nos mes na un manera desordená meimei di boso;

3:8 tampoko nos no a kome pan di ningun hende sin paga, ma ku trabou i esfuerso nos a traha anochi i di dia, pa nos no ta un karga pa ningun di boso;

3:9 no pasobra nos no tin derecho di hasi esaki, ma pa nos pone nos mes komo un modelo pa boso, pa boso sigui nos ehèmpel.

3:10 Pasobra tambe tempu ku nos tabata serka boso, nos tabatin e kustumber di ordená boso esaki: si un hende no kier traha, no lagu'é kome tampoko.

3:11 Pasobra nos ta tende ku algun den boso ta hiba un bida desordená, sin hasi ningun trabou, ma ta mete den asunto di otro hende.

3:12 Awor sorto di hendenan asina nos ta ordená i eksortá den Señor Jesu-Cristo pa traha na un manera trankil i kome nan mes pan.

3:13 Ma boso, rumannan, no kansa di hasi bon.

3:14 Ma si algun hende no obedesé nos instrukshon den e karta aki, tuma bon nota di e hende ei i no asosiá kuné, pa e wòrdu brongosá.

3:15 Tòg, no konsider'é komo enemigu, ma spièrt'é komo ruman.

3:16 Awor, ku e Señor di pas mes kontinuamente duna boso pas den tur sirkumstansia. Señor sea ku boso tur!

3:17 Ami, Pablo, ta skirbi e saludo aki ku mi mes man, i esaki ta e señal den tur karta; asina mi ta skirbi.

3:18 Grasia di nos Señor Jesu-Cristo sea ku boso tur. Amèn.