Search the Bible

1 Kronikonan 26; 1 Kronikonan 27; 1 Kronikonan 28; 1 Kronikonan 29 BSNP Edit

1 Kronikonan 26

26:1 Pa e divishonnan di e wardadónan-di-porta tabatin di e koreitanan: Meselemias, yu hòmber di Koré, di e yu hòmbernan di Asaf.

26:2 I Meselemias tabatin yu hòmbernan: Zakarias, e primogénito; Jediael, e di dos; Zebadias, e di tres; Jatniel, e di kuater;

26:3 Elam, e di sinku; Johanan, e di seis; Elioenai, e di shete.

26:4 I Obed-edòm tabatin yu hòmbernan: Semaias, e primogénito; Jozabad, e di dos; Joa, e di tres; Sakar, e di kuater; Natanael, e di sinku;

26:5 Amiel, e di seis; Isakar, e di shete; i Peultai, e di ocho; Dios a bendishon'é di bèrdat.

26:6 Tambe pa su yu hòmber Semaias a nase yu hòmbernan ku tabata goberná riba e kas di nan tata, pasobra nan tabata hòmbernan poderoso i balente.

26:7 E yu hòmbernan di Semaias tabata Otni, Rafael, Obed i Elzabad, kende su ruman hòmbernan Eliú i Samakias tabata hòmbernan balente.

26:8 Tur esakinan tabata di e yu hòmbernan di Obed-edòm; nan i nan yu hòmbernan i nan rumannan tabata hòmbernan kapas i fuerte pa e sirbishi, 62 for di Obed-edòm.

26:9 I Meselemias tabatin yu hòmbernan i rumannan, 18 hòmber balente.

26:10 Tambe Hosa, un di e yu hòmbernan di Merari, tabatin yu hòmbernan: Simri, e promé; (ounke ku e no tabata e primogénito, su tata a hasié e promé);

26:11 Hilkias, e di dos; Tebalias, e di tres; Zakarias, e di kuater; na tur, e yu hòmbernan i e rumannan di Hosa tabata 13.

26:12 Na e divishonnan aki di e wardadónan-di-porta, e hòmbernan lider, a wòrdu duná responsabilidatnan meskos ku nan rumannan, pa sirbi den e kas di SEÑOR.

26:13 Nan a tira lòt, tantu chikitu komo grandi, segun e kasnan di nan tatanan, pa kada porta di stat.

26:14 I e lòt pa e porta pariba a kai riba Selemias. Despues nan a tira lòt pa su yu hòmber Zakarias, un konsehero ku disernimentu, i su lòt a kai pa esun panòrt.

26:15 Pa Obed-edòm, e lòt a kai pa e Porta Pasùit, i pa su yu hòmbernan, e mangasina.

26:16 Pa Supim i Hosa e lòt a kai pa e Porta Pabou, banda di e Porta di Saleket, na e subida di e kaminda grandi--guardia enfrente di guardia.

26:17 Parti pariba tabatin seis levita, parti panòrt kuater tur dia, parti pasùit kuater tur dia, i na e mangasina dos-dos.

26:18 Na e plenchi parti pabou tabatin kuater na e kaminda grandi i dos na e plenchi.

26:19 Esakinan tabata e divishonnan di e wardadónan-di-porta di e yu hòmbernan di Koré i di e yu hòmbernan di Merari.

26:20 I e levitanan, nan rumannan, tabata enkargá ku e tesoronan di e kas di Dios i ku e tesoronan di e kosnan dediká.

26:21 E yu hòmbernan di Laadan, e yu hòmbernan di e gersonitanan ku ta pertenesé na Laadan, esta, e jehielitanan, tabata e kabesnan di e kasnan di e tatanan, ku ta pertenesé na Laadan e gersonita.

26:22 E yu hòmbernan di Jehieli, Zetam i su ruman hòmber Joel, tabatin enkargo di e tesoronan di e kas di SEÑOR.

26:23 Pa loke ta e amramitanan, e izharitanan, e hebronitanan i e uzielitanan:

26:24 Sebuel, yu hòmber di Gerson, yu hòmber di Moisés, tabata e ofisial enkargá ku e tesoronan.

26:25 I su rumannan di e desendensia di Eliezer tabata su yu hòmber, Rehabias; Rehabias su yu hòmber, Jesaias; Jesaias su yu hòmber, Joram; Joram su yu hòmber, Zikri, i Zikri su yu hòmber, Selomit.

26:26 E Selomit aki i su rumannan tabatin enkargo di tur e tesoronan di e kosnan dediká, ku rei David i e kabesnan di e kasnan di e tatanan, e komandantenan di milnan i shennan, i komandantenan di e ehérsito, a dediká.

26:27 Nan a dediká parti di e botín ku nan a gana den batayanan pa drecha e kas di SEÑOR.

26:28 I tur kos ku Samuel, e miradó, i Saul, yu hòmber di Kis, i Abner, yu hòmber di Ner, i Joab, yu hòmber di Sarvia, a dediká, i tur otro kos ku a wòrdu dediká, tabata na enkargo di Selomit i su rumannan.

26:29 I pa loke ta e izharitanan, Kenanias i su yu hòmbernan a wòrdu nombrá pa atendé e responsabilidatnan pafó di Jerusalèm, komo ofisialnan i huesnan di Israel.

26:30 Pa loke ta e hebronitanan, Hasabias i su rumannan, mil shete shen hòmber kapas, tabatin enkargo di e asuntonan di Israel pabou di Jordan, pa tur e obra di SEÑOR i e sirbishi di rei.

26:31 Entre e hebronitanan, Jerias tabata hefe di e hebronitanan segun genealogia di e kasnan di nan tatanan. Den e di kuarenta aña di David su reinado nan a wòrdu investigá, i hòmbernan di gran kapasidat a wòrdu hañá meimei di nan na Jazer di Galaad.

H2276 -- Entre e hebronitanan -> As for the Hebronites
H3404 -- Jerias -> Jerijah
H7218 -- tabata hefe -> the chief
H2276 -- di e hebronitanan -> (these Hebronites
H8435 -- segun genealogia -> according to their genealogies
H1 -- di e kasnan di nan tatanan -> and fathers’
H705 -- Den e di kuarenta -> ], in the fortieth
H8141 -- aña -> year
H1875 -- a wòrdu investigá -> were investigated
H1732 -- di David -> of David’s
H4438 -- su reinado -> reign
H1368 -- i hòmbernan -> and men
H1368 -- di gran -> of outstanding
H2428 -- kapasidat -> capability
H4672 -- a wòrdu hañá -> were found
H3270 -- meimei di nan na Jazer -> among them at Jazer
H1568 -- di Galaad -> of Gilead

26:32 I su rumannan, hòmbernan kapasitá, tabata dos mil shete shen, kabesnan di e kasnan di e tatanan. I rei David a nombra nan riba e rubenitanan, e gaditanan i e mitar tribu di Manasés, enkuanto tur e asuntonan di Dios i di rei.

H251 -- I su rumannan -> and his relatives
H2428 -- hòmbernan kapasitá -> capable
H1121 -- hòmbernan -> men
H505 -- dos mil shete shen -> ] 2,700
H7218 -- kabesnan -> in number, heads
H1 -- di e kasnan di e tatanan -> of fathers’
H4428 -- I rei -> ]. And King
H1732 -- David -> David
H6485 -- a nombra -> made
H6485 -- nan riba -> them overseers
H7206 -- e rubenitanan -> of the Reubenites
H1425 -- e gaditanan -> the Gadites
H2677 -- i e mitar tribu -> and the half-tribe
H4520 -- di Manasés -> of the Manassites
H3605 -- enkuanto tur -> concerning all
H1697 -- e asuntonan -> the affairs
H4428 -- di Dios i di rei -> and of the king
H430 -- di Dios -> of god

1 Kronikonan 27

27:1 Awor esaki ta e kantidat di e yunan di Israel, e kabesnan di e kasnan di e tatanan, komandantenan di milnan i di shennan, i nan ofisialnan ku tabata sirbi rei den tur e asuntonan di e divishonnan ku tabata drenta i sali luna tras luna durante di tur e lunanan di aña; kada divishon tabatin 24.000 hòmber.

H4557 -- Awor esaki ta e kantidat -> ] the enumeration
H1121 -- di e yunan -> of the sons
H3478 -- di Israel -> of Israel
H7218 -- e kabesnan -> the heads
H1 -- di e kasnan di e tatanan -> of fathers’
H8269 -- komandantenan -> ], the commanders
H505 -- di milnan -> of thousands
H3967 -- i di shennan -> and of hundreds
H7860 -- i nan ofisialnan -> and their officers
H8334 -- ku tabata sirbi -> who served
H4428 -- rei -> the king
H3605 -- den tur -> in all
H1697 -- e asuntonan -> the affairs
H4256 -- di e divishonnan -> of the divisions
H935 -- ku tabata drenta -> which came
H3318 -- i sali -> in and went
H2320 -- luna -> out month
H2320 -- tras luna -> by month
H3605 -- durante di tur -> throughout all
H2320 -- e lunanan -> the months
H8141 -- di aña -> of the year
H259 -- kada -> each
H4256 -- divishon -> division
H6242 -- 24.000 hòmber -> ] 24,000

27:2 Jasobeam, yu hòmber di Zabdiel, tabatin enkargo di e promé divishon pa e promé luna; i den su divishon tabatin 24.000 hòmber.

27:3 E tabata di e yu hòmbernan di Fares, i tabata hefe di tur e komandantenan di e ehérsito pa e promé luna.

27:4 Dodai e ahohita, i su divishon tabatin enkargo di e divishon pa e di dos luna, i Miklot tabata e lider; i den su divishon tabatin 24.000 hòmber.

27:5 E di tres komandante di e ehérsito pa e di tres luna tabata Bènaia, yu hòmber di saserdote Joiada, komo hefe; i den su divishon tabatin 24.000 hòmber.

27:6 E Bènaia aki tabata e hòmber poderoso di e trintanan, i e tabatin enkargo di trinta; i su yu hòmber Amizabad tabata manda riba su divishon.

27:7 E di kuater pa e di kuater luna tabata Asael, ruman hòmber di Joab, i su yu hòmber Zebadias despues di djé; i den su divishon tabatin 24.000 hòmber.

27:8 E di sinku pa e di sinku luna tabata komandante Samhut e izraita; i den su divishon tabatin 24.000 hòmber.

27:9 E di seis pa e di seis luna tabata Ira, yu hòmber di Ikes e tekoita; i den su divishon tabatin 24.000 hòmber.

27:10 E di shete pa e di shete luna tabata Heles e pelonita, di e yu hòmbernan di Efrain; i den su divishon tabatin 24.000 hòmber.

27:11 E di ocho pa e di ocho luna tabata Sibekai e husatita, di e zeraitanan; i den su divishon tabatin 24.000 hòmber.

27:12 E di nuebe pa e di nuebe luna tabata Abiezer e anatotita, di e benjaminitanan; i den su divishon tabatin 24.000 hòmber.

27:13 E di dies pa e di dies luna tabata Maharai e netofatita, di e zeraitanan; i den su divishon tabatin 24.000 hòmber.

27:14 E di diesun pa e di diesun luna tabata Bènaia e piratonita, di e yu hòmbernan di Efrain; i den su divishon tabatin 24.000 hòmber.

27:15 E di diesdos pa e di diesdos luna tabata Heldai e netofatita, di Otoniel; i den su divishon tabatin 24.000 hòmber.

27:16 Awor esnan enkargá ku e tribunan di Israel: e ofisial di e rubenitanan tabata Eliezer, yu hòmber di Zikri; di e simeonitanan: Sefatias, yu hòmber di Maaka;

27:17 di Leví: Hasabias, yu hòmber di Kemuel; di Aaron: Sadok;

27:18 di Juda: Eliú, un di David su ruman hòmbernan; di Isakar: Omri, yu hòmber di Mikael;

27:19 di Zabulon: Ismaias, yu hòmber di Abdias; di Nèftalí: Jerimot, yu hòmber di Azriel;

27:20 di e yu hòmbernan di Efrain: Hosea, yu hòmber di Azazias; di e mitar tribu di Manasés: Joel, yu hòmber di Pedaias;

27:21 di e mitar tribu di Manasés na Galaad: Ido, yu hòmber di Zakarias; di Benjamin: Jaasiel, yu hòmber di Abner;

27:22 di Dan: Azareel, yu hòmber di Jeroham. Esakinan tabata e prensnan di e tribunan di Israel.

27:23 Ma David no a konta esnan di binti aña di edat bai abou, pasobra SEÑOR a bisa ku E lo multipliká Israel manera e streanan di shelu.

27:24 Joab, yu hòmber di Sarvia, a kuminsá konta nan, ma no a kaba; i pa motibu di esaki furia a bin riba Israel, i e kantidat no tabata inkluí den e registro di e krónikanan di rei David.

27:25 Awor Azmavet, yu hòmber di Adiel, tabatin rei su lugánan-di-warda-tesoro na su enkargo. I Jonatan, yu hòmber di Uzias, tabatin e depósitonan den kunuku, den e statnan, den e pueblitonan i den e torennan na su enkargo.

27:26 I Ezri, yu hòmber di Kelub, tabatin e trahadónan ku tabata kultivá e tera na su enkargo.

27:27 I Simei e ramatita tabatin e kunukunan di wendrùif na su enkargo. I Zabdi e sifmita tabatin e produktonan di e kunukunan di wendrùif den e bodeganan di biña na su enkargo.

27:28 I Baal-hanan e gederita tabatin e palunan di oleifi i di sikamor den e vayenan na su enkargo. I Joas tabatin e depósitonan di zeta na su enkargo.

27:29 I Sitrai e saronita tabatin e bestianan di kria ku tabata kome yerba na Saron na su enkargo. I Safat, yu hòmber di Adlai, tabatin e bestianan di kria den e vayenan na su enkargo.

27:30 I Obil e ismaelita tabatin e kamelnan na su enkargo. I Jehedias e meronotita tabatin e burikunan na su enkargo.

27:31 I Jaziz e hagareno tabatin e tounan di bestia chikitu na su enkargo. Tur esakinan tabata atministradónan di e propiedat ku tabata pertenesé na rei David.

27:32 Tambe Jonatan, David su tio, tabata un konsehero, un hòmber di komprendementu i un eskriba; i Jehiel, yu hòmber di Hakmoni, tabata ku e yu hòmbernan di rei.

27:33 I Ahitofel tabata konsehero di rei; i Husai e arkita tabata rei su amigu.

27:34 I Joiada, yu hòmber di Bènaia, i Abiatar a sigui Ahitofel. I Joab tabata komandante di rei su ehérsito.

1 Kronikonan 28

28:1 Awor David a reuní tur e ofisialnan di Israel na Jerusalèm, e prensnan di e tribunan i e komandantenan di e divishonnan ku tabata sirbi rei, e komandantenan di milnan i e komandantenan di shennan, i e atministradónan di tur propiedat i bestia di kria ku tabata pertenesé na rei i su yu hòmbernan, huntu ku e ofisialnan i e hòmbernan poderoso, tur e hòmbernan balente.

28:2 E ora ei rei David a lanta para i a bisa: "Mi rumannan i mi pueblo, skuchami. Mi tabatin intenshon di traha un kas permanente pa e arka di e aliansa di SEÑOR i pa e banki-pa-pia di nos Dios. Asina mi a hasi preparashonnan pa trah'é.

28:3 Ma Dios a bisami: 'Abo lo no traha un kas pa Mi nòmber, pasobra bo ta un hòmber di guera i bo a drama sanger.'

28:4 "Tòg, SEÑOR, e Dios di Israel, a skohemi for di henter e kas di mi tata pa ta rei riba Israel pa semper. Pasobra El a skohe Juda pa ta lider, i for di e kas di Juda, mi tata su kas, i entre e yu hòmbernan di mi tata El a hiba gustu den mi pa hasimi rei di henter Israel.

28:5 I di tur mi yu hòmbernan (pasobra SEÑOR a dunami hopi yu hòmber), El a skohe mi yu Salomon pa sinta riba trono di e reino di SEÑOR riba Israel.

28:6 I El a bisami: 'Bo yu Salomon ta esun ku lo traha Mi kas i Mi plenchinan; pasobra Mi a skoh'é pa ta un yu pa Mi, i Ami lo ta un tata p'é.

28:7 I lo Mi stablesé su reino pa semper, si e pèrseverá pa kumpli ku Mi mandamentunan i Mi ordenansanan, manera riba dia djawe.'

28:8 "Asina anto, den bista di henter Israel, e asamblea di SEÑOR, i pa nos Dios tende, warda i skudriñá tur e mandamentunan di SEÑOR bo Dios, pa bo por poseé e bon tera i lagu'é komo erensia pa bo yu hòmbernan despues di bo pa semper.

28:9 "Pa loke t'abo, mi yu Salomon, konosé e Dios di bo tata, i sirbiE ku henter bo kurason i ku un alma boluntario; pasobra SEÑOR ta skudriñá tur kurason i ta komprendé tur intenshon di e pensamentunan. Si bo busk'E, E lo lagabo hañ'E; ma si bo bandon'E, E lo rechasábo pa semper.

28:10 Pensa bon awor, pasobra SEÑOR a skohebo pa traha un kas pa e santuario; tene kurashi i aktua."

28:11 E ora ei David a duna su yu hòmber Salomon e plan di e veranda di e tèmpel, su edifisionan, su depósitonan, su kambernan ariba, su kambernan paden i e lugá pa e propisiatorio;

28:12 i e plan di tur loke e tabatin pensá pa e plenchinan di e kas di SEÑOR, i pa tur e kambernan tur rònt, pa e depósitonan di e kas di Dios, i pa e depósitonan di e kosnan dediká;

28:13 tambe pa e divishonnan di e saserdotenan i e levitanan i pa henter e trabou di sirbishi di e kas di SEÑOR i pa tur e artíkulonan-di-uzo di sirbishi den e kas di SEÑOR;

28:14 pa e artíkulonan-di-uzo di oro, e peso di oro pa tur artíkulo-di-uzo pa tur sorto di sirbishi; pa e artíkulonan-di-uzo di plata, e peso di plata pa tur artíkulo-di-uzo pa tur sorto di sirbishi;

28:15 i e peso di oro pa e kandelánan di oro i nan lampinan di oro, ku e peso di kada kandelá i su lampinan, i e peso di plata pa e kandelánan di plata, ku e peso di kada kandelá i su lampinan konforme e uzo di kada kandelá;

28:16 i e oro na peso pa e mesanan di e pan di proposishon, pa kada mesa; i plata pa e mesanan di plata;

28:17 i e fòrkinan, e kòmchinan i e kanikanan di oro puru, i pa e kòmchinan di oro, segun e peso di kada kòmchi; i pa e kòmchinan di plata, segun e peso di kada kòmchi;

28:18 i pa e altar di sensia, oro refiná segun peso; i oro pa e konstrukshon di e garoshi, esta, e kerubinnan, ku tabatin nan halanan habrí, i ku tabata kubri e arka di e aliansa di SEÑOR.

28:19 "Tur esaki," David a bisa, "Señor a hasimi komprendé por eskrito, dor di Su man ku tabata riba mi, tur e detayenan di e plan aki."

28:20 E ora ei David a bisa su yu Salomon: "Sea fuerte, tene kurashi i aktua; no tene miedu ni desmayá, pasobra SEÑOR Dios, mi Dios, ta ku bo. E lo no fayabo, ni bandonábo te ora tur e trabou pa e sirbishi di e kas di SEÑOR keda kla.

28:21 At'awor, tin e divishonnan di e saserdotenan i e levitanan pa henter e sirbishi di e kas di Dios, i kada hòmber boluntario i kapasitá lo ta ku bo den tur e trabou pa tur sorto di sirbishi. Tambe e ofisialnan i henter e pueblo lo ta kompletamente na bo òrdu."

1 Kronikonan 29

29:1 E ora ei rei David a bisa henter e asamblea: "Mi yu Salomon, e úniko ku Dios a skohe, ta hoben ainda i sin eksperensia i e trabou ta grandi; pasobra e tèmpel no ta pa hende, sino pa SEÑOR Dios.

29:2 Awor ku tur mi abilidat mi a proveé pa e kas di mi Dios: oro pa e kosnan di oro, plata pa e kosnan di plata i bròns pa e kosnan di bròns, heru pa e kosnan di heru, palu pa e kosnan di palu, piedra di òneks i piedra presioso pa dòrna, piedra pretu i piedra di varios koló, i tur sorto di piedra presioso i alabaster na abundansia.

29:3 I ademas, pa motibu di e delisia ku mi tin den e kas di mi Dios, mi ta duna e kas di mi Dios e tesoro ku mi tin na oro i plata, fuera di tur loke mi a proveé kaba pa e tèmpel santu:

29:4 tres mil talento di oro, di e oro di Ofir, i shete mil talento di plata refiná, pa fura e murayanan di e edifisionan;

29:5 oro pa e kosnan di oro, i plata pa e kosnan di plata, esta, pa tur e trabou ku e artesanonan a hasi. Ken anto ta boluntario pa konsagrá su mes na SEÑOR awe?"

29:6 E ora ei e lidernan di e kasnan di e tatanan, e prensnan di e tribunan di Israel, e komandantenan di milnan i di shennan, huntu ku e atministradónan di e trabou di rei, a duna ofrenda boluntariamente;

29:7 i pa e sirbishi di e kas di Dios nan a duna sinku mil talento, dies mil drakma di oro, dies mil talento di plata, diesocho mil talento di bròns i shen mil talento di heru.

29:8 I esnan ku tabatin piedra presioso a duna esakinan pa e lugá-di-warda-tesoro di e kas di SEÑOR, bou di kuido di Jehiel e gersonita.

29:9 E ora ei e pueblo a regosihá, pasobra nan a duna ofrenda boluntariamente, pasobra di henter nan kurason nan a duna SEÑOR nan ofrenda, i rei David tambe a regosihá masha.

29:10 Asina David a bendishoná SEÑOR dilanti di henter e asamblea, i David a bisa: "Bo ta bendishoná, O SEÑOR, Dios di Israel nos tata, pa semper i semper.

29:11 Di Bo, O SEÑOR, ta e grandesa, e poder, e gloria, e viktoria i e mahestat, di bèrdat, tur loke ta den shelu i riba tera; e dominio ta di Bo, O SEÑOR, i Abo ta halsa Bo mes komo kabes riba tur kos.

29:12 Tantu rikesa komo onor ta bin for di Bo, i Bo ta reina riba tur kos, i den Bo man tin poder i forsa; i ta den Bo man pa engrandesé i pa fortalesé kada un.

29:13 Pesei anto, nos Dios, nos ta gradisíBo i ta alabá Bo nòmber glorioso.

29:14 "Ma ta ken mi ta, i ta ken mi pueblo ta, ku nos lo por a duna un ofrenda generoso manera esun aki? Pasobra tur kos ta bin for di Bo i ta for di Bo man nos a dunaBo.

29:15 Pasobra nos ta stranhero i peregrino dilanti di Bo, manera tur nos tatanan tabata; nos dianan riba tera ta manera un sombra i no tin speransa.

29:16 O SEÑOR nos Dios, tur e abundansia aki ku nos a proveé pa traha un kas pa Bo nòmber santu ta bin for di Bo man, i tur kos ta di Bo.

29:17 Komo mi sa, O mi Dios, ku Bo ta skudriñá kurason i ku Bo tin delisia den rektitut, ami, den e integridat di mi kurason, a ofresé tur e kosnan aki boluntariamente. I awor ku goso mi a mira Bo pueblo, ku ta aki presente, duna nan ofrendanan boluntariamente na Bo.

29:18 O SEÑOR, e Dios di Abraham, Isaak i Israel, nos tatanan, preservá esaki pa semper den e intenshonnan di kurason di Bo pueblo, i dirigí nan kurason na Bo.

29:19 I duna mi yu hòmber Salomon un kurason perfekto pa warda Bo mandamentunan, Bo testimonionan i Bo statutonan, i pa kumpli ku nan tur, i pa traha e tèmpel, pa kual mi a hasi provishon."

29:20 E ora ei David a bisa henter e asamblea: "Awor, bendishoná SEÑOR boso Dios." I henter e asamblea a bendishoná SEÑOR, e Dios di nan tatanan, i a bùig te na suela i a duna reverensia na SEÑOR i na rei.

29:21 I su manisé nan a ofresé sakrifisionan na SEÑOR i a ofresé ofrendanan kimá na SEÑOR: mil bishé machu, mil karné chubatu i mil lamchi, huntu ku nan ofrendanan di bibida i sakrifisionan na abundansia pa henter Israel.

29:22 Asina nan a kome i bebe e dia ei dilanti di SEÑOR ku gran alegria. I nan a hasi Salomon, yu hòmber di David, rei pa di dos biaha, i nan a ungié komo gobernante pa SEÑOR i Sadok komo saserdote.

29:23 E ora ei Salomon a sinta riba e trono di SEÑOR komo rei na lugá di su tata David; i e tabata prosperá, i henter Israel tabata obedes'é.

29:24 I tur e ofisialnan, e hòmbernan poderoso, i tambe tur e yu hòmbernan di rei David, a hura fieldat na rei Salomon.

29:25 I SEÑOR a halsa Salomon masha haltu mes den bista di henter Israel, i a dun'é tal mahestat real ku ningun rei promé kuné no tabatin na Israel.

29:26 Asina David, yu hòmber di Isaí, a reina riba henter Israel.

29:27 I e temporada ku el a reina riba Israel tabata kuarenta aña; el a reina shete aña na Hebròn i trint'i tres aña na Jerusalèm.

29:28 E ora ei el a muri na un edat hopi avansá, yen di dia, rikesa i onor; i su yu hòmber Salomon a reina na su lugá.

29:29 Awor e echonan di rei David, for di promé te na último, ta pará skirbí den e krónikanan di Samuel, e miradó, den e krónikanan di Natan, e profeta, i den e krónikanan di Gad, e miradó,

29:30 huntu ku henter su reinado, su poder i e sirkumstansianan ku a bin riba djé, riba Israel i riba tur e reinonan di e teranan.