H8416

Verse usage

• Isaias 60:6 BSNP
  Un multitut di kamel lo yena bo tera, kamel yòn for di Madian i Efa; tur esnan for di Saba lo bin; nan lo trese oro i sensia, i lo trese bon nobo di e alabansanan di SEÑOR.
• Isaias 60:18 BSNP
  Violensia lo no wòrdu tendí mas den bo tera, ni ruina ni destrukshon paden di bo fronteranan; ma lo bo yama bo murayanan 'salbashon', i bo portanan 'alabansa'.
• Isaias 61:3 BSNP
  pa duna esnan ku ta yora na Sion un korona di bunitesa na lugá di shinishi, zeta di alegria na lugá di yoramentu, un mantel di alabansa na lugá di un spiritu di desesperashon. Asina nan lo wòrdu yamá "eiknan di hustisia", e plantashon di SEÑOR, pa E wòrdu glorifiká.
• Isaias 61:11 BSNP
  Pasobra manera tera ta hasi mata nase, i manera un hòfi ta hasi e kosnan sembrá den djé spreit, asina Señor DIOS lo hasi hustisia i alabansa spreit dilanti di tur e nashonnan.
• Isaias 62:7 BSNP
  i no dun'E sosiegu te ora ku E stablesé i hasi Jerusalèm bira un alabansa riba tera.
• Isaias 63:7 BSNP
  Lo Mi menshoná e miserikòrdianan di SEÑOR, e alabansanan di SEÑOR, konforme tur loke SEÑOR a duna nos, i e gran bondat pa ku e kas di Israel, ku El a duna nan konforme Su kompashon, i konforme e multitut di Su miserikòrdianan.
• Yeremias 13:11 BSNP
  Pasobra meskos ku un faha ta pega na sintura di un hende, asina Mi a hasi henter e kas di Israel i henter e kas di Juda pega na Mi, pa nan ta un pueblo pa Mi, pa fama, pa alabansa i pa gloria; ma nan no a skucha,' SEÑOR ta deklará.
• Yeremias 17:14 BSNP
  Kurami, O SEÑOR, i lo mi ta kurá; salbami i lo mi ta salbá, pasobra Bo ta mi alabansa.
• Yeremias 33:9 BSNP
  I e stat aki lo ta pa Mi un nòmber di goso, alabansa i gloria dilanti di tur e nashonnan di tera ku lo tende di tur e bon ku Mi ta hasi pa nan; i nan lo haña miedu i tembla pa motibu di tur e bondat i tur e pas ku Mi ta hasi p'é.'
• Yeremias 48:2 BSNP
  No tin alabansa mas pa Moab; na Hesbon nan a plania kalamidat kontra djé: 'Laga nos ban kaba kuné komo nashon!' Abo tambe, Madmena, lo wòrdu silensiá; spada lo pèrsiguíbo.
• Yeremias 49:25 BSNP
  Pakiko e stat di alabansa no a wòrdu bandoná, e stat di Mi goso?
• Yeremias 51:41 BSNP
  "Mira kon Babilonia a wòrdu kapturá, e atmirashon di henter mundu a wòrdu gará! Mira kon Babilonia a bira un opheto di horor meimei di e nashonnan!
• Habakuk 3:3 BSNP
  Dios ta bin for di Teman, i Esun Santu for di Seru Paran. Su splendor ta tapa e shelunan, i tera ta yen di Su alabansa.
• Sofonias 3:19 BSNP
  Mira, e tempu ei Mi ta bai trata ku tur boso opresornan; lo Mi salba e kohonan i rekohé e eksiliadonan, i lo Mi kambia nan bèrguensa hasié alabansa i fama den henter tera.
• Sofonias 3:20 BSNP
  Na e tempu ei lo Mi reuní boso, na e tempu ei lo Mi trese boso kas. Di bèrdat, lo Mi duna boso fama i alabansa meimei di tur e pueblonan di tera, dia ku dilanti di boso wowo Mi trese esnan di boso ku ta den koutiverio, bèk," SEÑOR ta bisa.