Search the Bible

1 Korintionan 9; 1 Korintionan 10; 1 Korintionan 11 BSNP Edit

1 Korintionan 9

9:1 Mi no ta liber? Mi no ta un apòstel? Mi no a mira Jesus nos Señor? Boso no ta mi obra den Señor?

9:2 Si pa otronan mi no ta un apòstel, pa boso sigur ku sí; pasobra boso ta e seyo di mi apostolado den Señor.

9:3 Mi defensa kontra esnan ku ta huzgami ta esaki:

9:4 Nos no tin derecho di kome i bebe?

9:5 Nos no tin derecho di hiba ku nos un esposa kreyente, meskos ku e otro apòstelnan, i e rumannan di Señor i Sefas?

9:6 Of ta Barnabas i ami so no tin derecho di keda sin traha?

9:7 Ken a yega di sirbi komo sòldá riba su mes gastu? Ken ta planta un kunuku di wendrùif sin kome di su fruta? Of ken ta kuida un tou sin uza lechi di e tou?

9:8 Akaso ta for di punto di bista humano mi ta papia e kosnan aki? Of Lei tambe no ta bisa e kosnan aki?

9:9 Pasobra ta pará skirbí den e Lei di Moisés: "No pone bosal pa buey ora ku e ta trapa mainshi." Ta pa buey Dios ta preokupá anto?

9:10 Siguramente, ta pa nos motibu E ta bisa esaki, no t'asina? Sí, ta pa nos motibu esaki a wòrdu skirbí, pasobra e plugdó mester plug ku speransa, i e batidó-di-mainshi mester bati mainshi ku speransa di haña parti di e kosecha.

9:11 Si nos a sembra kosnan spiritual den boso, ta algu di mas si nos kosechá kosnan material for di boso?

9:12 Si otronan tin e derecho aki riba boso, nos no tin mas ainda? Sinembargo, nos no a hasi uzo di e derecho aki, ma nos ta soportá tur kos, pa nos no kousa strobashon na e evangelio di Cristo.

9:13 Boso no sa ku esnan ku ta ministrá den e sirbishinan santu ta kome e kuminda di e tèmpel, i ku esnan ku ta sirbi regularmente na e altar ta haña nan parti for di e altar?

9:14 Asina tambe Señor a ordená pa esnan ku ta prediká evangelio biba di evangelio.

9:15 Ma ami no a hasi uzo di ningun di e kosnan aki. I mi no ta skirbi e kosnan aki pa esaki wòrdu hasí asina den mi kaso; pasobra mi ta preferá di muri ku laga un hende hasi mi gabamentu bira algu bano.

9:16 Pasobra si mi ta prediká evangelio, mi no tin nada pa gaba di djé, pasobra ta mi obligashon; pasobra ai di mi si mi no prediká evangelio!

9:17 Pasobra si mi hasi esaki boluntariamente, mi tin un rekompensa; ma si ta kontra mi boluntat, mi tin un mayordomia ku a wòrdu konfiá na mi.

9:18 Kiko anto ta mi rekompensa? Ku ora mi prediká evangelio mi por ofresé evangelio pòrnada, pa mi no hasi uzo kompleto di mi derecho den evangelio.

9:19 Pasobra ounke mi ta liber di tur hende, mi a hasi mi mes esklabu di tur, pa mi por gana mas ainda.

9:20 I pa e hudiunan mi a bira manera un hudiu, pa mi por gana e hudiunan; pa esnan ku ta bou di Lei mi a bira manera bou di Lei, maske mi mes no ta bou di Lei, pa mi por gana esnan ku ta bou di Lei.

9:21 Pa esnan ku ta sin lei, mi a bira manera un hende sin lei, ounke mi no ta sin lei di Dios, ma bou di lei di Cristo, pa mi por gana esnan ku ta sin lei.

9:22 Pa e debilnan mi a bira debil, pa mi por gana e debilnan; mi a bira tur kos pa tur hende, pa di tur manera mi por salba algun.

9:23 I mi ta hasi tur kos pa kousa di evangelio, pa mi por tuma parti den djé.

9:24 Boso no sa ku esnan ku ta kore un kareda, ta tur ta kore, ma ku ta ún so ta risibí e premio? Kore di tal manera anto pa boso por gana.

9:25 I tur ku ta kompetí den e weganan ta ehersé dominio propio den tur kos. Nan anto ta hasi esaki pa risibí un korona ku no ta dura, ma nos ta hasié pa risibí un korona ku ta dura pa semper.

9:26 Pesei mi no ta kore manera un hende sin meta; mi no ta bòks manera un hende ku ta dal den bashí,

9:27 ma mi ta gòlpia mi kurpa i ta hasié mi esklabu, pa no sosodé ku, despues ku mi a prediká na otronan, mi mes wòrdu deskualifiká.

1 Korintionan 10

10:1 Pasobra mi no kier, rumannan, pa boso keda sin sa ku nos tatanan tur tabata bou di e nubia i tur a pasa dor di e laman;

10:2 i tur a wòrdu batisá den Moisés den e nubia i den e laman;

10:3 i tur a kome e mesun kuminda spiritual;

10:4 i tur a bebe e mesun bibida spiritual, pasobra nan tabata bebe for di un baranka spiritual ku tabata sigui nan; i e baranka tabata Cristo.

10:5 Sinembargo, mayoria di nan no tabata agradá Dios, pasobra nan kadavernan a keda bentá tur kaminda den desierto.

10:6 Awor e kosnan aki a sosodé komo ehèmpel pa nos, pa nos no tin deseo pa kosnan malu, manera nan tabatin.

10:7 I no sea adoradó di ídolo, manera algun di nan tabata. Manera ta pará skirbí: "E pueblo a kai sinta abou pa kome i bebe, i a lanta para pa gosa di nan bida."

10:8 I no laga nos kometé inmoralidat seksual, manera algun di nan a hasi, i bint'i tres mil a kai riba un solo dia.

10:9 I no laga nos tenta Señor, manera algun di nan a hasi i a wòrdu destruí dor di kolebra.

10:10 I no murmurá, manera algun di nan a hasi i a wòrdu destruí dor di e destruidó.

10:11 Awor e kosnan aki a sosodé ku nan komo un ehèmpel, i nan a wòrdu skirbí komo un spièrtamentu pa nos, riba kendenan e finnan di e siglonan a bin.

10:12 Pesei, laga esun ku ta kere ku e ta pará tene kuidou pa e no kai.

10:13 Ningun tentashon, fuera di loke tur hende ta pasa aden, no a bin riba boso; i Dios ta fiel, Kende lo no pèrmití pa boso wòrdu tentá mas ku boso por soportá, ma huntu ku e tentashon E lo proveé salida tambe, pa boso por soportá.

G3756 -- Ningun -> No
G3986 -- tentashon, -> temptation
G442 -- fuera di loke tur hende ta pasa aden -> you but such as is common to man
G2983 -- no a bin -> has overtaken
G2316 -- i Dios -> and God
G4103 -- ta fiel, -> is faithful
G3739 -- Kende -> who
G1439 -- lo no pèrmití -> will not allow
G3985 -- pa boso wòrdu tentá -> you to be tempted
G5228 -- mas ku -> beyond
G3739 -- boso -> what
G1410 -- por soportá -> you are able
G3986 -- ma huntu ku e tentashon -> but with the temptation
G4160 -- E lo proveé -> will provide
G1545 -- salida -> the way of escape
G2532 -- tambe, -> also
G1410 -- pa boso por -> so that you will be able
G5297 -- soportá. -> to endure

10:14 Pesei, mi stimánan, hui for di idolatria.

10:15 Ta ku hende huisioso mi ta papia; boso huzga loke mi ta bisa.

10:16 E kopa di bendishon ku nos ta bendishoná, no ta un komunion e ta den e sanger di Cristo? E pan ku nos ta kibra, no ta un komunion e ta den e kurpa di Cristo?

10:17 Pasobra nos, siendo hopi, ta ún pan i ún kurpa; pasobra nos tur ta tuma parti na esun pan ei.

10:18 Wak e nashon di Israel; no ta esnan ku ta kome e sakrifisionan tin komunion na e altar?

10:19 Kiko mi kier men anto? Ku un kos sakrifiká na ídolo ta algu, òf ku un ídolo ta algu?

10:20 Nò, ma ami ta bisa ku e kosnan ku e paganonan ta sakrifiká, nan ta sakrifiká na demoño i no na Dios; i mi no kier pa boso tin komunion ku demoño.

10:21 Boso no por bebe e kopa di Señor i e kopa di demoñonan; boso no por tuma parti na e mesa di Señor i na e mesa di demoñonan.

10:22 Of ta proboká nos ta proboká Señor pa hasiE bira yalurs? Akaso nos ta mas fuerte kunE?

10:23 Tur kos ta pèrmití, ma no ta tur kos ta kumbiní. Tur kos ta pèrmití, ma no ta tur kos ta edifiká.

10:24 No laga ningun hende buska su mes interes, sino esun di su próhimo.

10:25 Kome tur loke ta wòrdu bendí na marshé-di-karni, sin hasi pregunta pa motibu di konsenshi;

10:26 pasobra tera ta di SEÑOR, i tur loke ku e ta kontené.

10:27 Si un di e inkrédulonan kombidá boso, i boso tin gana di bai, kome tur loke ta wòrdu poní boso dilanti, sin hasi pregunta pa motibu di konsenshi.

10:28 Ma si un hende bisa boso: "Esaki ta karni sakrifiká na ídolo," no kom'é, pa motibu di esun ku a bisabo, i pa motibu di konsenshi;

10:29 mi no kier men bo mes konsenshi, ma esun di e otro; pasobra pakiko mi libertat ta wòrdu huzgá dor di konsenshi di un otro?

10:30 Si mi ta tuma parti ku gradisimentu, pakiko mi ta wòrdu kalumniá pa lokual mi ta duna gradisimentu?

10:31 Asina anto, sea ku boso ta kome òf bebe òf kiko ku boso ta hasi, hasi tur pa e gloria di Dios.

10:32 No duna ofensa ni na hudiu ni na griego ni na e iglesia di Dios;

10:33 meskos ku ami tambe ta komplasé tur hende den tur kos, sin buska mi mes probecho, ma e probecho di hopi hende, pa nan por wòrdu salbá.

1 Korintionan 11

11:1 Sea imitadónan di mi, meskos ku ami tambe ta di Cristo.

11:2 Awor mi ta elogiá boso, pasobra boso ta kòrda riba mi den tur kos, i ta tene firme na e tradishonnan, manera mi a entregá nan na boso.

11:3 Ma mi kier pa boso komprendé ku Cristo ta e kabes di tur hòmber, i e hòmber ta e kabes di e muhé, i Dios ta e kabes di Cristo.

11:4 Tur hòmber ku ta hasi orashon òf ta profetisá kabes tapá, ta desonrá su kabes.

11:5 Ma tur muhé ku ta hasi orashon òf ta profetisá sin tapa kabes, ta desonrá su kabes; pasobra e ta igual ku esun ku su kabes ta feitá.

11:6 Pasobra si un muhé no ta tapa su kabes, lagu'é kòrta su kabei tambe; ma si ta un bèrguensa pa un muhé tin su kabei kòrtá òf tin su kabes feitá, lagu'é tapa su kabes.

11:7 Pasobra un hòmber no mester tapa su kabes, komo ku e ta e imagen i gloria di Dios; ma e muhé ta e gloria di hòmber.

11:8 Pasobra hòmber no ta originá for di muhé, ma muhé for di hòmber;

11:9 pasobra di bèrdat hòmber no a wòrdu kreá pa muhé, ma muhé pa hòmber.

11:10 Pesei e muhé mester tin un símbolo di outoridat riba su kabes, pa motibu di e angelnan.

11:11 Sinembargo, den Señor ni muhé no ta independiente di hòmber, ni hòmber no ta independiente di muhé.

11:12 Pasobra meskos ku muhé ta originá for di hòmber, asina tambe hòmber ta nasí di muhé; i tur kos ta originá for di Dios.

11:13 Huzga pa boso mes: ta pas pa un muhé hasi orashon na Dios kabes sunú?

11:14 Naturalesa mes no ta siña boso ku si un hòmber tin kabei largu, esei ta un bèrguensa p'é,

11:15 ma si un muhé tin kabei largu, esei ta un gloria p'é? Pasobra su kabei a wòrdu duná na djé komo un velo.

11:16 Ma si tin hende ku tin gana di pleita, nos no tin tal kustumber, ni e iglesianan di Dios tampoko.

11:17 Ma no ta elogiá mi ta elogiá boso dor di duna e instrukshon aki, pasobra boso no ta bin huntu pa bira mihó, sino pa bira pió.

11:18 Pasobra pa kuminsá, mi ta tende ku ora boso bin huntu komo iglesia tin divishon entre boso, i pa un parti mi ta kere esaki.

11:19 Pasobra tambe mester tin divishon entre boso, pa esnan ku tin e aprobashon di Dios por wòrdu rekonosí meimei di boso.

11:20 Pesei, ora boso ta reuní, no ta pa kome e Sena di Señor,

11:21 pasobra na boso komementu kada un ta kohe su mes kuminda promé; i esun tin hamber i e otro ta burachi.

11:22 Kiko! Boso no tin kas pa kome i bebe aden? Of boso ta despresiá e iglesia di Dios, i ta brongosá esnan ku no tin nada? Kiko lo mi bisa boso? Boso kier mi elogiá boso? Den esaki mi no ta elogiá boso.

G1063 -- Kiko -> What
G2192 -- ! Boso no tin -> ! Do you not have
G3614 -- kas -> houses
G2068 -- pa kome -> in which to eat
G4095 -- i bebe -> and drink
G2228 -- ? Of -> ? Or
G2706 -- boso ta despresiá -> do you despise
G1577 -- e iglesia -> the church
G2316 -- di Dios -> of God
G2617b -- , i ta brongosá -> and shame
G3588 -- esnan -> those
G2192 -- ku no tin -> who have
G3361 -- nada -> nothing
G5101 -- ? Kiko -> ? What
G3004 -- lo mi bisa -> shall I say
G1867 -- boso? Boso kier mi elogiá -> to you? Shall I praise
G3778 -- boso? Den esaki -> you? In this
G1867 -- mi no ta elogiá -> I will not praise

11:23 Pasobra mi a risibí di Señor loke mi a entregá na boso tambe, ku Señor Jesus, riba e anochi ku El a wòrdu traishoná, a kohe pan;

11:24 i ora ku El a kaba di duna gradisimentu, El a kibr'é, i a bisa: "Esaki ta Mi kurpa ku ta wòrdu kibrá pa boso; hasi esaki na Mi rekuèrdo."

11:25 Di e mesun manera El a kohe e kopa tambe, despues di a kaba di sena, bisando: "E kopa aki ta e aliansa nobo den Mi sanger; hasi esaki, kada bes ku boso beb'é, na Mi rekuèrdo."

11:26 Pasobra kada bes ku boso kome e pan aki i bebe e kopa aki, boso ta proklamá e morto di Señor te ora ku E bin.

11:27 Pesei, ken ku kome e pan aki òf bebe e kopa di Señor na un manera indigno lo ta kulpabel di e kurpa i sanger di Señor.

11:28 Ma laga kada hende saminá su mes, i asina lagu'é kome di e pan i bebe di e kopa.

11:29 Pasobra esun ku kome i bebe ta kome i bebe huisio pa su mes, si e no huzga e kurpa korektamente.

11:30 Pa e motibu aki hopi meimei di boso ta debil i malu, i un kantidat a muri.

11:31 Pasobra si nos a huzga nos mes korektamente, nos lo no a wòrdu huzgá.

11:32 Ma ora nos wòrdu huzgá, nos ta wòrdu disipliná dor di Señor, pa nos no wòrdu kondená huntu ku e mundu.

11:33 Asina anto, mi rumannan, ora boso bin huntu pa kome, boso un warda riba otro.

11:34 Si un hende tin hamber, lagu'é kome na kas, pa boso no bin huntu pa huisio. I e otro asuntonan lo mi regla ora mi bin.